الحجامة(دواء حير عقول الملايين)

اولا اقول اللهم ارحم ابوالجاز (مش بتاع الكورة/ابوالجاز الحلاق كان فى دكان عم عثمان حتيلة الله يرحمه)وهو اختصاصى الحجامة فى الحباك نرجع لموضوعنا -توصل العلماء هسع بس ان الحجامة تعمل على خطوط الطاقة كالابر الصينية ولكنها تاتى بنتائج افضل منها بعشرة اضعاف لانها تعمل على مواضع الاعصاب الخاصة بردود الافعال* لكل عضو اعصاب خاصة فالمعدة لها مكانان فى الظهر وعندما تمرض يتم اجراء الحجامة من هذين المكانين وهاكذا وتعمل الحجامة على الغدد اللينفاوية وتقوم بتنشيطها مما يقوى المناعة ويزيد من قدرتها على مقاومة الامراض /عموما دا كلام بتاع علوم ساى /العبد لله مدمن حجامة (واسال متحجم ما---)والله بتنفع اى مرض الا الفلس*والعاوز يجرب حامدونا قاعد(والاجر على الكبير)

قلت لي اسال متحجم فعلا كبرت ياحامد ياخي دي حاجات ناس عجايز
اكيد يااخوان الحجامة مفيدة وكان الرسول صلي الله عليه وسلم يستعمل الحجامة
بس زمان ياحامد كانت الدماء نظيفة مافيها ايدز ولا التهاب الكبد الوبائي والبلاوي الموجودة في هذه الايام
اذكر قصة طريفة ياحامد زمان وانحنا صغار رسلتني الوالدة عائشة لها الرحمة الي العم اسماعيل الحجام لانو محمد سعيد كان عيان يعني عنده حمي وبستفرغ كتير وقالوا عنده الريشة (لسان المزمار) وجريت للعم اسماعيل الحجام قدام دكان عمي سر الختم وقلت ليه عاوزنك في بيت فكي الحاج وحمل شنطته وجاء معي وقام باخراج ادوات العملية لانها فعلا عملية وقام بادخال حديدة داخل حلق الاخ محمد سعيد وقطع جزء من لسان المزمار او الريشة واخد حقو ومشئ ولم تتحسن احوال الاخ محمد سعيد وفي العصر بدات الحمي تشتد علي جراب الفول وبدا يتشنج وعندها ارسلتني الوالدة لابوي وجاء ابي وكان عليه رحمة الله بيحب محمدسعيد شديد وكل ناس الحيشان التلاتة كذلك لانو اخر العنقود والصغير والمدلل من الكل وجاء عابدين ابوزلازل وبدأ خليل حتيلة يتحري في الموضوع وبدات الوالدة عائشة تهدئ الوالد لانو كان منفعل شديد وعندما عرف ابوي القصة حلف بالله ان ياخذ عمنا اسماعيل الحجام الي البوليس ومن خلفه عابدين وزاد عابدين بانو حياخد كل من كان في البيت الي البوليس لو مات جراب الفول واخدوا محمدسعيد الي المستشفي بعربة حسن ابراهيم ورقدوه والحمدلله بعد يوم تعافي من الحمي ويظهر انو كانت ملاريا

تحياتى والاشواقى الحارة(لحبيبنا- فلس)والله ياابوعبدالله مع المكيفات دى والجداد الميت دا*مالك الا الحجامة*

أعلموا أيها الجمع إننى كبرت ولازمانى حجامة ، وأتصلت على أحد الحجامين بالرياض وناوى أذهب له ، وطالما حامدونا طلع خبير ، فأنا ذاهب له هذا الخميس بعد بكره ورسل لى تلفونك الآن يا حامد عشان نشوف الموضوع .... ضرورى يا حامد ...والله المنتدى دا كلو بركة .

التحايا موصوله للاخ حامدونا,بنهنئه بالزواج وبيت مال وعيال,الاخ ابو عبدالله وابو الزهور,ام الزهور والابناء وقصة قطع الريشه بتاعة اخونا فلس دي قصه عجيبه,والريشه دي عندها اي علاقه بالفلس تحياتي للاخ (لقد امجم).

لك التحيه اخي حسن يظهرانو هناك علاقة مابين الريشة والجيب لانو المسافة قريبة خاصة الجيب الفوقاني وسلم لي علي جراب الفول

بالطبع يا عزيزى حسن هناك علاقة قوية جدا بين الريشة و الفلس.

الجيب بدون قروش اكيد خفيف وزن الريشة.

الحبيب /حسن ود خليل/الله يبارك فيك والله مشتاقيين دقش/دقش(اخبارك)من زمانتى-زمانتى دى حلوة مش (محمد سعيد حياتة بدات بالريشة )عشان كدة الفلس بغنى ليه ياضلنا/عزيزى اليوم دا عظيم الواحد لقى فيه اخ من الزمن الجميل الله يخليك

اقول ليك جاهزين جاهزين لحجم الممكونين (وبدرى من عمرك انت لسع شباب)رقم الجوال/0558715828

الأخ / حامدونا لك التحية العطرة
عزيزي الجماعة دول الظاهر ما عارفنك ، وأنا ما داير أخوفهم ، بس مداراة المؤمن لنفسه حسنة
أخوي أزهري لو عاوز تتحجم أمشي الشميسي وبالله خلينا من أبو جاز ده ، وأسأل مجرب ـ ياخي الزول ده قبرة ما عندو هو كان صحي بيحجم خليهو يداوي فليتو أو صداعو الدائم ده ووالله كان جيتو تبقى غلطان وأنا ما حاسدك بس الطب في الزمن ده بقى صعب والبباري حامدونا النار في الخلاء ( الباقي يتمو هو) والبباري الجداد بوديهو الكوشة
مع المعذرة يا دكتورنا
بالمناسبة أم حسن قالوا عندها وجع كراع أمشي حجمها أول وبعدين أنشر دعايتك على النت

اخى الحبيب/ابواسراء(مشتاقين اول حاجه اقول ليك مزمار الحى لايطرب)الواحد كان عاوز ليه(اجرررررررر)ساى مابتخلوه عموما ياعزيزى جددنا العدة /كل الاشواق/

لكم التحية الاخوة حامد و سيف.

طبعا يا حامد سيف يعرف كل اسرارك و عليه نصيحته لازهرى الحاج تجوز فارجو منك ان تلزم الصبر

لانه سوف يفتح عليك نيران جهنم ( ابو كرم ) كمل باسطة صالح كلها و فى الميدان عندو نصف ساعة بس.

عزيزنا/فيصل لك كل الود*الواحد صابر 35 سنة معاه * نصبر نعمل شنو(وبينى وبينك هسع بقى تندل بس مابلعب دقيقة واحدة)واغنيته المفضلة كانت لنا ايام

التحية والتقدير ليكم دوما وأبدا أخواني كبار وصغار ( المعذرة أخي الأكبر ابو الزهور) أنا عايز أقول ليكم أخونا الكريم الشهم ( حامدونا ) الصديق الحميم للأخ ( عطية ) ذي ما بيقولوا عشرة صنايع والبخت ضايع وده كلو من عطية طبعا ، ففي يوم من الايام وصلت السلطنة فكنت مع اخي بابكر في البيت وطبعا بيجوك الأخوان يسلمو عليك فكانت هناك جلسة عامرة جدا في دار أخونا بابكر مصطفى والونسة والكشاتين مدورة ففجأة كده يسألني أحد الاخوة الحضور بالله يامعتصم أخوكم حامد أخباره شنو وقبل أن أرد عليهو يواصل ، يا سلام والله حامد ده راجل تمام وراجل فاهم جدا ان هبشتو في التعليم تلاقيهو راجل متعلم للأخر وان هبشتو فى الثقافة تلقاهو مثقف جد وان جيت للكورة تلقاهو بحر عديل كده وهو ذاتو بابكر قال لي كان لاعب كورة تمام وكمان يازول فى حاجة تانية والله ضهري ده كان تاعبني جنس تعب لانو عندي قطيعة حاميني النوم والقعاد لكين حامد ده الله يديهو العافية تتصور مرق القطيعة ( ده عبدالواح ياحامد وعلي فكرة الراجل ده دايما بيسال عنك ).. فيا أبو الزهور أتوكل علي الله وأمشي ساكت لابوحسن وأتحجم حجامتك ، أما عن موضوع عمنا أبو جاز ياحامد فكنا زبائن معتمدين لانو كان بيحلق ( بفريني بس ) قر شين ياجماعة فأنت عارف الوالد عليه رحمة الله كان بيديني ( شلن ) وبيقول لي أمش لي عمك ثالثو يحلق ليك فكنت بأخد ليك الشلن من الوالد وبقول فى نفسي الليلة عيدك ياولد فأول شئ أقوم فاك ليك الشلن وأروح لعمك أبوجاز قدام دكان ( درجي ) وأقول ليهو ابوي قال ليك أحلق لي وأروح قاعد ليك وطبعا ذي ما قال حامد ماكينة حلاقتو بتشتغل بالجاز ، المهم عمك يزعمط ليك شعرنا بصورة ما تتخيلوها أبدا والرأس كلو يبقي جاز يعني ان جاء عمنا ميرغني دقاقه ونقر جنبك استارتر تدور علي طول وبعد داك تقعد تفتش ليك فى مخرج من الوالد لاقناعه بانك ليه رحت حلقت عند أبجاز وطبعا بيكون الباقي من الشلن ثلاثة قروش أول حاجة بعد الحلاقة نفكر فيها أنو تأجر ليك عجلة من عمنا حسين العجلاتي ربع ساعة وطبعا كان تعاملنا دوما مع ( مورتلا ) لأنو ان زودنا عن ربع الساعة خمسة دقائق كا بيمشي لينا وأحياننا طبعا كنا ساعة نتأخر شديد نخرم العجلة ونجي جارنها ونقول ليهو اللستك أتخرم عشان كده اتاخرنا وبعد داك ياجماعة فاضل لينا ذي قرش من الخمسة قروش فطوالي تجي ماشي وأخر عظمة تتبختر لانك حالق رأسك وراكب ليك عجلة وذي الكأنو كل الناس عارفاك الليلة انت عملت شنو وتقعد تتفرجخ في الواطة قدام ستات الطعمية والوينة القاعدات قدام دكان عمنا المرحوم / مبارك عليه رحمة الله ، فيختو ليك صحن الشطة بالليمون ومن ثم الطعمية والوينة ( خلاص يا ...... )ولا مش كده ياود أبقرن