ثلاثه مقاطع لطفل ما / أزهري محمد علي

والأرِض البينك ما بينا
ألغَام ومُلوك - وكلابْ
بِنْسِلَّها حتماً يا ولدى
من بين المِخْلب والناب

شكراً

و الله يا خال انت جد رائع و منبع للروائع ................

*****************************
من نفسى شالت درت الشر دستة

وفى شنطة

تسكن ملاييين المناخات العجيبة

فى وطن اسمو البساطة

يا طيبتها

اتمايلت من دول وقفت عديل نخلة

لمة الطرب جاها وقفت عديل نخلة

حتى النسيم كورك يا ضحكته

تسكب لبن ابيض لون الضمير والحق

الريقوا كان ناشف فى اللحظة ديك تدفق

وجاءت الكنايس لى

وجاءت الجوامع لى

اهدنى منبر وتوب

عكاز وطااااقية وكان مهرجان شعبى

زى كل خلق الله زى كل ناس الله

من قلبى حبيتة

***** شكرا *****

شكرا مدثر العزيز ... هذا من لطفك وأدبك ......... تحياتي

شكرا أزهرى...شكرا مدثر...شكرا ول نوية...أزهرى محمد على راضع من ضرع الغلابة وشارب رحيق غلاية الوطن...هاضم جميع الثقافات المشرورة فى وطن المليون ميل....من القرآن يجيب من الانجيل يجيب من الدوبيت من المردوم من الدرمللى...ومن رقيص الجنوب... من غناء السماكة فى الشرق من الشاشاى وهسيس البطانة من تمر الشمال و(ام صلمبوية) الغرب...من (كدك) الجزيرة وكهربة سنار ....من جمال الحور وسماح بنيات المراحيل من الفرقان والعمارات يجيب...هذا شاعر يستثير فيك كل الاحاسيس والمشاعر...يجبر الكل على تزوق الشعر..حتى (ابن خالتى) والسواق والجنقو فى المشاريع والراكب (الحجوج)فى دار الريح وناس الصعيد وناس ألبل رعاة الضأن سراى الليل ستات الشاى ...وكله يتكيف...شكرا لكم على الجمال