إلتهاب العيون (كارلوس)يغزو الحباك

سماه طرفاء المدينه كارلوس هو داء يصيب العيون ولا يستثنى احدوهو مرض مزعج تمتد دورته من ثلاثه ايام الى اسبوع ومتفشى الان فى جميع مدن كردفان وقد غزى الحباك بشكل رهيب واستقبلنا من اليوم الاول الذى دخلت فيه الحباك والان انا من ضحايا كارلوس اسالو الله لنا ولاهل الحباك الشفاء

عافاكم الله اخي غريق وشفاك
وشفي كل قاطني الحباك واهل كردفان
ونسأل الله لكم جميعاً الصحة والعافية

سلامات يا كارلوس .... وأمسكوا عليكم عيونكم ديل

ربنا يحفظ الاهل والاحباب بابي جبيهة كافة
ويكفيهم الكان سبب في تلوث الجو بتاع ابوجبيهة الصافي

شكرا الدكتوره وابوالزهور والفاتح وبدر الدين على المرور ومداخلاتكم خففت علينا الصراع مع كارلوس

الف سلامه يا زعيم و الله كارلوس مرض بائس ياخ نسأل الله لك الشفاء و للاخت امال خليل و هى فى ابوجبيهه

اليومين دى و لمى فيها كارلوس من امروابه.

تحياتى للجميع

الف سلامة عليكم لا بأس عليكم وربنا يشفي الجميع, ياغريق وآمال لكم مني الود.

شكرا فيصل وشكرا ام محمد على مشاعركم النبيله

كفارة يازعيم
العيد كيف ..؟
نغير راينا ولاكيف نقعد نعيد كدوقلي المديرية ولاشنوا ...

ياجماعة موضوع كارلوس داما كارلوس بس دا اظنو بن لادن والمرض لا زال مدور فى البلد ودا مرض اعتقد انه فيروسى وفى مستشفى مكة توجد علاجات له نتمنى من المسؤلين بتاعينا التحرك لاحتواءه وعمل اتصالاتهم والمرض دا والله متعب جدا ويستمر اسبوع تمام .

قرات فى صحيفة الاحداث عدد الامس ان مدارس الولايه تقلق بسبب كارلوس الذى تفشى وسط الطلاب بصوره كبيره00الهم ارحم عبادك من آلآم كارلوس

والله العظيم لم أجد هذا البوست إلا الآن ..والف كفارة ليك ...وربنا يبعدك دائماً من كل داء ...ولأنك غالي وعزيز والله تألمت ليك جداً ...وربنا يواليك بالشفاء ...آمين يارب العالمين ...محبتي

ياابو علياء يا راقى الحمد لله انا بقيت كويس من كارلوس وربنا يديك العافيه000تسلم