خسر المريخ كل شئ.

انتهت بالامس فيما يسمى ببطولة شرق و وسط افريقيا ( سيكافا ) بخسارة الوصيف بالضربة القاضية.

نظم المريخ بطولة ( الجوع ) و صرف عليها ملايين الدولارات و كان المريخ قد وقف على حقيقة مستوى

فريقه المتدنى للغاية بعد ان اكتشف الوصيف انه ينازل فرق من جيبوتى و اريتريا و غيرها من الدول التى

يسيطر على مجتمعها الجوع و المرض.و كان المريخ قد نازل أتراكو الذى أقصى المريخ و انتصر عليه

بنصف دسته كاملة الا ان مستوى البطولة قد فضح نفسه فى النهائى.

ففى مباراته مع مازمبى الكنقولى ( ليس من دول المنطقه ) الذى دعى لتقوية البطولة كانت جماهير الوصيف

قد اعتدت على احد حكام المبارة بعد ان تقدم مازمبى بالهدف الاول و قد قام الحكم بطرد حارس مرمى مازمبى

ليتمكن المريخ من التعادل ثم الفوز بنتيجة المباره ليقابل أتراكو الرواندى.

الشئ المؤسف حقا تلك المبالغ التى تم صرفها على بطولة الجوع دون ان تاتى باى نفع للوصيف

و اخيرا سوف يخوض المريخ دورى الابطال و يلاقى سيد البلد فى يوم 18 من هذا الشهر ليلاقى حتفه فى

بطولة الكبار.

العزيز فيصل/لك التحية
من بنى على ضعيف فهو ضعيف(الجماعة ديل كان عاوزين ليهم بطولة باى طريقة*لكن كيدهم فى استادهم)عموما حيغيروااااا المدرب ويجيبوا المازدا ويلقوا يوم 18جا (ومواتر الرئيس انمبيلى وساودمبا-الا بحبال حتى يقدروا عليهم)

أخونا فيصل يأخي سلامات وبنقول مبروك للمريخاب ( الحقد بتاعتكم دي)
طبعا الجماعة ديل لسانهم طويل ومتبرئ منهم ووالله لو فازوا بهذه البطولة الضعيفة كما أسلفت سعادتك إلا نشوف لينا جحر ندخل فيهو بس الله قاعد في كرسي العدل ونحمدك يارب 0 وبقت عليهم خسارة وفقدان صدارة)يعني خلاص لا دولارات لا كاس
وبعد ده الممطورة ما بتبالي من الرش خليهم يجونا عديل ويشوفو الرش ، بس عاوزين نشوف مزمل ابو القاسم كتب شنو الليلة وكيف كان الإحتفال بالفوز المضمون في الالتراس زي ما قال أمس .

دعاني الاخ محمد الفاضل وهو جار عزيز لمشاهدة المباراة وماكنت متحمس ولكن الراجل عاوز يغيظني واصر علي المهم مشيت ليه وبدات الكورة ومن بداية المباراة كادت شباك المريخ ان تهتز لولا العارضة وقلت لاخونا ياصاحبي انتو مغلوبين واذا به يضحك ويسخر مني ويقول لي انت هلالابي حاقد وحتشوف حنعمل فيهم شنو بس انت اصبر شويه وظللت جالس و صابر حتي نهاية المباراة ومافي شئ وضحكت علي اخونا محمد وطبعا لو قدر الله وفازوا كان حيقول لي انحنا اصحاب الكاسات المحمولة جوا وبرا وبحرا
اخواني فيصل وحامد تتفقوا معاي انو الكورة عندنا فقدت نكهته بتاعت زمان

إنتو قاعدين تقولوا شنو ..
بالله يا جماعة ركزوا معانا فى مباراة البرازيل وأنجلترا الودية ومباراة السليساو مع التانغو فى تصفيات أمريكا الجنوبية وسيبونا من الوهم الى عايشين فيهو ده . آل مريخ آل !!!!

سمعا وطاعا ابوالزهور وبلاش وجع قلب ونكد وخلينا نعيش حياتنا زي مابيقولوا الواحد فينا تجيهوا ذبحة وراء الهلال والمريخ و ياتم وليداتوا ساكت في الفاضي و قديما قالها ابوعاج لمن اخدنا من المريخ كاس الدهب وسلم لي علي الدحيش

شعارنا الغالى بنرفع و العالم كله بيسمع ناكل مما نزرع و نلبس من ما نصنع

يحتاج النسان احيانا الى ان يكون محليا و كرة القدم فى السودان فى تدهر

الأخوة /ا ابو الزهوروفيصل وحيدر لكم مني التحية
صحيح يا أبوالزهور كورتنا دافوري ووجع قلب لكن مافي طريقة نتخلى عنها خصوصا أن جميع الدوري واقف وماف حاجة نتسلى بيها وبعدين كورتنا بسجم رمادها ده زي ما قال أخونا فيصل أحيانا الواحد يحتاج للمحلية شوية ويمكن زي ماقال ليك حيدر ناس عبد الله يدخلوا الأكاديميات الكروية ويغيروا واقع الحال فلازم نكون مواكبين

الاعزاء*ابو الزهور *فيصل*حيدر(لكم التحية)
انا معاكم بان كورتنا تعبانة ومشاكلها كتيرة زى اى حاجة فى السودان (والواحد قبل فترة كان متخيل مشكلة الكورة فى السودان الفلس وشداد لكن ظهور النبت الشيطانى صلاح ادريس وعديله جمال الوالى تم الناقصة عموما الموضوع طويل وعاوز ثورة تصحيحية عامة من البراعم حتى راس النادى (واقول ليك ياحيدر هلال مريخ بقت مرضة الواحدرما قادر يتخلص منها)وظن الواحد حكمتة لالوب السودان ولاموز البرازيل/والله يجيب يوم 18

رغم لوني الاحمر( طبعا في جماعة بكونو عارفين قاصد شنو)لكن الحقيقة تقال المريخ فريق ليس له فنون كرة ضجه اعلامية علي الفاضي الصحف تكتب وتعبئة فايتة اللزوم والنتيجة كانت كما شفتو بالامس زي ما قال عم ازهري احسن بعدا نشاهد البرازيل والانجليز
معليش يعني لو سمحتي لي عاوز اقول معلومة للجماعة اللونهم ازرق احسن بعدا يشوفوليهم لون تاني لانو بصراحة لا احمر ولا ازرق واحد فيهم فيهو رجا مافي