الهلال يضرب بقوة

فى تجربته الودية الاولى له بالسودان بعد ان عاد من معسكره بمصر نثر سيد البلد فنون الكرة البرازيلية

باستاد الخرطوم و زار مهاجموه شباك المقاولون العرب ثلاث مرات.

استهل اسامة التعاون اهداف الهلال و جاءت باقى الاهداف عن طريق سادومبا الخطير.

بلغ دخل المباراة 325000 (بالجديد) و كان البرازيلى قد منح الفرصة لمعظم لاعبى الهلال الجدد و القدامى.

نال سيف الدين مساوى نجومية المباراة دون اى منازع.

بهذه التجربة اطئنت جماهير سيد البلد على موقف الفريق و بدا الوصيفاب الرجفة من هذه اللحظة.

الاخ محمد نوية مريخابى على السكين ادرى تماما و لكن حاول التقليل من موضوع أتراكو بهذه الكلمات

كعادة الصهاينة عند الهزيمة.الكرة فى السودان يتسيدها سيد البلد يا ود نوية و انتم لم تبارحو خانة الوصيف

رغم ملايين الدولارات

تحياتى

شكرا فيصل ؛؛ بس كلام زي ده ما تقولوا في محل ضيق زي ده
وحات الله المريخاب بزعلوا منك ، وهزيمة المريخاب دي حقيقة ما بتنأبي لكن الفيكم إتعرفت
بس كان طبقناها ليهم يوم السبت تبقى آخر حلاوة

يبدوا ان الاخوة (فيصل وسيف ) لم يتابعوا لتاريخ واحصائيات الاتحاد الدولي لكرة القدم الم تعلمو ان المريخ في الشهر الفات كان ترتيبه الثاني في القارة السمراء وصاحب الكاسات المحمولة جوا كدة قولو لي جبتو شنو انتو؟ كالعادة عندكم اي هزيمة للمريخ ناطين فينا زي الحيطة القصيرة والله يجيب يوم 18 العندو بخور بنشم والتصريحات بتاعاتكم دي بنشوفا مشينا الاسماعيلية ووووو ودخل المباراة كدة وانتو عارفين مشيتو الاسماعيلية ليه لانها ابو الرخاء
انا بصراحة ما عارف لو كان عملتو التدريبات دي في النو كامب او البرنابيو او سانسيرو معناتو حتقلبو الدنيا

نحن في المريخ أخوة نعشق النجم ونهوى
نحن في التاريخ سفراً يملأ التاريخ زهواً
واختلاف الرأي فينا يجعل المريخ أقوى
نحن في المريخ أخوة نعشق النجم ونهوى

لك التحية اخى نوية.

اكراما لاساتذتنا الكرام الاستاذ نواى و الاستاذ عثمان قادم سوف سوف نحاورك وفق قواعد اللعبة Fair play.

و بعنف قانونى الذى يجوز مع الكراهه.

ان الكاسات المحمولة التى تتحدث عنها هى كأس دبى و كاس سيكافا و المنافستان تنشيطية و ليست كما يروج

اعلام مزمل ابو القاسم. ان الهلال يا اخى فريق بطولات كبيرة و له تاريخ لا يضاهى و لقد تم تصنيف الهلال فى

اكثر من مناسبة ضمن افضل اربعة فرق بالقارة السمراء.

ان الاعتماد على بطولات جوع لا يخدم الوصيف فى شئ و لنا فى سيكافا اسوة حسنة.

ان الهلال لما له من قاعدة جماهيرية و تاريخ اصبح هو هم الوصيف الذى اصبح يسعى حتى للتعاقد مع عمال

نادى الهلال دع عنك مشاطيبة.انى والله لاحزن للحال التى وصل اليها هذا النادى من تدهور.

و لعلمك خرج اليوم اعلام المريخ لياتى بطبخة جديدة ليعطل تسجيل اللاعب الفلتة سادومبا

راينا ان لا نقلب عليكم المواجع اكثر و انت فى المهاجر.

لك حبى

لك التحية اخي ول حتيلة دون الدال علي قول اهلنا الطيبين
دايما مريخ هلال ماتكون مشحونة بالثرثرة والوتصريحات الظريفة
المهم انت اتكلمة عن الللاعب المزكور اسمه فهي حالة طبيعية تحصل في اي فرق العالم ومن ضمن تصريحات جماعتكم المحرجة ارجع بيك شوية لي تلاتة سنة ورا في واحد كبير فيكم بتحفظ عن زكر اسمو وانت عارفو ايام مباراتكم مع الاهلي وهو السبب الرئيسي في وداعكم لتلك للبطولة العريقة وانا بصراحة كنت بحترم الهلال في تلك البطولة وكنت بشجعه المهم اخينا قال دقو الحلب والله اقولها بملء الفم للان المصريين ماسكنها ليهو قالو لي هذا ما يعرفش عن الكورة حاجة ياعم بالمصري طبعا
فانتو لو خليتو التصريحات دي وعملتو ليكم ادارة واعية ومثقفة فنيا واداريا وكرويا انا متاكد حتصلو لمبتقاكم وخلو الطلاق وووووووو دي
لك حبي وتقديري تحياتي لكل الاهل بالسودان

أخوي الفاضل / محمد نوية ؛؛؛؛ تحية حب وإحترام لشخصك
أولا : طبعا مافي أي وجه مقارنة بين أسياد الكورة من قبيلة زرقان والفاتهم التاكسي من قلب أمدرمان، لو قلت كروجر أبو برمودا أوقوووووول رادان بتضيع في النص ما بين ريكاردو ودي سانتوس والداهية الحالي كامبوس الفنان
راجع تأريخك على مر الأزمان كأس الدوري أو كأس السودان وين من أربعة أوخمس سنوات خلاص أول مرة ليكم عاوزين تعملوا لينا جنان ، أنحنا أسيادا ( معز ،مساوي، مهند، هيثم جاكم أمبيلي وسادومبا كمان ، كاريكا وعادل أمك كابوندي جوه الشبكة ) غايتو جيبوا شوالاتكم ساي وتعالوا
بالله بسألك سؤال برئ هسع انت لمن طهروك وعملوا ليك الجرتق والضريرة ربطوا ليك في جبهتك شنو ؟ ,,,,, وطيب تاني واحدي هسع عندنا في ابجبيهة قبل ما تاجي الكهرباء الشهر ده لو ما هلا النجوم بتضوي ؟ فرق يا اصحاب مزمل أبوالقاسم وأبوشيبة وحسن محجوب . انت زول فاهم أحسن ليك ترجع لصوابك وتنضم لصفوة الهلال
أهلنا العرب الفي الخلاء هناك من يقولوا الزول ده أحمر طوالي بقولوا ليك ده شويعي يا صهاينة

مساء النور علي اهلنا الطيبين والمتعصبيين
اخ سيف كيف اخبارك وانا اشكرك جدا علي مشاعرك الجميلة دي فنحنا لدينا مبدا وما بنتغير زي الجماعة التانيين اظنك فاهمني كويس وانا ازكر لمن كنت في السودان لي صديق عزيز منكم ماداير ازكر اسمو اخاف ينهال علي بالشتائم والعصا وهي طبعا عادة عادية بالنسبة ليكم فانت ليه هارب من كلام ليه ماتقول لي نحنا جبنا كاس من برة انشاء الله كاس من ارتريا ولا تشاد فانت كدة اسال نفسك هسي في سنة واحدة جايبين كم مدرب الليلة مدربكم ده الشايفنو زي غوارديولا ده بكرة لو اتقلبتو تقولو شيلو الخواجي ده برة فانت لو داير تتكلم في الكلام ده انا بمرق ليكم حاجات كتييرة الناس ماعارفنها عنكم وانا ازكر اتقلبتو من فريق من شمال افريقيا وانت اظنك تتزكر الموقف ده كويس لحقتو المدرب شنطتو في بلدو حتي ما اتحترمتو العقدالمبرم معاهو ونسيتو كل شي المهم الفيصل هو الميدان ويوم 18 قرب واضح نوعك ده لو اتقلبتو بتغفل تلفونك
اخي القصد هو تنافس شريف والهلالابي ود عم المريخ ولا شنو
نحنا المريخ شعارنا التراضي لا بنعادي لا بنشاكل
بس عليك الله يوم المباراة خلي تلفونك فاتح

لك حبى و معزتى يا ول نوية.

واضح جدا انك سعيد الحظ و الا لماذا لم يظهر الاخوان فضل الحاج و حامد حسن عبد الرحيم للتعقيب على ما تكتب.

عرفنا بمرض الاستاذ فضل الحاج ( شفاه الله ) و لكن انتظر حامد و عندها الا تشيل عفشك و ترجع ابوجبيهه.

سوف تكون هدف لكل هلالاب ابو جبيهه يا ود نوية شد حيلك ( ايها الاحمر).

تحياتى

القدس عروس عروبتكم .... أهلا .... أهلا أهلا

أنا قولى فوكن سبؤمية ..

عساك طيب ول حتيلة بالمناسبة دي انا عرفة في ناس كبار بنتمو ليكم المهم في النهاية وجهة نظر وانتما للونين المشهورين في وطنا الحبيب
اخي بصراحة انتو بس تحبو الكلام الساي دون النظر لقوانين اللعبة وتثيرو الخصم بقصد فقد التركيز لكن هذا لا يذيدنا الاقوة واصرار وعزيمة واديك قصة حقيقية حصلت مع شخصي قبل سنتين حينها كنت في الخرطوم في اداء الخدمة الوطنية في التوجيه المعنوي وقتها كنت بكتب في عمود رياضي في صحيفة القوات المسلحة اها في ضابط برتبة عميد منكم اعجب بكتابتي وقال لي اسمع يا اخ دايرك تبقي معانا فهو لا يدري انا بشر لدي مشاعر واحاسيس وونتم اللون المعروف فانا صراحة حنيت علي تعبيرو المهم قمت اكتب في الجريدة وازكر مباراتكم الشهيرة مع ناساروا حينها انتابني حب الانتما للوطن واثنيت الهلال لما قدمه من مباراة تستحق الاحترام اها اخينا قال لي بعدا تجي في الاسبوع يوم واحد وقام قدم لي في الادارة المالية و اجتزت كل المعاينات عشان تعرف انتو ناس تحبو المظاهروالمقابل0 نواصل موضوعنا اها قال لي يوم مباراتكم في نصف النهائي مع النجم مباراة الاياب قال لي توقعاتك للمباراة شنو قلت ليهو الله يستركم يا سعاتو قال لي انت زول شوم اها بعد ما ودعتم البطولة وكان السبب فيها طلاق واحد كبير فيكم سبب حارسكم بوفون قام الضابط شطب اسمي من الكشوفات وقال للجنة الزول ده معارض مع اني لا افهم شي عن السياسة - بعدما تم استدعائي من قبل اللجنة وضحت ليهم السبب ان لوني احمر حينها اخينا انهالو عليه بالتوبيخ وانا طبعا رفضة العودة للادارة فيا اخي قصصكم كتيرة ومحرجة
لك حبي وتقديري

مايهمك اخى ول نويه
الكاس ده دا لو بره السودان كان جبنا رجاله حناسه
لكن كان فى السودان جوه عشان كده تضحيه مننا ادينا لى الضيوف ديل
الهلالاب ديل يوم السبت الا يلبدو

مريخنا فووووووووووووووووووووووووووووووووووووووووووووووووووووووووووووق

أين انتم يا هلالاب ابوجبيهه؟ فضل الحاج-سيف الدولة - حامد حسن - حيدر خليل -

بدانا مع محمد نوية الحوار ظهر لينا صهيونى اخر من الصين و الاهم اتضح بما لا يدع مجالا للشك ان

ول نوية صحفى احمر ( نجل ) ولربما شكل خطورة على قلمى المتواضع.

تحياتى لك اخى عبد السلام عساك بخير. الجميع هنا بخير و عامل نايم الا بعد ان استفزيتكم حتى عملت

هذه المداخلة. اعرف انك احمر و لكن سوف لن اهادنكم الى أخر طلقة و يوم 18 قريب.

يا ول نوية مبروك عليك اخوك عبد السلام ان كنت تعرفه الحمدلله و ان لم تكن فهو من ابناء المدينة العريقين جدا

و هو طالب دراسات عليا بالصين و خريج جامعة الخرطوم

محبتى

صباح الخير اخي ول حتيلة وكل الجماعة المعاك
الان بدأ العد التنازلي وصافرة الانزار دقت واليوم منذ الصباح الباكر جوالي لم يصمت دقيقة من الاتصال ورسائل sms من ناسكم في السودان فده كلو بوبار وتهديد وفي جماعة منكم من الفاشر ونيالا اتصلو بي وهم الان في طريقهم لامدرمان قول ليهم اصبرو ساي الراجيكم ما هين والله انا خايفهم يرجعو كداري يكونو ضحية الجنجويد وشايف ناسكم جهزو حكاماتهم ناس فرفور وندي القلعة عشان تعرف المهزلة والاهانة بتاعتكم دي زي الفنانة الزكرتها دي انا بديها عمل طبعا انت فاهم قصدي شنو في واحد مشهور فيكم قاعد يكتب ليها وبلحن ليها حينها ايقنت تماما ممكن اي زول عندوا قروش ممكن يتقلد منصب اداري في الكورة حتي ولو كان (عتالي) مع احترامي ليهم خدمة شريفة لكن اجتماعيا لم تكون مقبولة لعامة الناس0دييل تلفوناتي كدة رسل لي تلفونك لو سمحة 0918851518/00966544874954/00966595214812 طبعا زين السودان شغال
اخوي كدة اسالك سؤال بي الراحة كدة عم ازهري ده لونو شنو طبعا اتصل بي وقال جاي الرياض انا خايفو بعد المباراة ما يلاقيني عشان كدة الواحد يتحفظ لانكم لمن تنقلبو الواحد فيكم لو لقاك في الشارع ما بسلم عليك وانا خايف من دي
تحياتي"""""""

حبيبى ول نوية.

لسوء حظك ازهرى هلالابى عتيق و كمان فضل الحاج ( ارجى الراجياك )

تلفونى 0912669366.

انت عايش وسط كل اناطين الهلال القدامى بالمملكة ( أمبليتا و شيل شيلتك).

معزتى.

عزيزي ول حتيلة اراك فزعت ناسكم لكن ده كلو ما بنفع شايف ناسكم زاغو مافي واحد فيهم قدر يتكلم طبعا ناسكم شغالين بالدفرة بس 0 (والمحرّش ما بداوس/ علي قول اهلنا) عشان كدة احسن ليك تقلب والله يا اخوي
ناسك خذلوك
تحياتي لك

تحياتى فيصل وكل الاهل
والله بس الواحد بدخل المنتدى وبطلع مرات دون ان يلقى التحيه
لكنم فى الوجدان دائما لكم العتبى
اما هلاريخ دى كدى ننتظر السبت عشان نستمتع كويس ارجو الراجيكم ساكت

تحياتى وأشواقى الحاره

اخوتي نويه وعبدالسلام أولا تحياتي وتقديري لكم دوما .. بس عايز أقول ليكم ياناس المثل بيقول العقلو فوق رأسو بيعرف خلاصو ولا مش كده فنمن الناس تقول علي الهلال الزعيم وسيد البلد فحقوا تقولو أي نعم ودي معاها حاجات تانية حامياني .. والسؤال متي تأسس نادي الهلال ومتي تأسس نادي المريخ ؟ والمثل هنا بيقول الأكبر منك بيوم واحد أعرف منك بسنة كاملة ولا مش كده ياجماعة وبعدين بكرة السبت ونشوف العد .. مع احتراماتي

التحية لهلالابى القح/فيصل ودخليل وتحياتى ودنوية
العزيز فيصل الواحد كان عاوز يرد على الاخ محمد بكرة لكن (قلت يمكن وارغو دا يكب الزوغة *الواحد* شهر مايلم فيه)صراحة الواحد برغم انو ضامن النتيجة لكن ماقادر يكتب (وانت عارف ليه)اما انت ياوارغو(لك الود والاحترام ونحن عارفين المريخاب ديل كلهم هلالاب بس زعلانين-والحاجة العارفها انااهل الكور كلهم هلالاب *من زمن سيد الكور لاعب هلال ابوجبيهة)ولنا عودة عزيزى

تحياتي لاسياد البلد ، عادة لا أحب ان أعلق قبل هلال مريخ ،لذلك تلاحظون بل ولا اقرأ أي صحيفة يوم المباراة ،لانو قراءة الصحف تزيدك توترا وتزداد خفقات قلبك ، وحتى عندما كنت في السودان احرص على عدم تصفح اي جريدة رياضية في ذلك اليوم واتحاشى المناقشات وأحاول أن أنشغل بأي شئ يبعد عني التوتر ومن عصراً بدرى تلقاني في الإستاد ، ويا حامد غايتو كلنا مطمئنين على النتيجة، وكلما أزداد أطمئناناً أزداد توترا دي يحلوها كيف ؟؟ ويا فيصل آخر الأخبار شنو ؟ علمت أن كابوندي ربما لا يشارك اليوم بسبب مشكلة في اوراقه، ما مدى صحة ذلك ؟؟.... تحياتي لكم

تحياتي لاسياد البلد ، عادة لا أحب ان أعلق قبل هلال مريخ ،لذلك تلاحظون إبتعادي عن هذا البوست بالرغم من مناشدات فيصل ، بل ولا اقرأ أي صحيفة يوم المباراة ،لانو قراءة الصحف تزيدك توترا وتزداد خفقات قلبك ، وحتى عندما كنت في السودان احرص على عدم تصفح اي جريدة رياضية في ذلك اليوم واتحاشى المناقشات وأحاول أن أنشغل بأي شئ يبعد عني التوتر ومن عصراً بدرى تلقاني في الإستاد ، ويا حامد غايتو كلنا مطمئنين على النتيجة، وكلما أزداد أطمئناناً أزداد توترا دي يحلوها كيف ؟؟ ويا فيصل آخر الأخبار شنو ؟ علمت أن كابوندي ربما لا يشارك اليوم بسبب مشكلة في اوراقه، ما مدى صحة ذلك ؟؟.... تحياتي لكم

بعد التحية والتقدير الليلة يا العتالة ارجو الراجيكم شايفكم الليلة اتحركتم وبقيتو تتكلموا انتو اصلا فالحين في الكلام بس 0الليلة اي واحد فيكم يجيب ليهو سبحة من الجامع الكبير (في السوق العربي) ويحسب الاقوال لان الاقوال ما بتنعد ليكم بي ايديكم حقت الشوالات دي
والله اتمنيت الليلة اكون في السودان عشان بعد المباراة بالذات ود حتيلة ده امشي ليهو في بيتو واوريهو شفة الوييل