آخر الضحايا

تتواصل حلقات المسلسل التركي (مقبرةالهلال الدولية)
وذلك بعد ان فاز على الفقيد الاتحاد الليبي بهدفين دون رد ونذكر المتابعين الاعزاء ان المسلسل بطولة نجوم الهلال ولكن اليوم برز نجمي الفريق سادومبا وبشة
والساقية لسه مدورة............

يا ول نوية بلوا راسكم أمل عطبرة جاكم ... أمس شفت المزيكا دي كيف... والفريق الطيركم من الكونفيدرالية هو الآن طيش المجموعة بنقطة واحدة زي نقطتكم في دبي

يا ول نوية ... يا ول نوية

كل مرة تأتي بجديد شفت الفرق كيف الهلال تخطاكم إلى دور المجموعات ثم تخطاكم للمرة الثانية للمربع الذهبي .. يعني الفرق أصبح مرحلتين المريخ محتاج إلى إعادة هيكلة حتى ولو يضيع عام كامل كما ضاع العام قبل السابق من الهلال حينما شطب ثمانية من لعيبته غير الذي تحول إلى المريخ... الهلال في عام واحد غادره مجاهد وكرنقو وقودوين وكليتشي وطمبل وداريو كان ومرق وافياني وقلواك وأكرم ز.. هؤلاء العواجيز لازم يغادروا المريخ فقد انتهت صلاحيتهم .. المريخ محتاج لدماء حارة جديدة وإلا سيتآكل ويضعف مردوده .. المريخ محتاج إلى إدارة فنية وإدارية بقدر حجمه. الله يستر عليكم من أمل عطبرة تاني تمشوا عطبرة خاصة وإنو قنع من الدوري وهو ضاق طعم الكونفيدرالية ومافي طريقة يدخلها إلا يحقق كاس السودان ..الله يكضب شينتكم

اولا ..السلام عليكم وحبابكم زين
ثانيا..نبارك للهلال الفوز ونتمنى انه يحرز الكأس حتى يتحرر من عقدة الدونية.
يا ول نوية المريخ حاضر عريق ايضا....ايش جد حتى يفقد عراقته...بشارك باستمرار فى الافريقيات وصل الى النهائ الكونفدرالى ودورى المجموعات فى آخر اربعة دورات باستثناء هذه الدورة التى نعرف اسباب الخروج منها....يا صديقى الاتحاد الليبى هو الذى هزمه المريخ بالثلاثة النظيفة فى الرد كسل قبل عامين ولكن اعلام الهلال ضخم الاتحاد وصوره كالمارد الذى لا يهزم حتى يبالغ فى الاحتفال وتضخبم الفوز..مع انه فريق حمام عادى وتاريخ الاندية الليبية معانا معروف بخسارة اى نادى ليبى قابل اى نادى سودانى....
ان الخيل الاصيلة بتجى فى اللفة...فلنرى يا خدورة اصالة خيلكم هذه المرة فى لفة المغرب العربى الصعبة خاصة وانه دايما الرهان على خيلكم خاسر بدا من نهائ القاهرة امام الاهلى ومرورا بنهائى امدرمان امام الوداد المغربى...
يعنى يا ول نويه بالعربى كدا:ناسك ديل سقف طموحاتهم كأس الكونفدرالية..ودى المريخ تخطاها قبل عشرين سنة..ياخى ان شاء الله يجيبوه عشان يدونا دفعه نفوتهم بكأس الابطال تانى عشرين سنة...
خدوره ياخى مبروك..والله لعبتو كورة سمحة لكن المصيبه انو الخصم ضعيف وناسك ديل ياهم ذاتم الخسرو من المالى قبل شهر...غايتو الله يديكم الفى مرادكم ويدينا الفى مرادنا....شايفك بتخوفنا من الامل مع اننا بنرى ان التاريخ والقدر هيآ فرصة تاريخية للمريخ لوضع الامل فى علبه تماما كما حدث امس مع الاتحاد مدنى ومدربه القزم الذى لا يعرف قدر نفسه.قال أيه:قال الجمهور يجى بدرى عشان الاهداف ما تفوته..مش ياهو المريخ الاتعادل معانا فى مدنى؟؟؟..وعينك ما تشوف الا النور...خمسة مع الرحمة عشان خاطر ود اللمين
التبريكات موصولة للأخ الفاتح محمد توم...لكن الغريق قدام...
(الصفا).............ايه ياول نويه....( قصى ).....

لكم الود

والله يا دكتور ويا ول نوية ... نقدر نقول الهلال غضب وحلّ عليكم

هو يا دوبك حل علينا يا ابو الزهور؟؟؟ حالى علينا من زمان لكن لقانا السم القدر غداه....

المريخ هزم الاتحاد قبل سنتين نعم يادكتور ولكن سنتين هذه مدة كافية لان تغير أداءه فاذا كان الجيش طيش المجموعة بنقطة واحدة لم يستطع المريخ هزيمته ولو في الخرطوم هو الذي أحرجه وأخرجه والاتحاد هزم الجيش 4 صفر هل تفتكر يستطيع المريخ أن يهزم الاتحاد الآن يا دكتور ... تكلم بمنطق ولو مرة... الهلال منذ العام الماضي يهزم المريخ بالثلاثة والاثنين هل هذا يخولنا أن نقول أن الهلال يستطيع أن يهزم المريخ في العام القادم ليه يادكتور عينك على الفيل وتطعن في ضله وهل أصبحت مثل إعلام المريخ السالب الذي يضخم المريخ والمريخ منذ عامين لم يحصل على بطولة واحدة مهما كان نوعها وشكلها ... في العام الماضي دخل الأفريقية وخرج طيش المجموعة وفقد الدوري والكأس وقبلهما فقد سيكافا وخرج من أبطال الدوري هذا العام وخرج من الكونفيدرالية هذا العام وخرج من دورة دبي بنقطة .. بأي منطق تتكلم يادكتور عن حاضر المريخ المزري والمحزن والمخزي... نزار قباني قال من الكي قد يجيئ الشفاء ولكن لو كل أهل المريخ يروا حال المريخ بنفس العين التي تراه بها يادكتور أقول للهلال مبروك سيطرتك على ريادة الكرة السودانية طالما أهل المريخ يفعلون فعلة النعامة وذلك بدفن رؤوسهم في الرمال.
هنالك قصة شهيرة عن طالب أتى الأول في سنة أولى ابتائي ثم بعد ذلك مسك الدفة وفي كل مرة يسأله الناس ليه تجي الطيش كل مرة فيرد لهم زمان كان جيت الأول. فذا حال كل مكابر من المريخ.
قال الخصم ضعيف والخصم هزم الجيش الذي أخرج المريخ بنقطة من 6 نقاط أخد 4 صفر من الاتحاد مابتنبلع يادكتور ولا حتى لطفل في الروضة

ان الخيل الاصيلة بتجى فى اللفة...فلنرى يا خدورة اصالة خيلكم هذه المرة فى لفة المغرب العربى

وماذا عن خيولكم دكتور الجنيد ..دي ما لفت خالص ؟؟؟؟ وكيف الحال لما تجي في لفة سيد البلد...ياهو دا حالكم في لفة سيد البلد ؟؟؟؟؟؟
ا.!
أهو بشتنة وشقلبة زي دي؟؟ شى تلاتات وشي تنينات



!!!!!!!.

الانبطاااااااااااااااااااحة دي مش منها وجاتو الحصوة؟ةلحدي الليلة ما مرقت وانا اقول حافظ شتت مالو؟؟ وود كمال عامل تقلية وقال المبارة الجاية ما حيقدر يلعب عشان ضرسو حيوجعو ؟؟ والفدائي بقا ماااااااااااارق شاف واحد ماسك حنكو وواحد ماسك مكان الحصوة وداك ماسك ضرسو من اسع...الله يجازيك يا سادومبا بقيت لحراس الجماعة عارض. والدور ليييييييييييييك يا المنطط عينيييييييييك

ول نويه قال



000وبكرة حيبين ليهم في مباراتهم في نصف النهائ لو مااخدو اربعة خمسة رايح وجاي قولو لي


ليه قولبت اصلو

سلامات وصباحاته بيض..
أشرف فتحت باب صعب..والانبطاح والشربكة فى الشباك معروفة ...وول نوية بتاع ال IT حقنا جاهز ..ول نوية :الصق لينا شربكة المعز من طمبل وبطحته من ايداهور.....
قال لفة الهلال يا مريخ...ثبت الرؤية يا اشرف كل طموحكم تخطى لفة المريخ..أنا اقول ليك لفة المغرب العربى تقول لى لفة المريخ...عالم شاعرة بالدونية....والله يا خدورة كبرت الكلام اتقول المريخ نزل التانية ..يا خى نحن العام قبل الماضى ماخدين الكاس والدورى وغالبنك فى كل اللقاءات المياشرة..تجى السنة دى تهزمنى فى نهائى كاس السودان والدورة الاولى من الممتاز تقول لى انتهينا...والله ما فيش تميز ولا زال الدورى والكأس فى الملعب لم يحسم اى منهم للهلال...ما لك كيف تحكم....
كيف تقول لى انتهينا ونحن يا دوب ابتدينا؟؟؟ وبيننا لفتى الدورى والكأس فلنرى من يملك الخيل الاصيلة......لفة المغرب العربى نهايتها معروفة حسب تاريخكم: صفر كبير فى النهاية.....(بق زيرو)
يديكم الكأس..هى بسم الله .....أقصد يديكم العافية

لماذا لم ترد علي يا دكتور الجنيد سيبك من أشرف رد على كلامي أنا ... أما ياود نوية سرقة وقوة عين نحنا ما بنتكلم عن مال الوالي عضو المؤتمر الوطني ولكن بنتكلم عن اللصوص ال سرقوا 50 مليون دولار وهربوا من العدالة شن بلم خمسة ألف مع خمسين مليون أي غلابة تتكلم عنهم ... الغلابة فرحهم أمس بشة وسادومبا وأتمنى تكون شفت مظاهرات الأمس بأم درمان....آل 5 ألف آل وينك يالدقير يالهربت في العصير

(لماذا لم ترد علي يا دكتور الجنيد سيبك من أشرف رد على كلامي أنا)

(والله يا خدورة كبرت الكلام اتقول المريخ نزل التانية ..يا خى نحن العام قبل الماضى ماخدين الكاس والدورى وغالبنك فى كل اللقاءات المياشرة..تجى السنة دى تهزمنى فى نهائى كاس السودان والدورة الاولى من الممتاز تقول لى انتهينا...والله ما فيش تميز ولا زال الدورى والكأس فى الملعب لم يحسم اى منهم للهلال...ما لك كيف تحكم....)
يعنى دا ما رد عليك يا خدوره...؟
قال مظاهرات الامس...عالم مشتهية مظاهرات...فى زول بظاهر من دور الاربعة

(لماذا لم ترد علي يا دكتور الجنيد سيبك من أشرف رد على كلامي أنا)

(والله يا خدورة كبرت الكلام اتقول المريخ نزل التانية ..يا خى نحن العام قبل الماضى ماخدين الكاس والدورى وغالبنك فى كل اللقاءات المياشرة..تجى السنة دى تهزمنى فى نهائى كاس السودان والدورة الاولى من الممتاز تقول لى انتهينا...والله ما فيش تميز ولا زال الدورى والكأس فى الملعب لم يحسم اى منهم للهلال...ما لك كيف تحكم....)
يعنى دا ما رد عليك يا خدوره...؟
قال مظاهرات الامس...عالم مشتهية مظاهرات...فى زول بظاهر من دور الاربعة

الدكتور قال:

وبيننا لفتى الدورى والكأس فلنرى من يملك الخيل الاصيلة......





والله يا دكتور مجربينكم كتيييير لمن لقب الوصيف كنكش فيكم من خلال ال7 او 8 السنوات الاخيرة والعجب رفع فيها كاس واحد والبرنس جاتو عضلات منها وماتنسوا فوارق النقاط 6 وال 8 وال18 ده غير والتلاتة والاربعة وخلوها مستورة.

حلوة يا ول نوية (الصفقة والربطة) دى...والله انا كان فى مرادى الاتنين يساهرو بيهن....(ربطة) فى دورى الاربعة يمرقوا منها مطششين و(صفقة) فى النهائى تلحقهم الزينين.....الا عليك الله سرع لى (بالشربكة) و(البطحة)...أشرف بشوفو بلحيل هيج على (القرحة)

سلامة قرحتك يا دكتور ..بس أوعا من القولون المستعرض بتاع حسن محجوب ..

صالح آخوي مجربنهم الشوية دي ..دي تجربة مع التخصص ..منذ قيام بطولة الممتاز بشكلها الجديد في عام 1996 ضاربنهم 13 مرة مقابل 5 ليهم... طبعا دا غير كاس السودان والبطولة الأفريقية (الثلاثية الأفريقية الشهيرة وجوز سادومبببببببا في كاس السودن)...والدكتور قال في زول بظاهر من دوري الأربعة وما شاء الله هم ظاهروا في التمهيدي وفي الملحق (الجياشة) بتاعين النيجر طيش مجموعتنا طيروهم ..طيشاب وإتلاقينا..سوري قصدي شبهينا وإتلاقينا ..وقاموا طيرونا

وحتى
لا ينسى الوصيفاب دي حاجة من الذاكرة القريييييييبة جداً

برضوا يا اشرف دايما تأكد لى انو سقف طموحاتكم هزيمة المريخ....صور ساكت برضه فى النهاية ما جابت حاجة لا كأس لا نهائى....
ول نوية: أسمع كلامى
لصق صور كأس مانديلا ..وشربكة المعز مع بطحته...سريع عشان تسكت لى الخشامة ديل....يلصقوا لينا صور مباريات ونحنا عندنا صور كاسات؟؟؟ ...الاختشو ماتو صحى

والله يالجنيد تاني الكاسات تشموها قدحة كان جوة وكان برة خليكم على كلام زمان أنا جيت الأول وانا كنت عايز أشرف ينزل ليك قونين الدورة الأولى وقونين سادومبا وقونين كاس السودان بتاعين السنة الفاتت

الله يجازيك يا ابو الشوش المرارة اشتغلت بقيت للجماعة زي سادومبا لكرومي.

يادكتور الجنيد انا طبعاً هسي مستغرب ناس بتفاخرو بكاسات حكام محلية 00وكاسات زي بتاعت بن ياس دي كاسات الفنانات دي 00انحنا لو بنحسب زي الكاسات البقولوها دي كان استادنا الزيو مافي دا كان ماشالهن

ول نويه...سلامات...الظاهر عليك لصقت حاجة للجماعة لكن ظهرت لى مربع بداخله كروس (x )احمر..كدى اعد تانى....أنششششششششششششششاء الله تكون الشربكة يا الله عشان أغنى:
شباكه السادله
ينعبنى تعب شديد
لو حلحلا

يادكتور سلامات 00شكلك كدا ضربت (ام جنقر) شديد 00 الصورة واضحة زي تعاون الحكام مع نادي الحكومة (المحلي ) عذراً انا طالع خارج الرياض انشاء الله الاسبوع الجاي نتلاقي كان حيين بس نضف لينا الدارة من بدري
مع السلامة

يديك العافية وتمشى وتجى بالسلامة....لكن عليك الله شوف مزمل الليلة فى الصدى قال لخالد عز الدين شنو...منقول من عمود كبد الحقيقة اليوم:

(* وليتهم اختاروا الشمس أو الثريا اسماً لمولودهم، لكنهم انتقوا جرماً سماوياً لا يكبر إلا ليصغر.. ولا يبزغ إلا ليعود كالعرجون القديم!)

إذا كان الهلال غيابه عن الأفق فقط يوم المحاق في الشهر (يوم) ففي السنة (012 يوم) فالمريخ يغيب عن الأفق ستة شهور في السنة والهلال هو رمز المسلمين ويعلو مئذنة كل بيت من بيوت الله حتى مآذن مكة أم القرى وطيبة مدينة رسول الله وهو تاج كل عريس في السودان وأن البشر في الأرض يصوموا ويفطروا عليه والمريخ رمز بني صهيون...وأخيراً يكفي ورود الهلال في القرآن كتاب الله ليتعلم منه أهل الأرض الجهلاء عدد السنين والحساب.. والمريخ من أوثان الأرض فقد عبده قدماء الأغريق فهو من قبل هبل واللات والعزى ومناة وبقية الأزلام والأنصاب والأوثان التي هي رجس من عمل الشيطان إن كيد الشيطان كان ضعيفا....ولقد حطمها المسلمون حين فتحوا أم القرى..أزيدك يا دكتور الجنيد!!!!