الزووووووووووول اللديح

سلامات الاعزاء صباحكم زين جاءنى اميل من احدى صديقاتى فاعجبنى وضحكنى شديد وقلت فى نفسى الله يجازى محنك يا بت يا سلافه واليكم الاميل قايتو الزول اللديح ده بكون احتمال كبير من ابوجبيهه لا عفوا بقصد التانى المع اللديح




كان هذا اللديح يجلس في المقعد المجاور لرجل وقور المظهر في بص سياحي متجه من كوستي الي الخرطوم .. والراكب في مثل هذه البصات يكون في غنى عن أى ثرثرة من جاره .. المقعد الوثير .. ومكيف الهواء ..والفيلم الذي يعرض على الشاشة أمامه ..

كل هذا يجعل الراكب في حالة من الاسترخاء وإنسياب الأفكار لا تحتمل المقاطعة .. كان هنالك حادث مروري وقع أمامهم على بعد أمتار .. توقف الباص .. ونزل الركاب ليتبينوا الأمر .. ومعهم الشخص الوقور .. وبقي اللديح في مكانه ..

بعد حوالي عشرة دقائق عاد الجميع بعد أن وجدوا الإسعاف وعربات الشرطة إستدركت الوضع .. استأنفت الرحلة .. سأل اللديح جاره الوقور:

- الحاصل شنو؟
- في حادث وقع هنا.
- بين شنو و شنو؟
- بين باص سياحي و ناقلة وقود.
- الباص جاي من وين و الناقلة من وين؟
- الباص من الخرطوم و الناقلة جاية من كوستي.
- الناقلة ماركتا شنو ، و الباص تابع لي ياتو سفريات؟
- الناقلة ماركتا (…..) و الباص من سفريات (……).
- طيب في ناس ماتو؟
- زي خمسة.
- في جرحى.
- حوالي عشرين.
- سواق الناقلة الحصل ليهو شنو؟
- ما جاتو أي حاجة.
- طيب الجرحى ودوهم وين؟
- حوادث الخرطوم.
- شالوهم بي شنو؟
- بالإسعاف.
- الاسعاف جا من وين؟
- تابع لي مستشفى الكوة.
- وباقي الركاب الحصل ليهم شنو؟
- تمام والحمد لله.
- لا حول ولا قوة إلا بالله.

بعد أن فرغ رأسه من الأسئلة سكت ..

أما صاحبنا الوقور الذي أثبت أن حبال صبره إذا مُدت تصل الي الصين، وصل ثيرمومتر عدم إحتماله الي درجاته العليا .

إلتفت الي اللديح وقال له:

- ساكت مالك ما تسأل؟

أجاب اللديح بدهشة:
- خلاص تاني ما داير.

هنا تخلى الوقور عن وقاره واستل سكينه ورفعها فوق رأس اللديح وسط دهشة الركاب وكشر له مزمجراً وقال : حرررّم تسأل!

حاول الركاب تدارك الموقف .. ولكنه حذرهم بأنه سيجتز عنقه من (لغاليغه) إذا تدخل أحدهم ..

وإلتفت الي اللديح : أسأل آزول؟
غمغم اللديح بخوف وهو يرى ظل السكين فوق عنقه : أسأل أقول شنو؟

الذي كان وقوراً قال له : أسأل من أي حاجة بقالة ، حجر ، شجرة ، سريع قبل ما أقطع ليك راسك (الغليد) ده.!

دارت عجلة الأسئلة والأجوبة مرة أخرى بين اللديح و صاحبنا. اللديح سأل:

- ده شنو؟
- ده شجرة.
- شجرة شنو؟
- هشاب
- و دي شنو؟
- بقالة.
- الفي الرف داك شنو؟
- صلصة.
- والجات ماشة جنبنا دي شنو؟
- عربية.
- ماركتا شنو؟
- بوكس

وهكذا ظل اللديح يسأل وهذا يجيب حتى وصولوا الي أطراف جبل أولياء .. والركاب (يعجبوك) كادوا أن (ينفقعوا) من الضحك .. وأخيراً أدخل الوقور سكينه الطويلة في جرابها وخاطب اللديح بعد ما (إتفشى):

- معليش يا استاذ ما كان ح أقطع راسك .. لكن مع فقعت مرارتي دي كان لازم أعمل كده .

تنفس اللديح الصعداء وضحك قائلا:
- والله يا ود العم دي بالغت فيها

راجيياك ...بي فوق ...شكراً ناهدعلي الموضوع ...
الفي راسك دا شنو؟

سلامات

اخوى الفاتح شكرا على المرور والمشاركه وما تنقطع

زهيرحسن السيد كتب:راجيياك ...بي فوق ...شكراً ناهدعلي الموضوع ...
الفي راسك دا شنو؟

زهير شكلك لابد لى لكين مافى طريقه

الفى راسى ده معقول ما عارفوا شنو معقوله
( علم وحده الجنوب والشمال )عندك سعال ولا اسل ليك مرق العنقريب

يعنى بصراحه أنا لو كنت قاعد جنبهم كنت ح أقول للديح(ما قل بوليس).
ياخى لكن كرّهوا ركوب السياحى.
شكرا ناهد.......(الواقف قدامك دا منو)

القدامى ده داير تعرفوا مجسم لغم مضاد للافراد

اههههااا ساكت مالك ما تسأل ؟ وبتانى اسأل


يديك العافيه يا عوض اخوى

أخير لى أسكت عشان ما تقومى تفكى ليكى لغم.
تحياتى

الزوووووووووول اللديح فات الكبار والقدرو

مع الإعتذار لزهير

منقولة من منتدى آخر

مرحب بيك ناهد بس اللديح هومنو
والموضوع ارسوليك لشنو
تسلمي

سلامات محمد النو اخبارك
طبعا قالوا اللديح مسافر من كوستى الى الخرطوم انا غايتو كلامى امكن يكون جاء من ابوجبيهه عن طريق الترتر السبعات الراوات تفتكر يكون ده منو ؟؟؟؟؟؟؟؟ الاجابه على مسؤليتك

تسلم محمد اخوى

ول نويه الحصل ليك شنو ؟

مع منو ؟

وين ؟

المحطه قصيره هااا وين ؟

انت كنت ماشى وين ؟

وكان معاك منو ؟
شكرا محمدنويه

يا بت العكلته شنو الزول دا بقارى سكينو برّه

يا بت العكلته شنو الزول دا بقارى سكينو برّه

والله ظريفين بشكل؛واوعدك يااخت والجميع في قادم الأيام سوف أحكي ليكم هذا الموقف

محمد نوية كتب: والله ظريفين بشكل؛واوعدك يااخت والجميع في قادم الأيام سوف أحكي ليكم هذا الموقف

تسلم يا اخوى محمد نويه
والله كلكم ظرفاء المنتدى وضلكم خفيف

ونحنا منتظرينك

بالجد ياعم ازهري الزول اللديح فات الكبار والقدرو يا ناهد دا قمة اللداحة الله يستر وانت راجعة ما يلاقيك واحد لديح..تسلمي ناهد
تخريمة لعوض(ابراهومة صورتو منورة المنتدي بالجد انا سعيدة بيها)

الزول اللديح ده بيكون من الحباك والتانى ده من حته تانيه 000بالمناسبه وفى البدايه انحنا برضو انصار واولاد انصار عشان الانصار ما يفسروا الحكايه دى غلط 00فى واحد انصارى راكب فى البص النيسان وراكب جواره واحد انصار سنه بعدين قوم يا البص نطط بالركاب والانصارى قال يا المهدى وبعد ما الوضع استقر انصارى السنه قام ليك فى الانصارى وعظ وتكفير وإسائه وما خلى للراجل صفحه سليمه والبص وقف لتناول الفطور وفى انصارى راكب فى البص لى وره شويه وسمع كل كلام انصار السنه وعندما نزل الركاب للفطور الانصارى الوراء قال للانصارى الذى تعرض للإسائه بعد ان فطره وزقاه الشاى انت اركب فى محلى وانا بركب فى كرسيك جنب انصارى السنه ده وصاحبنا وافق 000كل ركاب البص ركبو إلا الانصارى وبدأ الناس يقولو ليه يا حاج اركب اخرت البص وصاحبنا جاء وركب جوار انصار السنه وعند الجلوس وضع يده فى كتف انصارى السنه وقال 000يا المهدى الخلقتنى وطلقتنى ونظر الى انصارى السنه نظرت توعد!!!!انصارى السنه قال للانصارى انت عاوز مشاكل وانت عارف الخلقك منو !!!!!الانصارى الاخير من الحباك

مشكورة يا اخت كنتي خفيفة الظل --لديح فعلا لكن الزول دا
حلوة ياعم غريق حكايتك
ياود قادم ندي الناس راس الخيط بتاع القصة ولا نخليهو لمن تجي ؟
تحياتي

يا غريق الانصارى الكان وراء وجاء قدام اكيد كان لابس سكين.
تخريمه:-
دولت تقبلى تحيات ابراهومه

شكراً بت عبيد وماناسي الحكايا بس دايره ليها شوية جمه كدا وإسترجاع الذاكره لكل تفاصيل القصة لأنو زي ماعارفا (الغربه وكدا)
مشكور يازعيم ضحكة طبعا في قصة الانصاري دا --واخينا انصاري السنة العاصرو علي دا شنو --ناس بتكفر في الناس ومابتراعي لفهم الناس ديل ناس بسيطين دايرين توعية علي حسب فهمهم ؛واخينا لو كان واصل شويه في وعظو كان ح يلقي علقة سخنه

غريق شكر على المرور والقصه الحيه . (لداحه على اصولها .)

والحمد الله شهد شاهد من اهلها قال ليكم الزول من ابوجبيهه

انا والله عرفتو ليكم من سلا السكين


دوله شكرا ليك كتير وبالجد ابراهيم منور بسم الله ماشاءالله

الانصارى تسلم يا اخوى اوعا تكون انت الكنت راكب وراء

الاخوان

عوض السيد ومحمد نويه تسلموا يا رب

اهلنا طيبين وبسطاء وعلى نيتهم لكن بينى وبينكم ( لداحه شديده)

ولكم منى السلام والتحيه

الله ينوّر عليك يا ناهد وتقبلى تحيات الصغير (ابراهومه)

لكِ التحية بت عبيد علي خفة الروح
تحياتي لناس البيت