دنــــــــــــــــــــدنــــة ......

دندنة ....وخرفشات .....

ما عارف اللي حصل شنو الليلة ...منذ أن أصبحت أدندن بالآتي :

يـــاريت كــل زول تايـــه
يلاقـــي الريـــدة في دربــو
عشـــان النـــاس تحب النــاس
وزي عينيــــنا يتحــــــبو
ما اصـــلو البزورو الريـــد
حب النــــاس بزور قلــــبو



ومن روائع /الفنان : صالح الضي :

( ولدنا بسدرة ...جبل الضباب )

نعم : أعرف أن البريد ...قد رحل معززاً مكرماً...

إلا أن رسائل البريد كان لها وقع خاص ... في زمن كان يصعب فيه التواصل .......

يا طير
==========================

يا طير يا ماشي لى أهلنا
بسراع وصل رسايلنا
والشوق ما تنسى ياطاير
لكل البسألك عنا
قوليهم عن عهدي ما زلنا ومازلنا
ذكراهم انفاسناو مشاغلنا
كيف حال بستانا وخمايلنا
وروضتنا مجمع شمايلنا
*******
أنا في انتظارك يا طاير
انا ناري
وصل رسا يلك ياطاير
أطرى المشاغل
وافرد جناحك ياطاير
على داري
قبال تعود لازم تروح من تاني مره
ماتنسى زول في الحله إلا
تسلم عليهو وتبوس ايديهو




ورائعته : عش معاي الحب ...

عيش معاى الحب
كلمات/ اسحاق الحلنقي
===================================

عيش معاي الحــــب عيش معاي حنـــــــــــــــانــي
خليني انسى سنين عشتهم وحـــــــــــــــــــدانــي
ايه يضرك تســـــأل يـــــــــــــــوم علي يا غـالـي
وانت وحدك عــارف همـــــــــــــــي عارف حـالـي
كيف اواصل صبري فــــــي الطـــــريق الخالــــي
وكيفن بدونك تصبح الليــــــــــــــالي ليالــــــــي

كنت دائما بصـــــــبر مهما البعـــــاد اضنــــــانــي
في قلبي انت بتكبر وبتكبــــــــــر معاك معانــي
ارجى الايام واستنى آمالـــــــي بيـــــن نيرانــــي
والهجر مهما يطـــول يرجــــــــع حنانـــــك تانــي

لو كان جفيتني ورحتا خليتني وحدي برايـــــــــــأ
مع ليالي الوحدة والشوق حنينو معايـــــــــــــــأ
انا ما بسيبو غرامك رضيان معاك بشقايـــــــــــــا
لمتين طريقك يقصر وتعرف نهايتو خطايــــــــــــــا

ويـــن يا وحيد دنياي ويا وحيــــــد في غرامـــــي
وهبت ليك ايامــــــي وانت كيــــــف تسلانــــــــي
وايه جنيت لي قلبك الكان حنـــــين وجفانــــــي
لو قصدت عذابـــــي انا في عــــذابك هانـــــي

ابو علياء انت رجل مرهف وقليبك رهيف ما بقدر على الهبباى فى عز الصيف(اياك والدندنه) والا بشرط

مع خالص الود..

الحبيب ابو علياء والله لك وحشة
وتاري موضوع لندن داك ما ساكت
لك علي رحلة الى ادس اببا

مغترب 00سافر عشان يلم قروش العرس وظروفوا لفة والجماعه بدوا ينقو للوليه وقام كتب ليها رساله بعد عدد من الرسائل منها وقال




أرجينى فى الميعاد وادى الصبر مده
وفراقنا مهما طال نتلاقى لابدً
عارفانى مابنساك لو طالت المده
وتشرق شمس لقياك مهما الدجى امتده
زمناً ظلمنا وجار راجنو يتعده
وباب الاسى المفتوح لابد ينسده
طيفك معايا دوام من فكرى ماعدا
وبلقاكى فى الاحلام لو مره جات غمده
كلما بنينا امال فى الغربه تتهده
دا الاغتراب ممحوق لاجاب ولا وده
صاح للظروف احكام يوم لين ويوم حده
ومهما ظروفى قست ثابت على المبدا
مو عنى يوم سألوك ليه طوَل المده
ليشن نساكى وفات ليه ليكى مارده
قوليلم الاشواق بيناتنا ممتده
ويكفينى انى براى قى قلبو فد واحده
..
ثم انتظر
وانتظر
وانتظر




فاذا برد الرساله يصل من المحبوبه مباشرة :




راجـاك لاتقلق لو غبت تسعة سـنة
ويوم بالسلامة تعود تلقاني ياني انا




* * *
لا غيرتني ظروف لا ريدي صابو عنا
لا قلبي شالو سواك لا عنك استغنى
تلقاني منتظراك فوق نار ومستنه
والله غير لقياك ما عندي تاني منـى



* * *
كـل مـا يجيني الليـل انا ببكـي وإتالم
تلقاني سـارحه معـاك وبي لقـاك بحـلم
مالك قليبي هواك وجاري مجرى الـدم
فيك التروح الروح وأنا عندي زيك كـم



* * *
طال الزمن بالحيل وانا قاعده مستناك
وبرجاك ومابندم وانا عمري كـلو فـداك
بس يوم تعود ارجوك لاتسيبني تاني وراك
يا أقعد إنت معاى يا إمـا سـوقني معـاك



* * *
سألوني عنك يوم وعن غيبتك العزال
قالوا لي فتَ خلاص غبت وبعادك طال
زول من رحـل خلاك لا جيه لا مرسال
وكتين نساكي وفات خاتاهو ليه في البال ؟



* * *
قالوا لي انسى خلاص زي ما هو برضو نساك
صهين يكون مشغول بي واحـدة تانيه سواك
إبتسمي للأيـام تلقى الزمـن ضحـاك
خُطّابك انتي صفـوف آلاف بتتمناك



* * *
رديت حياتي بقت مقـرونه بـي إنسـان
رابطنا فد شريان ساقينا ريد وحنـان
بيهو بنعيش أحباب في روقة وإطمئنان
ويصبح مصيرنا المـوت يوم ينزف الشـريان



* * *
خليني في جواك لا يبقي بينا عزول
نوم مُطمئن وارتاح واسمع خلاصة القول
لا مال بغيّرني لا إغراء بينا يحـول
لا بيملا عيني سواك لا تاني بعشق زول



* * *
همّش كلام الناس زي ماجَ خلي يفـوت
واسمع حديثي عديل لا يجيبوا ليك هلفـوت
ماناسيه عهدي معاك جوه الفـؤاد منحوت
ويوم ارتبط بسواك انشاء الله قبـلو أمـوت ..

في حب يا خوانا أكتر من كده ؟؟؟؟؟؟؟رايك شنو يا ابوعلياء

نحن غايتو مغتربين وعرّسنا شوف ناس ول نويه يا زعيم

الأحباب ...الظراف ...ابوالزهور ...توحة ...طارق الف حمداًلله بسلامتك ياغالي ...أخي الغالي غريق ...النجم عوض السيد ...وكل أسرة المنتدي ...بشكركم بالجد على المرور ومداخلاتكم الرائعة ...وده حب عدييل ياغريق ...وطبعاً الآن مستعجل جداً لأنو آخر دوام وكل الناس مشت ...بس فضلت أنا ...ولي معاك لقاء أخي طارق ...وتحياتي لك أخي فاتح وابوالزهور ...والعزيز عوض ...محبتي

شكرا ابو علياء على الرد الجميل

تسلم ول نوية الظريف ...وتصدق أحياناً الواحد بيكون ...محتاج يرفه هو عن نفسه ...ودونما يشعر تجده يدندن ...وما أحلي وأبدع البهجة في شخصك ...لأنك دايماً رائع ...ووين الناااس ...؟؟ لأنك لما تغيب بتوحشنا بالجد .... محبتي

الاخ الرائع الزعيم غريق مشكور
رديت حياتي بقت مقرونة بي انسان
رابطنا فد شريان ساقينا ريد و حنان
والله يا جماعة ماشاء الله عليكم عيني باردة عليكم كلكم رائعيييييييييييييييييييييييين

مرحب بعم شاويش
اليوم طلتك نورّت المنتدي من جديد
أرجو ان يكون غيابك عافية
تحياتي؛؛؛؛؛؛؛؛؛؛؛؛؛؛؛؛؛؛

تسلم ول نوية ...تعرف انا مبسوط منك شديد ...وكفي ...محبتي