اهلي الزينين

اهلي الطيبيين اهل الفرقان و الضره و الزراعه و الموظفين و التجار سلام جاكم قرمان ليكم حار و لينا طوله انشاءالله السنه البقيرات و الغنميات ملعشيات و قالوا السنه الخريف سمح .. الله يعوض اهل الجرايه و السلوكه و الناس العندهم قروش البزرعو بالترترات .. انا من زمان بفتش ليكم اهل ابوجبيهه (دبي) السودان مدينة الخير و الكرم و الجود و بعدين ما عندي خبر سويتو ليكم ويب سايد في الانترنيت .. الخبر دا ورتني به الاخت سهاد قالت لي المردوم فاتك في منتدي ابوجبيه توه انا جيت جاهز بي كشاكشي و عندي عراقي و سروال طويل و ريشة نعام قالوا يوم الخميس بعد ما السوق يفر في مردوم دا اعلان لي اصحابي الرواعيه تعالو ربيطه ..
توه انا من بكاني دا ماشي سارح لكن بجي باكر انشاء الله و لنا لقاء معكم ..

حبابك عشره بلا كشره
اخوى الزين
عشى البايتات
اخو السمحات
وبيك المنتدى زاد نوره

رحبو معاى باخى
ابراهيم عشمان
ولدكم منكم وفيكم
خريج جامعة الخرطوم
وتم بحمد الله
الدراسات العليه
بجامعة
صالفورد
بمانشستر
كان نعم الاخ والسند
لى فى مدينة مانشسيتر
يكفى انه فيه ريحة
الدليب والمنقه
وطيبة اهلنا
مهما
اتكلم
لم ولن اجزيه ابدا
وكل ما يزكر اسم ابراهيم صالفورد
زكرت الطيبه
وبشاشة اهلنا
وبالجد مكسب
لمنتدى
وانت وسط اهلك واحبابك
وتانى مرحبتين حبابك

مرحبتين اخونا ابراهيم وبالجد الدار دارك حبابك عشرة بلا كشرة..

حبابك الف ود عثمان وسط اهلك وناسك
منوررررررررررررررررر

مرحب بيك اخى وصديقى ودفعتى ابراهيم عشمان ونحنا معاهو سجالة وعيال دنقر

شوف ياودعشمان نحن ما عندنا مردوم ولا نقارة عشان الاعراس لسه لكن عندنا صراع والصبيان بجلبو فى الدارة كان در املص وازقل عراقيك دا غادى وجلب .
والله ياسهاد اختى جبتى لينا ول فارس جد وهو اضافة حقيقيه للمنتدى وكلامك دا كلو فيه وزيادة والله فقدناه رغم التقائنا به قريبا مشى قعد مع الناس ابن عيون خضر ديل
لكم عاطر التحايا

(وقطع ابو هريره قول كل خطيب)
لك التحايا اخى ابو هريره
وحقيقى ابراهيم فارس
واخو اخوان
ورجل اجتماعى
وخدوم وهو من الزين ساهمو
فى نجاح الجاليه بمانشستر
ربنا يحفظه
ومنتظرين ابداعاته

عليك الله ياسهاد بلغيه تحياتى وخلى يتحرك وهو رجل اعلامى ومبدع ونشيط

ربنا يدية الصحة

مرحب بيك ابراهومه ويله ما تخيّب ظننا فيك

حبابك ألف اخوي
وباقي اخيتك عندها غرام حاااااار مع جامعة كمبردج
إلا الله ما اراد ووصيتي ليك كان جيت بي حداها سلم لي عليها
وتاني مرحب بيك

Dear BrotherS and Sisters

i'm really sorry for the late reply because i have a friend came from Belguim visiting me in London and he is in the hospital had a massive oppration so i'm with him looking after him but he feeling better now .. i will get back to you soon as there are no arbic keyboard so thats why i'm writing in English >> i'm 100% sure ABU HRIRA will understand nothing from what i'm saying hahahahahahha anyway i will be back soon INSHAALAH

Wth Best Regards

تسلم يا اخوى
وربنا يكتب السلامه لصاحبك
وربنا يشفيه ويوصله لعياله بالسلامه
وحقيقى يا اخوانا ابراهيم مسكو منكم الشديد القوى
بس بعد ده ما فى عزر
وحيعوضنا كل الفات
وشكلك كده عايزتملحنا
المره دى
ترجع
مانشيستر من غير تجينا
ربنا يهونا عليك
ويجمعنا قريب
تحياتى

عليك الله زول امس دا كان لابس ليه عراقى وسروال وكشاكيش وسكين ضراع بسكسك وسارح ومعزب بالبار فى دبة برمة هناك فى رشاد وكايس المردوم كان لى ابوجبيهة بجى كدارى سااااى ونحنا فضلناك ودخلناك داخل وزعيمنا غريق جاب ليك النسية وحلب ليك اللبن وضبح ليك كبش توه جيت تسوى لينا كلام الخواويج الما بنعرفة ده
خلاص كان كى انت الا نرجا بيك ابو ابراهيم بقدر بميزك فى الكلام دا.

والله يا ابراهيم دا الكلام القلنا فيك ودا كلام سهاد انت رجل شهم واخو اخوان ودا وضح لينا جليا بمرافقة صديقك فى المستشفى ودى المحرية فيك وربنا يدى صديقك العافية ورغم ذلك كتبت رغم عدم وجود كى بورد عربى .

كلامك دا انفهم الا كان دخلت بينا فى الغريق الا نستنجد بالجماعة يورنا .

الاخ العزيز زهير حسن السيد

اشكرك علي كرم الضيافه الفياض و بشاشة الترحاب لك التقدير و الاحترام ..



البت الاصيله سهاد ..
بدايتنا اشكرك بحراره علي كرم الاستقبال و اديتني اكتر من حقي .. و اشكرك بتعريفك لي باخواني و اخواتي ابناء مدينة الكرم و الجود ابوجبيهه الخير .. ابوجبيهه المنقه .. ابوجبيهه الدليب .. و بعدين يا احبابي لدي موقف طريف و جميل مع الاخت سهاد عندما اتعرفت عليها اول مره .. انا كنت السكرتير العام للجاليه السودانيه و كان لدينا برنامج في مدينة مانشيستر و كان من صميم عملي ان اقوم بدعوات اعضاء الجاليه و ما كنت بعرف سهاد و عملت لها تلفون و اتواعدنا ان نلتقي في مكان بعينه و بالفعل وصلت المكان المعني و عملت لها تلفون قلت لها انا بجوار البنك و قالت لي ما شايفاك قلت لها انا في اشنه سياره واقفه و بالفعل التقينا و قلت لها انتي من وين قالت لي من بنات ابوجبيهه قلت لها ابوجبيهه دي في الشماليه ؟ رددت لي بزعل قالت لي ما بتعرف ابوجبيهه قلت لها ما بعرفها ممكن تكون قرية صغيره و السودان كبير قالت لي ابوجبيهه مدينه كبيره و عريقه في جنوب كردفان قلت لها بتعرفي منطقة ام برمبيطه قالت لي ايوه اختي درست فيها قالت لي انت البخليك تعرف ام برمبيطه و ما بتعرف ابوجبيهه شنو ؟ قلت لها انا من ام برمبيطه و رأيت علي وجهها نوعا من الارتياح و ضحكنا و بقينا اقرب من اقرباء .. عشان كده انا دائما بسميها البت الاصيله و بالجد هي اصيله الله يحفطها و يحفط ابناءها يونس و غدير احبهم جدا ..
لك التحيه و التقدير عزيزتي سهاد ..

الاخ الكريم ازهري الحاج
سعادة المشرف العام

يا اخوانا كونو المشرف العام يطلع من بيتو و يرحب بينا ان دل انما يدل علي كرم اهل تلك المدينه العامره بكرم اهلها لك التحيه و التقدير اخي ازهري ..


دوله ابراهيم عوض السيد
والله جهجتني باسمك دا لان اسم دوله اسم مشترك للجنسين زيو و زي اسم فرح و بشري و دوله و اسم دوله هو للاستاذ احمد دوله رئيس نادي الهلال السابق و الان عضو المجلس التشريعي لولاية الخرطوم و اسم فرح معروف لدينا للرجال لكن هنالك مذيعة في قناة الجزيره اسمها فرح البرقودي .. عشان كده بقول لك جهجتيني ما عرفتك راجل و لا مره علي كل حال لك التقدير و الاحترام و نشكرك للترحاب

الاخ العزيز محمد نوية
شكلك من رواد و مشجعي نادي مانشيستر يونايتد و انا بالرغم من اسكن علي بعد سبع دقائق من الاستاد بالسياره لكن بكرههم موت و انا من مشجعي الارسنال الانجليزي لكن يا اخوي برسل ليك فنيله تحمل رقم اللاعب روني .. لك التقدير و الاحترام

الاخت السمحه صباح حسن عبدالرحيم
باقي جيت توه من السرحه ملقريف حار يا ريد لو سويتي لينا كباية شاي تقيله عشان تودر لي تعب السرحه اشكرك لكرم الضيافه ..

الاخ العزيز و الصديق المحترم ابوهريره عثمان عبدالسلام
اشواقنا اليك تكاد ان تعانق الثريا و لا توصف ..
طبعا يا احبابي علاقتي بالاخ المحامي ابوهريره علاقه متواصله لمده 14 سنه من الصحبه التقيت معه في زيارتي الاخيره للسودان و جلسنا جلسة جميله من خلالها عدنا شريط الذكريات بصحبة الاخ العزيز النقيب محمد الضكير ..
و بعدين ابوهريره دا رجل ضكران و بالو طويله سلبه بس ما بزعل كلو كلو و رجل المواقف الصعبه الله يحفظوا و هو اخو اخوان بالجد ..
تعال يا اخوي انا زول مردوم و صراع لكن انت المفروض تمشي لي ناس الملاكمه لان في الصراع لا بتنقل و لا بتترفع يصارعوك كيف ..
لك التقدير يا اخي الكريم و نشكرك للترحاب الحار..

الاخ العزيز عوض السيد ابراهيم

اشكرك لكرم الضيافه الفياض و تجدني عند حسن ظنك بمشئة الله لك الاحترام ..

ول ابا غريق كمبال
ماك طيب اخي جلابيتك سمحه انت خلي نسويك امير لمنتدي ابوجبيهه و تكون امير بدون اماره و شكلك زول حكيم بتاع جوديات اخي قرمان حار للنسيه و الروابه لي طوله منها لك التقدير اخي العزيز لكرم الاستقبال و الترحاب و لنا لقاء يوم الخميس الجاي قالوا في مردوم البنيات سهاد و صباح قالن سون التربلول انت بس تعال بكشاكيشك ..

الاخ الضكران قمرالدين

حبابك عشره و كتر خيرك لكرم الترحاب و سعادتي اكون بينكم ووسطتكم

Nashi
بت عمتي
الاخ غريق كمبال ضبح لينا عتوت انتي تعالي نجضي لينا اللحمه و سوي لينا الشاي و بعدين لو دايره تدرسي مع الخواجات في جامعة كمبردج و لا همك تعالي ساي بريطانيا لو ما شالتك رموش عيونا تشيلك .. اشكرك بحراره للترحاب و كرم الضيافه..

الاخ الكريم الفاتح محمد توم

شكرا شكرا شكرا حبابك لك التقدير و الاحترام للترحاب الله يقدرنا علي جزاءكم ..



اشكركم جميعا اخوتي و احبابي سعادتي معكم و بيكم يلا ايد علي ايد خلي نجدع بعيد لتنمية منطقتنا فكريا و ثقافيا و اجتماعيا و تعليميا ان الامم لا تبني بلادها بالتمني بل بالعمل و انا علي ثقة سوف نصل يوما ما بمشيئة الله

مرحبابك أخا كريما.
ولا شكر على واجب

تسلم يا عزيزى
ودعشمان
وانا ما قلت الا ما اعرفه عنك يا امير

وحقيقى انا لى مواقف
كتيره جدا بسبب ابوجبيهة
وبزعل بالجد لما القى زول ويقول لى ما بعرف ابوجبيهة
مره اخت سالتنى انتى من وين قلت ليها
من ابوجبيهة
قالت لى يا سلام ابوجبيهة
جميله قلت ليها بتعرفيها
قالت لى اى بعرفها
جنب الضعين!!!!
وهنا اشتغلت الموسيقى التصويريه
بووووووووووووووووم
ومن غير ما اشعر قلت ليها
يا شيخه اتلهى

معليش موقف تانى
لما جيت مانشستر
عندى ولد عمتى فى لندن
ضرب لى واحد سودانى سواق
تاكسى عشان يوصيه علينا
قال ليه ياخى عندى بنت خالى جات جديده فى مانشستر وعايزك تمشى ليهم وكده
ووصف ليه وين ساكنه
قام بتاع التاكسى قال ليه والله ما بعرفها
لكن فى المنطقه دى مره وصلت واحده سودانيه
من بنات الغرب وتلفونهم معاى بتصل وبسالها من بنت خالك دى
اكيد بتكون بتعرفها
المهم زولكم الله يديه العافيه
ضرب لى وقال لى ياخى انا عندى صديقى من لندن وصانى على بنت خاله وساكنه فى حلتكم دى
قلت ليه اسمها منو
والله قال لى نسيت اساله منها
قلت ليه هو اسمه منو قال لى اسم ود عمتى
قلت ليه دى انا زاتى
رد على نعم انت بنت خالو
طيب انتى ما قلتى لى انتى غرباويه من ابوجبيهة
والبعرفو ان ودعمتك ده من ناس امدرمان القدام جدا وكيف انتى تكونى غرباويه
قلت ليه انا غرباويه ومن ابوجبيهه
وبفتخر وبعتز بابوجبيهة
وما بعرف حاجه لمدرمان
قال لى والله ابوجبيهة دى شكلها غاليه عليك شديد
قلت ليه دى بلدى ووطنى ......
اسفه للاطاله
ودعشمان دولت دى اختنا الصغيره
اخت استازنا عوض السيد

والدكتوره ناشى دى مقدمين ليها
زياره تجينا من الصين عشان
تشوف عشيقتها
جامعة
كامبردج
اها يا سيتى بعد ده اهلك كترو هنا
تعالى مارقه ساى

والله يا سهاد ات مع ود عشمان شكلكم حتخرطو ناس المنتدى وانا واثق من كدة .

وبمناسبة الناس الما بعرفو ابوجبيهة

فى التسعينيات نقلوا لنا مدير لثانوية ابوجبيهة وهو حلفاوى ودرس بمصر ويتحدث مصرى وحالق دقنه وشنبو وعندو صلعة رهيبه وما كان متخيل ابوجبيهة كما وجدها بطبيعتها وانسانها واتكيف شديد من البلد وبعد ايام كنا نجلس فى المظله فى المدرسة مجموعة من الطلاب والاستاذة وبدء المدير يقول والله انا عندما نقلت ابوجبيهة فتشتها فى الاطلس وما وجدتها رغم انى متخصص فى الجغرافيا وكنت اتخيل انو ناس ابوجبيهة ديل ياكلوا الناس من بي الحضور كان الاستاذ اسماعيل استاذ الفرنسى(فنجو)قام قال للمدير بالله لو ناس ابوجبيهة باكلو الناس صلعتك دى بتنهضم صلعتك دى بتنهضم والجماعة سكتوا سااااى.

ولكم عاطر التحايا