اتمنى ان تنال إعجابكم

]u]الزول القيمة[/u]
يلا نسافر فوق الكلمة نشيل الزاد احلام وردية
نحكي حكاية الزول القيمة الزول العاش للخاطر الحية

عاهد نفسو ببذل الروح علم كيف العزة تكون
شال امالو كتاب مفتوح مشروح وتروح من بينو قضية


كان مكتوب في اول صفحة وطن مزروع حنيه وقمحة
ومدن مصقولة عوالم سمحة وناس بتعرف الناس من لمحة


كان مكتوب في الصفحة التانية طفلة تقالد الغيمة الحانية
ونخلة بتهدي قطوف الدانية وهاك البلد الغالي هدية


اغنية فيها تلاتة مقاطع مقطع شال لون الدوبيت
ومقطع شال نفس الجراري ومقطع طالع من قمرية

كان مكتوب في الصفحة الرابعة طالب بيقراء وعيونو متابعه
خريطة البلد العالي الغالي وموية النيل المنها نابعة


وعز موصول للصفحة الرابعة وشوق موصول للصفحة المية


يلا نسافر فوق الكلمة نشيل الزاد احــــــــــلام وردية
ونحكي حكاية الزول القــــــــــــــيمة الزول العاش للخاطر الحيه
وشكرا"
مع تحياتى

كان مكتوب في الصفحة الرابعة طالب بيقراء وعيونو متابعه
خريطة البلد العالي الغالي وموية النيل المنها نابعة

تسلمى اخيتى صفاء
قصيده حلوه
وتعجب (النميرى زاتو)دى قصه حاكيها
فى ما بعد
مشكوره ومنوره

اغنية فيها تلاتة مقاطع مقطع شال لون الدوبيت
ومقطع شال نفس الجراري ومقطع طالع من قمرية

ظفرتي يا صفاء بصيد سمين
لك الشكر