OOO واحشنىOOO

معاك يبقى الزمن حاضر .. يجى العالم قريب منى ويكون أجمل .. بعيد عنك يموت صوتى ويغيب فرح الزمن يكمل .. هواك مد الفق جواى رسم قامة الشمس أطول .. وخلاك آخر المرسى كانك نجمى من أول ..
اقولها بكل صدق
واحشنى وواحش كل الشعب السودانى
وواحش بالاخص معجبيك بالحباك
والف بل مليون مراحب بعودتك
عايزينك تحكى لينا عن
حبيبتك...عن الفراق...عن انةالجروح...عن امدرمان...عن اهلى الغبش
عن التوب ...عن الزمان...عن عنيده...عن عزه...عن اسمك......
بقولها كما قالتها الشاعره سهام السر(بخاف) انك تغيب تانى
بخااااااااااف أنا بخاف
أسأل عليك الناس
سر الريدة بينا يزيع ،،
و بخاف أكتر كمان يا غالي
من ايديا انت تضيع ،،
و أعيش بعدك آهـ
حياتي جفاف مواسم بينا مافي ربيع ،،

بخاف يا انت لو جيتك
ألملم في خطاوي الشوق
و ازور بيتك ،،
يقولو عليّ حبيتك
و اخاف لو برضي غبت عليك
تقول ناسيك و جافيتك ،،
أهم لو صدفة لاقيتك ،،
درب حلتنا جابك يوم
تشيل يا روحي ترمي اللوم عليّ
و تزيد همومي هموم ،،
تقول جافيك و انا نسيتك ،،

أريت تعرف حنيني اليك
و يا ريتك كمان تعرف آهـ تعرف
لحدت وين بعزك و في اعماقي حسيتك
و بس خايف اذا جيتك
حكاية الريدة تمشي تزيع
و من ايديا انت تضيع
و اعيش بعد آهـ حياتي جفاف
مواسم بينا مافي ربيع ،،

والله يا ابنتي سهاد هذه الأغنية بالتحديد غناعا عركي في يوليو1972 ويومها كنا في عز الشباب طلاباً في المرحلة الجامعية وأتاني صديق عزيز لي كنا زملاء فيزياء ورياضيات وهو فنان رقيق بيعزف عود ،وقال لي أنت اليوم حضرت واحة المساء أم لا قلت ليه لا كنت قاعد ألعب طاولة .فقال لي نص عمرك رايح قلت ليه: ليه قال لي :علي اليمين الليلة عركي غنى أغنية سوف تكون حديث أهل السودان وما بقدر أوصفها ليك وفعلاً هذه الأغنية كانت ومازالت درة من الدرر الفريدة

والله يا سهاد انت راقية عديييييييييييييييييييل كدة و كفي
واحشني دي عجيبة و رهيبة
انشاء الله تسلمي

أريت تعرف حنيني اليك
و يا ريتك كمان تعرف آهـ تعرف
لحدت وين بعزك و في اعماقي حسيتك
تسلم يا خال
وحقيقى انه فنان كل الاجيال
وانا متاكد حيجى
ابنى فى يوم من الايام
ويفهم معانى الاغنيه
ويحس بالاداء الصادق
لم ولن تندثر ابدا
يا ابوعركى مهما
حاولو
نحن بنحبك واباءنا بحبوك
وابناءنا حيحبوك
يديك العافيه والصحه
اخيتى الصبوحه
انتى الراغيه
وشكلك حامد واحشك
زينا كده
ربنا يجمعنا باهلنا
سالمين غانمين

ابو عركى البخيت قامه من قامات الفن السودانى.....لكن أين هو الان.
علمت أنه (ماخد) موقف من تلفزيون السودان منذ فتره ليست بالقصيره.
ليه كدا يا عركى.
شكرا سهاد على الجمال

طبعاً نسيت أقول ليك يا ابنتي سهاد أن شاعر أغنية بخاف هو حسن السر

تسلم استازنا عوض السيد
واحب ان اطمئنك
ابوعركى بعد المعانات
اخيرا عنده حفل عام
اول ايام العيد المبارك
ومنقوله مباشرة فى القناة
السودانيه
بتمنى ان تستمتع بالحفل
نحن كده بعد ان ندمر نحاول ان نبنى
التحيه لك استازنا ابو عركى

عزيزى الخال خدوره
مشكور على تصحيح المعلومه
وانا سمعت ان بخاف من كلمات الشاعره
سهام السر اخت الشاعر حسن السر
زكل الزمن ده اشكر فيها
لانها من الاغانى المحببه جدا
الى قلبى
ربنا يخليك لينا
ونستفيد منك اكثر واكثر
وكل عام وانتم بالف خير

هو ده الابداع يا ابو عركى
ربنا يديك الصحه وانت تتجول
فى المسرح وتدينا الامل
وتطربنا باغانيك
القديمه والجديده منها
وتمنبت انا كل احباب المنتدى
انا يكونو
استمتعو معك
هو ده الابداع يا ابو عركى

الغالية سهاد
بالفعل كانت السهرة جميلة وممتعة ابدع فيها ابو عركي بعد طوووول غياب عن التلفزيون
وتمنيت كل الاحباب يكونوا استمتعوا بالسهرة

تسلمى يا الصبوحه الحلوه
ونحن نتفرج فى التلفزيون
ونبكى بس
وناس حاضرينها لايف
ربنا يجمعنا باهلنا
سالمين غانمين
تحياتى لعيال وابوهم

بخاف يا انت لو جيتك
ألملم في خطاوي الشوق
و ازور بيتك ،،
يقولو عليّ حبيتك
و اخاف لو برضي غبت عليك
تقول ناسيك و جافيتك ،،

ايه الابداع دا يا سهاد....ما بين ان يأتى ولا يأتى يذوب الف مره:ولكنى أرى خيرا له ان يأتى.. ويقولو حباه خيرا من ان يهجر الحبيب وينساه فالحب الصادق النقى له رب يحميه...ولو جاز لى الرد عليه لأجبته بأن:
( تعال...قبل السنين تجرى..وتعال فرح ليالينا)
لك الود وانت تنثرين الابداع وتستخرجين مخبؤ الدرر....

الجمال لا ياتي الا من جميل
سهاد اهنئك بالصيد السمين
وكل سنة معيدين

( تعال...قبل السنين تجرى..وتعال فرح ليالينا)
يا سلام
على الكلام الجميل
تسلم يا دكتور
وربنا يجمع كل
من يحب بصدق بحبيبه
وكل عام وانت والاسره الكريمه بالف خير

تسلم يا اخوى العريس
على جمال مرورك
وكا عام انت وحلوتنا العروس
فى سعاده تامه