غناااااااااااااك حزين

غناك حزين
دوام الناس بتسألنى غناك ورينا ماله حزين
وليه بتغنى للاحزان فرحك أنت روح ويـن
اقول لكل زول بسأل غناي حزين دوام ماله
لانى هويت حبيب غدار هاجر بالقليب شاله
كتل احساسه بالنبضات جرحو وشتت امــــاله
وشال منه السعادة وراح ضيع في الهموم باله
شال افراحي عدي بعيد خلي الاهه والحرمان
وخلي الدمعه فى عيني تسيل ماتقيف مدي الازمان
وخلي حروفي والكلمات ملونه ديمه بالاحزان
وخلي الاهه فى جواي تطل فى بهايا والبهتان
ورقم الحزن والاهات بفرح بي غناي الناس
الوم الفات حبيبو وراح اعلمو كيف مدي الاخلاص
ازيد من ريده الرايدين اوريهم مرهف الاحساس
بواسي الباكي زي حزين ببقي سعيدو والوناس

كل عام وانت بخير يا صفوية
وماشاء الله القصيده جميلة وفيها موسيقي وياريت استاذ فضل يجي ماري بي جاي عشان يصحح ليك ونشوفك شاعرة قدر الدنيا وبامانه القصيده عجبتنا ايمان وانا
تهانينا

يعنى يا صفاء من تعليق الدكتوره القصيد من الراس ما من الكراس.
اذا كان كدا نهنيك على المحاوله ويله لقدام

تسلمى يا اختى صفاء
كلام جميل بس مالك ومال الحزن
يا بنتى
الفرح سمح
كل عام وانت بالف خير

شكرا" ليكم كتير وكل عام والذي بينى وبينكم بحيره من التواصل لايعتريها النسيان
بس ياعوض السيد بينى وبينك كده القصيده من الكراس

اقول لكل زول بسأل غناي حزين دوام ماله
لانى هويت حبيب غدار هاجر بالقليب شاله
كتل احساسه بالنبضات جرحو وشتت امــــاله
وشال منه السعادة وراح ضيع في الهموم باله
شال افراحي عدي بعيد خلي الاهه والحرمان
وخلي الدمعه فى عيني تسيل ماتقيف مدي الازمان
وخلي حروفي والكلمات ملونه ديمه بالاحزان

يا صفويةكل سنة وانت وجميع الحباكيين بالف خير
القصيدةجميلة بها انفعالات حية من عميق النفس وقلب ثائر يخبئ وراء الدموع بركان هادر
(و العيون لو رادو ما بيعرفو يدارو)
انت جميلة باصفاء اهنئك على المحاولة الجميلة