صور من الليري

الاهل الاحباب الصور ادناها التقطها وانا في رحلتي مع الذهب ولم اتمكن من الصاقها كاملة ساوافيكم بباقيها ان شاء الله مع تقرير كامل عن رحلتي مع الوهاج والان انا في استراحة لكنها استراحة محارب وساعود قريبا ان شاء الله

شكرا طارق لكن دايرين صور محلات الدهب والمعسكر وسوق الليرى من عل

جميل يا جميل لكن وين الوهّاج يا حبيب.

طلباتكم اوامر يا زعيماء ساكمل البقية لا حقا والوهاج على وج الخصوص

منتظرين

الكريز كمل نومك
طبعا انا ياطارق عندى زكريات فى الليرى كنت مسؤل الاغاثة فى منظمة انغاذالطفولة الامريكية ولفيت الليرى كلها لفوفه الدمبلو فوق وجبل الليرى فوق وكرندى واللميرة وكل حتة مسكونة وقعدت مع ناسا وعينت مناديب الاغاثة وكنت امشى سوق الشرق بالجبل واحصر الصراع فى لونو والسرف وغيرة فى بالجد منطقة خلابة .

بعدين وين صورة شروم ولا هو بقى ابوفلجة

الوريف ابو هريرة
كل سنة وانت والاهل بخير وعافية
لقيتك سيد البلد بالجد لكن زمنكم داك ما كنتو مفتحين عشان كده الدهب راح عليكم
ابو فلجة دا يا اخوي كان داير تتصور معاه كانك داير تتصور مع نيلسون مانديلا
انا اصورو كيف؟
دمت حبيبنا

شكرا طارق على الاستجابه والظاهر المنطقه لسع بخيرها

من الوهاج

الدهب الدهب كاد عقلى يذهب الكعكول ده جاب كم

(ديششششششششششاااااااااااااك).
انت يا ابن عمى قلت لى حتعرس اتنين ولا واحده

الظاهر الكعكول ده
حقى المنتظراه
مبالغه اخى طارق
وطبعا استمتعنا بخيرات الليرى
عندما كانت عزيزتى نوال استازه
فىالليرى شئ عسل و...و...
واخر الخيرات (استرلينى)
الزى قدل وحام الحله كلها
وهو من اجمل القرود التى مرت بحياتى
تسلم على الصور
الرائعه

غريق خلي الشمار
يا ابن عمي انت ما لك بتاع مشاكل اعرس اتنين كيف
الرائعة سهاد ياهو كعكوبك زاتو بس نصنعو ونرسل لك غويشاتك
الليري بلد جميلة وانا تاني راجع
شكرا يا احبة

سلامات ياحبيب طارق وكل سنة وانت طيب القابلة علي امانيك انشاء الله
وتعرف انا من محبي الطبيعة ..ماشاء الله عليك صور رائعة وشكلك كدا متعشي كويس من تنقيب الذهب دا
لوشيلتنا نقصت غويشتين كده مابتمها لينا؟
تسلم ياحبيب

السيد العريس سلالالالالالامات كتارات قدر كعكول الوهاج
والله صور جميله ومشرقه اشراق الدهبات
ونحنا منتظرين البقيه وكان كمان رسلتا لينا الدهبات الخام في الاول وبعديهن الصور
تكون ما قصرررررررررررت تب
يديل العافيه ويتم ليك بالسلامه قادر يا كريم

يد القدر اخذتك خلسة عنا يا طارق الخير
كنا منتظرين منك الكثير يا ايها الفتى الامين
لكن !!!الله اختارك الى جواره فنعم الاختيار
الى جنات الخلد ياطارق
الى جنات عدن تجري من تحتها الانهار يا طارق

انا لله وانا اليه راجعون
يرحمك الله يا طارق ويغفر لك
امييييييييييييييييييين

ما اصلو حال الدنيا
تسرق منية في لحظة عشم
مع الصديقين طارق.

اللهم اجعل قبره روضه من رياض الجنه

وابدله دارا خير من داره واهل خير من اهله

ربنا يرحمك يا طارق ويجعل الجنه مثواك

الدنيا ساعة أجعلها طاعة العين تدمع و القلب يخشع. القبر صندوق العمل أسال الجبار من فوق سبع سماواته ان يثبته عنداالسؤال

بدياتى العملية كانت فى الليرى قضيت فية اجمل ايام ماخليت حلة مامشيت لية امسكة من السرف لى لونو ومن اللميرة لى كرندى ناس العمدة طبقان وناس الشيخ البرناى فى الليرى شرق اليرى ناسة طيبين واللة هم اغلى من الدهب يكفيهم شرفاً انهم احفاد كبانقوا

لقد قطعتم قلبي ...
ووالله العطيم دموعي تنهمر كالماء وأبت ... أبت أن تقيف .
الله يرحمك ويغفر لك ..,ووالله العظيم منذ أن مات المرحوم بدعو له في صلاة الفجر والعشاء يومياً وحتي تاريخ هذا اليوم .ولم أنقطع إلا حينما كنت بالعناية المركزة وفاتت علي صلاة الجمعة لأني ممنوع أن أغادر السرير ...وصليت جمع بعد العصر .. اللهم يا الله نسألك المغفرة والرحمة له يارب ياكريم يارحيم ...آمين ...آمين .

اللهم ارحمه لرحمة واسعة

رغم إني لم ألتقيه في حياتي مرة لكنه صار من أعز الأصحاب بوفائه وصدقه وطيبته.. لم يمر يوم إلآ وأتصل عليّ أو أتصلت عليه
كنت دائماً أتحاشي المرور علي بوستاته حتي لا تزيد عليّ المواجع
اللهم أغفر له وأرحمه وأسكنه فسيح جناتك مع الصديقين والشهداء