انتظرناك .......... يا ود عثمان

الاخ العزيز ود عثمان
اولا العيد مبارك عليك وكل سنه وانت طيب يديك العافية ويحقق الاماني ويعليك كمان وكمان قول امييييييييييييييين
وبعدين شنو يعني عملت لابد سااااكت ما ظهرت علينا نشيل و نعاين واختك تقول هسع الشاب دا بظهر وينور
و ما تخاف حتي نحنا ضبحنا الخراريف زي ناس سيف كمان
لكن الفيك اتعرفت يا ود عثمان يا اخووووووي
تحياتي و دمت

ياصباح ياختى ودعشمان عيد مع ناس سيف وشفا وديل كان جو معاهو هنا خراريفك ديل بكملوهم جت وما بعملو ليهم حاجة .

يا ابوهريرة يا اخوي والله ضحكتني شديد جدا
قلت لي ما بعملوا ليهم حاجة كنا نضبح ليهم خراريف زيادة بس كان يجوا
يديك العافية اخوي

حقك علينا يا الصبوحه
وليك على المره الجايه
بجيبو معاى فى يدى
ونكتحه لى ناس سيف
اخوى ديل ترابه
اها يا ود عشمان يا اخوى
المره الجايه مافى
مفر حتصل حتصل
انشاءالله
ولا مو هيك؟

مشكورة يا ستي
عارفاكي ما بتقصري كلو كلو يا الخواجية
يديكي العافية

بت اهلي الكريمه صباح حسن عبدالرحيم

لك العتبي حتي ترضي و لك العتبي من بعد الرضي و لك العتبي اذا رضيتي .. و الله البوست بتاعك دا شفتو الان و لو ما سهاد كلمتني لي بكره ما اشيفو .. اول حاجه العيد مبروك و الله يقويك و يديك الفي نيتك و يخضر ضراعك و بعدين انا ما عارفك انتي في باريس و ذي ما قال الاخ العزيز ابوهريره خريفك دا عندنا واحد اخونا اسمو شفا لو جبتو معاي ياكلو ليك و يقول ليك الفطور مالو اتاخر و اذا سالتيه يقول ليك العتوت بتاعك دا ما كان تصبيره مشاء الله عليه الله يديه العافيه لكن الان عمل رجيم ووزنو خفا كتير حوالي 140 كيلو .. المهم انا جاي باريس بعد 3 اسابيع و ح اجيب معي شفا و سيف .. انا و اخوي سيف جهزي لينا خروفنا و اتفاوضي مع محمد شفا شوفيه محتاج لي كم خروف ههههههه..
و اذا جبنا معنا الاخ المحامي ابوهريره عثمان انتي شيلي شيلتك معاهم و هو ابوهريره هين براو دايرو خراريف ..
لك التقدير يا صباح

الاخ ود عشمان عوافي والله وكيف اخبارك
قلت لي البوست دا ماشفتوا الا لامن كلمتك سهاد الظاهر عيك لسع ما شبعت في الخرفان لانو ناس سيف وشفا اكلوك العتوت وهم اكلو الخراررررررريف
وقلت لي المحامي اخونا دا براهو داير كم خروف
اكان كدا اقول ليكم يا اخواني احسن نتلاقي في السودان وناكل الخراريف هناك
يعني الزول ما يهاظر ولا شنو هاهاهاهاها
ربي يخليكم ويحفظكم يا رب
ياخي انا لاقيه حبابكم الف

صباح ..
لكن ضحكتني قلت احسن نلتقي في السودان هههههه .. نحن عندنا ميزه جميله اي زول عزمنا حتي لو بقت عزيمت مراكبيه بنصلو بنصلو و اخوانا الماحمي اصلا بتاع ولايم و يعجبك الاخ شفا يعد ياكل الخراريف يقول ليك جهزي كفتيرة الشاي و انا اكون معاك واضح في اليوم بشرب 21 كباية شاي يعني دا المتوسط غايتو جهزي ليك شوال سكر ..
لك التقدير جمعه مبركه ..

يختتتتتتتتتتتتتى
ده كلام شنو يا الصبوحه
يعنى اخير العتوت من شوال السكر ده
عاد شيلى شيلتك
غايتو نحن جاين معاهو
وفى جيهت الملوك نلوك
كان شاى بنشرب
وكان خراريف بناكل
شفتى الوقعه دى كيف
ربنا يديم المحبه
يا رب
قولو امين