"أنقــــــــــــــــــارا" ... دوا الحــــــــــــــــــــر ... !!

بما إنو الدنيا شتاء لكن أعجبني هذا الموضوع عن الكركدي ...وعادت بي الزاكرة لأبوجبيهة وتلك النغمة الجميلة في سوق أبوجيهة القديم "أنقارا دوا الحر" ...الموضوع عن فوائد هذا النبات المدهش !!


.... (الكركدي ) Hibiscus

وصف النبات :

نبات الكركديه شجيرى يصل ارتفاعه إلى حوالى مترين وسيقانه حمراء ويزرع النبات فى كثير من البلدان خاصة السودان وجنوب مصر والجزء المستعمل هو السبلات التى تحيط بالزهرة وهذه تكون بدء تجفيفها إما حمراء داكنة أو فاتحة.

المكونات :

تحتوى سبلات الكركديه على جلوكوسيدات بالإضافة إلى مواد ملونة وأملاح أكسالات الكاليسوم وفيتامين (ج) ويتلون الكركديه باللون الأحمر الداكن فى الوسط الحمضى بسبب وجود مركبات بيتاسيانينية كما يحتوى على مواد هلامية .



الفوائد الطبية لمشروب الكركديه :

أثبت البحث العلمى أن شراب الكركديه يخفض ضغط الدم المرتفع ويزيد من سرعة دوران الدم ويقوى ضربات القلب ويقتل الميكروبات مما يجعله مفيدا فى علاج الحميات وعدوى الميكروبات وأوبئة الكوليرا حيث أنه حامضى بطبيعته ومن خواصه أنه مرطب ومنشط للهضم. كما بدأت مصانع الأدوية ومستحضرات التجميل والحلوى والصابون تستعمل المواد الملونة المستخلصة من زهر الكركديه فى منتجاتها بعد أن استبعدت الألوان الكيميائية لما لها من آثار جانبية ضارة. ويستعمل كصبغة طبيعية للأدوية والأغذية وأدوات التجميل التى تستخدمها حواء كل يوم مثل احمر الشفاه ومساحيق التجميل وشمبوهات الشعر وصابون الحمام.



لقد تحدثنا عن الكركديه في حلقات ماضية ولكن نتحدث عنه الآن لنوضح اهميته في تخفيف آلام النقرس والروماتيزم ويعمل من الكركديه مستحلب وذلك بطحن ازهار الكركديه طحنا متوسطا. يؤخذ من هذا المجروش ملء ملعقة صغيرة وتوضع في كوب زجاجي ويصب عليه الماء المغلى فورا ثم يحرك جيدا ويغطى ثم يشرب بعد خمس عشرة دقيقة ويتناول منه كوبان يوميا بمعدل كوب بعد الفطور وآخر بعد العشاء.ملاحظة يجب عدم استخدام الكركديه من قبيل المرضى المصابين بانخفاض ضغط الدم لانه يخفض الضغط اساسا.



طريقة الاستعمال
يتم تحضير شراب الكركديه مثل الشاى ويشرب كما يشرب الشاى إما ساخنا أو باردا بغلى السبلات وتصفيتها ثم إضافة السكر إليها لتحليتها حسب الطلب .
تحذير
يجب على أصحاب الضغط المنخفض تجنب شرب الكركديه.

أكدت دراسة علمية أن الكركديه كمشروب بارد أو ساخن ينشط عضلة القلب ويحد من نمو الأورام السرطانية بجسم الإنسان ويفيد في خفض ضغط الدم المرتفع.



ويقول الباحث بقسم العلوم الصيدلية بالمركز القومي المصري للبحوث الدكتور صبري محفوظ إن الكركديه ظل يستخدم مشروبا لخفض ضغط الدم المرتفع لكن الدراسة أعطت نتائج مميزة أبرزت دور مشروب الكركديه في تنشيط وتقوية عضلة القلب مشيرا إلى أن الكركديه كذلك يحتوي على نسبة عالية من فيتامين C ويساعد في علاج نزلات البرد.



كما أنه يمكن أن يعيد الشباب للقلوب حيث انتشرت ظاهرة خفقان القلوب بين الصغار والكبار وهي ظاهرة سماع دقات القلب بوضوح غير عادي، والذي يسببه الإفراط في التدخين والقهوة.
ويذكر أن هذا الخفقان يمكن أن يختفي بمجرد الإقلال من التدخين وشرب الشاي والقهوة واستبدالهما بمشروب البابونج «الكاموميل» حيث يباع مسحوق هذا النبات في الصيدليات. ويوضع ملء ملعقة كبيرة من البابونج في كوب ماء مغلي ثم يترك ليبرد ويصفى ويشرب، كما أن تناول بذور دوار الشمس «اللب» يخفض كثيراً من نسبة الكوليسترول في الدم.



علاوة على أنه يمكن تقوية القلب وتنشيطه أيضا بالاعتماد على الأعشاب مثل الكزبرة والنعناع والزنجبيل والزعتر والرمان والخرشوف، كما أن الثوم ينظف الشرايين من المواد الضارة ويخفض مستوى الكوليسترول وأن الجزر النيئ إذا تم تناوله مع وجبة الإفطار فإنه يخفض نسبة الكوليسترول في الدم مؤكدا أن هذه النباتات والأعشاب الآن يطلق عليها اسم صديقة القلب، لأنها توفر العلاج الأخضر للقلب، مما يعيد إليه النضارة والحيوية والقوة والنشاط.



* ترتفع درجات الحرارة هذه الايام على العديد من بقاع الارض ويعرف عادة ان ارتفاع درجات الحرارة لها تأثير مباشر في رفع الاحساس بالتوتر وشد الأعصاب والارهاق مما يؤدي بشكل مباشر في اغلب الاحيان إلى رفع ضغط الدم وهذا الارتفاع في ضغط الدم قد يؤدي لا قدر الله إلى مشاكل صحية وامراض خطيرة لذلك فإنه يجب الحذر من ارتفاعه وكذلك متابعته وعلاجه، كما ان ارتفاع درجة الحرارة يؤدي إلى انتشار البكتيريا حيث يزيد عددها بشكل كبير وتساهم بانتشار العديد من الامراض وخصوصاً إذا صاحب ارتفاع درجة الحرارة ارتفاع في الرطوبة.ومن وجهة غذائية ونصائح تغذوية ننصح بتناول واستهلاك كميات جيدة من المشروبات وخصوصاً الباردة منها لان ذلك سوف يكون له دور كبير لمواجهة مشاكل الحر، ويخطئ العديد من الناس ويتناول مشروبات ساخنة مثل الشاي والقهوة ورغم ايماننا الشديد بان هذه المشروبات تعتبر من المشروبات المنبهة إلا انها وللاسف تزيد من الشد العصبي وكذلك تزيد من الاحساس بحرارة الجو لذلك فإن هذه العادة الخاطئة والتي تعودنا عليها في مجتمعاتنا العربية تكون بمثابة "من يزيد الطين بلة"!!



ولذلك فاننا ننصح بان نقوم بتغيير هذه العادة ولذلك فإن خبراء التغذية ينصحون باستهلاك مشروب الكركديه والذي يعرف في منطقتنا باللغة العامية "الغجَر" وهو مشروب أحمر ينتج من زهور هذا النبات ويعرف عن هذا المشروب انه مضاد للاحساس بحرارة الجو فهو مرطب ويساعد كذلك على خفض ضغط الدم، كما انه يحتوي على مواد مطهرة وقاتلة للبكتيريا التي تصيب كثيرا من الاشخاص عند ارتفاع درجات الحرارة في"الصيف" كما انه يمنع الاحساس بالعطش لذلك فان استخدام مشروب الكركدية من الامور المفيدة في فصل الصيف ولقد تعودنا في "نجد" ان نستهلك الكركدي ساخناً ورغم تعودنا على ذلك الا انني انصح ان يستخدم "الكركديه" بارداً حتى نستطيع ان نستفيد منه ومن محتوياته حيث اعتقد ان ارتفاع درجة حرارة مشروب "الكركديه" سوف يقضي على بعض مركباته لذلك ينصح بنقع الكركديه ثم تصفيته وتبريده واستهلاكه بارداً.وبالاضافة إلى مشروب "الكركديه" في فصل الصيف فان عصير الفواكه من أفضل المشروبات في هذا الوقت حيث يحتوي على العديد من الفيتامينات وتحتوي كذلك على العديد من العناصر الغذائية وأهمها الماء حيث يساهم عصير الفواكه كذلك على فتح الشهية التي يفقدها الكثيرون نتيجة للتعرض لاشعة الشمس.وعموماً فانه يجب ان لا نغفل عن اهمية استهلاك السوائل عموماً وخصوصاً الماء والذي له دور كبير في الحد من امراض الكلى حيث يفيد في لغسيل الكلى وجميع أجهزة الجسم كما انه يساعد على افراز تجديد النشاط في فصل الصيف!.



الكركديه نبات عشبي حولي يتميز بقلة تفرعه ونموه الرأسي حيث يصل ارتفاعه الى حوالي مترين، ساق وافرع النبات ذات لون اخضر مشرب بالحمرة، الأوراق بسيطة ذات اعناق طويلة وحواف مسننة وتشبه الأوراق في شكلها راحة الكف، ذات لون أخضر محمر يحمل النبات ازهار لحمية الشكل جميلة المنظر ذات لون ارجواني وتخرج من اباطي الأوراق ولها عنق قصير جدا واجزاء الزهرة سميكة ومتشحمة بلون احمر داكن، الثمار على هيئة كبسولات بداخلها عدد من البذور البنية اللون كروية الشكل ومجعدة السطح الجزء المستعمل من نبات الكركديه الأزهار والأوراق يعرف الكركدية بعدة اسماء مثل الجوكرات والغجر والقرقديب والكركديب والحماض الأحمر يعرف الكركديه علميا باسم HIBSICUS SUBDARIFIA من الفصيلة الخبازية.



الكركديه في الطب القديم: عرف الفراعنة زراعة نبات الكركديه واستعملوا ازهارها ضمن بعض الوصفات العلاجية وبالاخص كشراب مسكن لآلام الرأس وكطارد للديدان ومنذ نهاية القرن التاسع عشر ونبات الكركديه يعتبر مصدرا رئيسيا من المصادر الطبيعية لانتاج الألياف النباتية اللازمة لصناعة الحبال والورق والسليليوز النقي وقد اصبح حاليا هذا النبات من اهم النباتات الاقتصادية في الصناعات الغذائية والدوائية حيث ان مستخلصه المائي على البارد او الساخن لكؤوس الازهار يستعمل كمشروب منعش جدا خاصة بعد تحليته بالسكر كما ان هذا المستخلص بعد تركيزه يعتبر كمادة ملونة ومكسبة للطعم المميز له لدخوله في صناعة المشروبات الغذائية والجلي والحلويات.



كما ان تناول المستخلص المائي لكؤوس ازهار الكركديه يفيد طبيا لعلاج شعبي حيث يعمل على خفض ضغط الدم وتقوية القلب وتهدئة الأعصاب، وكذلك في علاج تصلب الشرايين وامراض المعدة والامعاء حيث ينشط حركتها وافرازها للعصارة الهاضمة.



اما الكركديه في الطب الحديث فقد اتضح من الابحاث التي أجريت على أزهار الكركدية في كلية العلوم بجامعة القاهرة ان خلاصة هذه الازهار لها تأثيرات فعالة في ابادة ميكروب السل ولديها القدرة على قتل الميكروبات وخاصة لكثير من السلالات البكترية وبالاخص باسيلس واشرشيا وكولاي وغيرها بالاضافة الى بعض الطفيليات.. وقد وجد من الأبحاث التي أجريت على أزهار واوراق الكركدية انها تهدي من تقلصات الرحم والمعدة والامعاء وتزيل الامها، وهي مفيدة ايضا ضد الحميات.



ويعتبر شراب مغلي ازهار الكركديه من افضل المشروبات المستعملة في شهر رمضان المبارك فهو شراب حمضي ملطف وقابض وخافض للحرارة ومضاد للديدان الشريطية والاسطوانية وملين خفيف للمعدة ويساعد على خفض ضغط الدم المرتفع، وقد تمكن بعض الصيادلة لشركة القاهرة للادوية من استخلاص ادوية خافضة للضغط ومكافحة الميكروبات من أوراق وازهار الكركديه.



وقد قيل أن الكركديه يمكن ان يكون الوصفة السحرية لكثيرمن العلل فهو مرطب ومنشط ومهضم ومنظف وملين ومفيد لأوجاع الصدر والربو ولضعف المعدة والتهاب المفاصل والروماتيزم والنقرس والمقص الكلوي وضد المشروبات القلوية.



ويستعمل الكركديه عادة على عدة اشكال فيؤكل نيئا مع السلطات ويضاف الى الحساء ويمكن ان يطبخ لوحده مع الزبدة أو الزيت او مع البيض ويستعمل الكركديه داخليا وخارجيا فيستعمل داخليا لعلاج الكحة وارتفاع الحرارة والسل الرئوي وارتفاع ضغط الدم ولابادة الديدان الشريطية والاسطوانية حيث يؤخذ ملء ملعقة اكل وتضاف الى ملء كوب ماء مغلي وتعطى لمدة عشر دقائق ثم يشرب بمعدل ثلاث مرات في اليوم.



أما الاستخدامات الخارجية للكركديه فيستعمل لزيادة تثبيت لون الشعر واكسابه لونا نحاسيا براقا ويستعمل مغلي ازهار الكركدية ويضاف الى مسحوق الحنا وازهار البابونج على شكل عجينة توزع على خصلات الشعر بالتساوي ثم يلف الرأس بكيس نايلون لمدة 6ساعات ثم يغسل الشعر بالماء الدافئ ويكون الشعر بعد ذلك ذا لون احمر نحاسي جميل.

شرب الكركديه هل له فوائد وما هي طريقة عمله؟ الكركدية يخفض الضغط لدى الناس الذين عندهم ارتفاع في ضغط الدم وذلك إذا اخذ على البارد أي ينقع لمدة حوالي 8ساعات في ماء ثم يشرب منه كوب في الصباح وآخر في المساء ويرفع الضغط عند المرضى الذين يعانون من انخفاض الضغط إذا شرب على الساخن أي إذا اضيف له ماء مغلي ثم يشرب كما يشرب الشاي بمعدل كوب مرة في الصباح ومرة في المساء، والكركدية مفيد لصحة جسم الإنسان حيث يطرد السموم وفيه بعض الفيتامين ولا ضرر منه باذن الله.

أنقارا....يا سلام يا أشرف....والله ايام يازمان...حين كان اهلنا فى الريف يعودون من (البلدات) فى الخريف محملين بنبات الكركدى فى الحمير او على الرؤوس...ثم يتعمل نقير بالليل لنظافته(فرقيع أنقارا)ودايما يكون فى الليالى المقمره حيث يجتمع الجارات والاطفال قى حوش فلان او علان وبقوموا بنظافة الانقارا ويكون دوما بجانبه الفول ايضا للنضافة والشاى والجبنه مدورات.....حليل ايام زمان
دمت يا أشرف يا عجب....أقصد با عجيب ولو ضغطك ارتفع أشرب كباية انقارا

اولا يا اشرف يا اخوى خلينى
اضحك على كلام الدكتور
يا اشرف يا عجب
ده ولو ضحكتى زعلتك اشرب ليك انمقاره
وما تزعل
لان كلام الدكتور الاخير ده ضحكنى حار

وتانيا كل سنه وانت بالف خير وكل
الحاجات الحلوه محققه
بمشئة الله
وتالتا
تسلم يدك على الموضوع
ده وزكرتنى لما كنت صغيره مشيت
الجزيره وجابو لى عصير كركدى ابيض
وطعا شربت على انه قونقليز
بس طعمه ما قنقليز
وحتيت العصير وما شربته
وخالتى قالت لى اشربيه ده كركدى
نعم كركدى ؟؟؟؟؟؟
قالت نعم
قلت لا انت قايلانى انا ما بعرف الكركدى
وقدر ما حاولو يورونى انه ده كركدى ابيض
انا مصره على ان الكركدى احمر بس
وطبعا رفضت اشربه
وضاعت على كباية كركدى بارده
والتلج بسيو فى كرج كرج
مشكور اخى
وعندى كركدى كتير ارسل ليك
تجهزو لبكره

ابو الشوش الحبيب.
أنقاراتك رهيبه لأن لونها أحمر.
المره الجايه أجدعنا بكعكول تلج بس الأنقارا راقده عندى فى البيت.
فعلا الأنقارا مشروب رهيب باردا كان أم ساخنا.
شكرا يا معلم

الاخ الغالي اشرف
اولا كل سنه و انت طيب ربنا يحقق الاماني ويديك ااصحه و العافيه
وكيف ناس البيت نفر نفر انشاء الله طيبين
وبعدين موضوع الكركدي دا جميل و قيم وهو مشروب منعش
وزي ما قال ليك الراقي عوض السيد الكركدي رهيب عشان لونه الاحمر
وبكره قريب بنشربه مع الثلج زيييي العجب
و انتظرونا

الاخ اشرف
هسع في لون اجمل من لون الكركدي الفي الكبايه دا
وبعدين انا عندي الكركدي راقد وبليته من هسع لانوا اكيد بكره من متعه لعبنا بكون ما عندي زمن بس اكب عليهوا التلج و ادي مهدي يشرب دا كان قدر[[ مهدي دا زوجي ]]

وباكر يا ابو الشوش كان حصل قدر الله وين تلقى ليك كركدى أبيض

العزيز اشرف
البليتوا كتير لانوا حيشرب منه مهدي وارسل ليك منه كمان عشان تنزلوا الضغط
لانوا حاسه من ضربه البدايه حنحسمكم

يا أبو إبراهيم سهاد ما بتقصّر هي تشرب الأحمر تنزل الضغط وترسل الأبيض لانو الأبيض دا (لون سيد البلد) يرفع الضغط ؟؟؟

يا صباح ناس كاريكا وسادومبا ديل برميل ما بحلك منهم !!أسمعي كلامي احسن ليك ما تتورطي ساي ؟؟؟وتحياتي للأزرقاني مهدي

يا اشرف
انت قاصد انو ناس كاريكا و سادومبا ديل هم البراميل
تحاياك تصل انشاء الله لمهدي

يا صباحات الخيرات....والله ماء شاء الله الانقارا كشفت لينا ناس حمر كتير...الله يزيدهم وعقبال الصفار...اظرف تعليق عن مباراة اليوم رسله لى صديق هلالابى أمس لأنى قلت ليه :ان موعدنا غدا..أليس غدا لناظره قريب؟ قام رد لى [الآتى:
يا دكتور الجنيد انت مفروض اغنيتك الليلة تكون:أغدا ألقاك؟...يا خوف فؤادى من غد...........ضحكت من الأعماق لخفة دم هذا الهلالابى لكن الليلة بنتقله ليهو....ويا صبوحه عزيزنا مهدى الليلة داير ليه جك كركدى بارد ينزل بيه الضغط حق بعدين....
يا روعتكم....حمر وزرق..صافية لبن...

يا ود البشرى يا اخوى
شكرا على الكبايه ام تلج
دى شكلها يفتح النفس لكن
والله الكركدى ده كله
مابلزمنى لانى عايزه بس اربعه كبابى
بعد الفرحه
يعنى احتفال عائلى
انا واولادى وابوهم
لاكن بجهزو
وبتبرع بيه لى كل مشجعى الهلال
ويا سيدى
انت اولهم وا فى زول تانى
زايق كده بوصلو ليه فى محله
وبعدين عينكم ما تشوف الا
النور انا وسط مشجعى الهلال فى الاستاد
ومعاى جردلى
(علينا جاى انقاره دواء الحر ببلاش)

يا صباحات الموانئ تحياتي.. والله كان براميل ما عارف؟؟
دكتور يا رايع ..
أغداً ألقاك ..
ياخوف فؤادي من غد
قد يكون الغيب حلواً..
إنما الحااااااااااضر أحلا
وغداً تأتلق الجنة أنهارأً وظلاً
وغداً للحاضر الباكر نحيا
ليس إلا ..ليس إلا

دكتور نحن مع الحاضر الأحلا دا !!!

تسلم على المداخلة الأنيقة يارايع وزي ما قلت حمر وزرق صافي يالبن..تحياتي

العزيزة سهاد ..هووي والله تشربي ما تروي ..أسمعوا كلامي دا وخليكم عاقلين ما تلورّطو ساي والأنقارا كان كترتو فوكا بجيكي هبوط في صمة خشمكي؟؟تحياتي لك

ابو الشوش شكرا على الموضوع الجميل
لكن يا اخوي المباية دي صغبرة الناس الحمر ديل كان شربو برميل كامل ما بنفعهم
صباح با بت امي احسن ليك تشريه ساخن لان البرد عندكم كتير
اختي سهاد هديتك مافي اجمل منها وربنا يديم فرحك
ويا دكتور الجنيد الكباية دي فيها كم تلجة؟
دمتم احبابي

ياعريسنا...بركة الجيتنا...الكباية دى فيها تلاتة تلجايتين....يا ساتر من اللخبطة....ربك يستر الليلة...وياسهاد كبرى جردلك..الليلة زباينك كتار...زررررررررررررررررق...شععععععث....غببببببببببر لانه الرماد بكيل حماد محجوب أقصد المعز محجوب....
يا جماعه هوى:موت موت...حياه حياه...أحسن نتفاصح من اسه...المعراقية ديل ما مضمونين: يشوتا سفارى تخش فى محمد كمال...غايتو الله يكضب الشينه....يا ابو مرووووووووووووووووووه تفزعنا وتلحقنا وتفش غبينتا البايته من الخميس

والله كفايه علينا ضحكنا
ده يا الدكتور يا اخوى
وده المطلوب اثباته
وجزاكم الله الف خير
على رسم الضحكه النادره فى
الزمن النادر
وزى ما قالت امى ربنا يديها
العافيه
هو الكاس العاملين لينا بيهو
الجوطه
دى كلها
موية ما بشيله
كلام فارغ ساى
حليل زمن المريخ كان مريخ
زمن ابوكم الله يرحمه ويغفر ليه
اها يا ود البشرى كاسكم ده
بشيل ليكم
الكركدى البارد ده
ولا فايدتهو شنو؟؟؟؟؟؟

الحبيب الدكتور
الحمد لله براكم قلتوها
قبال ما نبشك خدورنا
والمعز محجوب ابو سدرا باب قاعد
والناس الحمر انا ماشي الليري بجيب ليهم كييس صغيرون يتصبروا بيهم
سهاد ربنا يعطي امنا الغالية دي العافية
والله هو ما بشيل موية
والكاس كاسنا ونحنا اهلو وبنستاهلو

الله يديكم العافية وأم الجميع يا سهاد الله يخليها لينا....ود كمبال شايفك احتفلت بدرى: الكاس كاسكم؟ والله ان شاء الله تشوفه ما تشيله...ياخ انحن عوبربن تشيل مننا كاسين فى خمسة يوم؟ تشرب كركدى بس....
عليك الله ما تخدر بشوقكم...أقصد ما تبشك خدوركم...بعدين لمه ببقى ليكم صعب..

زمان كان حصل بكا لي ناس بيجيبو فكي عشان يقرأ القران في بيت مختصر كدة وتسمعه هو ومجموعته تنخفض اصواتهم بعد دخول الصنيةعليهم مباشرة وكاني بهم على رؤسم الطير لا تسمع الا هرس اضراسهم على الجواكر
اها مرة جابوهم في بكا وادخلوهم في بيتهم المخصص
بعد دا بدا الامتعاض والاستياء على وحه عمنا الفكي ثم اعلنها صراحة انه لا ولن يقرا قران في هذا البيت ولما سالوه السبب قال ان باب هذا البيت لا يدخل الصينية
اها يا دكتور انتو السنه دي ما عويرين لكن بابكم ما بدخل الصينية

اخوي ول بشرى ابشر بالخير فزعك وصل وتعال شوف ليك بدواس وخلى سهاد تكبر جردلها ساااي وانا عندي كاس بوزع ليهم بيه اليوم عشية

الرائع بالجد دكتور الجنيد
الغالي شديد الاخ الدهبنجي
الظريف خالص اشرف
السكر سهاد
انشاء الله تسلموووا وانشاء الله لامين كده في عرفات اميييييييييين
يا دكتور الجنيد والله ضحكتني في عدد التلجات الفي الكبايه وعارف من امس صاحبنا مهدي التلفزيون كان شغال كويس ميه الميه قام يصلح فيهو يمين شمال طفش الصوره قلتا ليهو دا شنو هسع ما كان شغال كويس قال لي داير اظبطوا لبكره
قلتا ليهو بس ياهوا دا حالكم ولكن برضوا ارجونا بكره
وهسع كمان يا العريس واخينا اشرف ارجووووووونا الليلي
فا ئق تقديري و دمتم احبه

تسلمى أختى صباح ويديك العافية مع الوليدات وأخونا مهدى....لكن طفيشته للصوره دى فأل حسن لينا نحن بنى الاحمر.....أحمر فى لندن وأحمر فى باريس؟؟؟لا لا لا اكيد الليلة الخرطوم حمراء...ولا يكون فى حاجه غلط؟حدى يخالف لندن وباريس؟:
يا خرطومنا..حمرى حمرى
للون الأزرق..دمرى..دمرى
ويا سهاد للكركدى
كترى....... كترى
ويا (مهدينا) أشرب ساكت
ضغطك عالى
نزلى....... نزلى
ويا أشرف
بوستك راقى
متشكرى...متشكرى.....
والليييييييييييييييييييييييييلة

تاني دهب خام يسمكم يا صباح كان دا كلامكم
ونشوف اليوم
ويا دكتور نحن بنخالف باريس ولندن
والخرطوم سماها ازرق

يديك العافيه دكتور الجنيد
كلام جميل وفي محلووووووووووا
ويا اخونا الدهبنجي ضحكتني شديد وزي ما قلتا لي الكركدي احسن تشربي سخن
الليله انشاء الله من الفرحه بشربوا سخن وبارد والباقي بقرقشووووووا ساكت
لكن انتو التسووووووووا شنو
تحياتي ودمتم

تحياتي اخي الفاتح على المرور وكل عام وانت بالف خير...فعلاً والله نحتاجه جميعاً هذه الايام والنزلات عاملة فينا عمايل ....لكن الفاتح يا اخوي الليلة في جماعة كدة بياكلو قرض بس ..وول نوية كمان ضاربة نزلة الحجاج والليلة إمكن يبقن عليهو إتنين ..غايتو يا ول نوية أسمع كلام الفاتح دا عليك بالقرض والأنقارا؟؟؟

حمد الله على سلامتك يا حاج
وحجا مقبوله انشاءالله

اها يا ود البشرى يا اخوى
جردلى اليل الانقاره
كملهو خالد عبدالرحمن واخوه
وزولك الخواجى
قال الا يجيبو ليه الكركدى الابيض
قلت ليه يا زول
اشرب ساى من الاحمر ده
قبل قلبك ما يقيف
ولحق روحه سريع وقام ليك
بالجردل كله
الحاج ود نويه
سلامتك الف سلامه
وانا متاكده
اخوان البنات ديل
راجى وعبدو واخوانهم
عجبوك
وطيرو الحمى من راسك
قال انقاره قال
يلا علينا جاى
انقاره ببلاش

الاخ العزيز اشرف و السيد العريس
الانقاااااااااااره
يله علينا جاي
رايكم شنووووووووو الليله

حمدا لله على سلامة الحجاج
الفاتح منور والله
الخواجية دا كلام شنو دا؟
ما تفرحو كتير الايام مليئة بالمفاجأت
صباح تاني حركو التلفزين
مالو المريخ دا ما اخونا الصغير
اخوك الصغير اكان اتعايط في حاجة لازم تخليها ليه عشان ما يبكي
وتاني انت وسهاد دهب خام يسنكم

يا اخوانا والله ده اجمل بوست
واظرف بوست
ولو فى اى جائزه تستحقها عزيزى ود البشرى
اولا تفاهم المداخلين مع بعض
وخفة الدم
وروعة الردود
وسرعة البديهة فى ردود
بكل ارايحية
ولطافه الكلمات
حقيقى ربنا يحفظكم
احمر وابيض
ما فارغه معانا
بس عايزين
الكوره فى بلدنا تمشى لقدام
وتتطور
وتزول كل العقبات
الحاصله من الادارات

ويا العريس يا اخوى الفيك اتعرفت تب
اخيتك تحلم فى مناهما بى دهيباتك فى يديها
يسون فى
الكشلو كشلو
وتجى اليوم تقول يسمنا فيه
الله يجازى راجى الكان السبب

لكم منى خالص الود والاحترام
نميرى قال كلام كلنا اخوان
مريخ وهلال كمان

انت بزات ياسهاد تغيري لينا صور الاطفال البريئة دي بالراجل الجزار الشقي دا
وتاني تقولي دايرة معانا
نحن مازعلاينين من المريخ بس من الجزار

تسلمي اخيتي

اشرف وطارق وسهاد ياخي والله العظيم انتم رائعين بالجد بالجد
وزي ماقالت سهاد هدا البوست يستحق الجائزه حقيقه يديك العافيه اشرف
السيد العريس عوافي بعدين ياخي لو يسمنا في الدهب الخام طيب مصنع دايرنوا بس المهم منك يا اصيل
وبالجد مريخ هلال هلال مريخ كلنا اخووووووووان كلنا احباااااااااااااب

خلاص يا صباح دهبك خااااام لكن سهاد الا تغير الصورة
الله لاجاب سمكم
انت وسهاد اضفتن الكتير للمنتدى
وخلقتن فيه روح جديدة
ربنا يحفظكن
وبرضو ما تفرحوا كتير

اخي العريس اقوووووووول ليك انت رائع غالي ظريف برضوا ما كفايه
لكن اقل ليك انت اخوي
وخلاص رضيت بالخام الحمد لله لكن سهاد دي محتاجه للدهبات
والمنتدي والله عامر ومفيد وجميل بيكم كلكم

ولكن برضو شلنا الكاس

شكرا اخيتي
دهب سهاد مرهون بالصورة

وتا

ني

في

حا

جة

بس

لعي


دة


شوية


هي

ش


م



ا



ر




الكاس ما عافينو ليكم

سلام ليكم....الحاج الفاتح حجا مبرورا وسعيا مشكورا وعودا حميدا....
مهدى أخوى...الزولة ما تكتر ليك فى انقارا تنزل ليك ضغطك كمان...نقوم نجيب راجى يرفعو ليك تانى ..ونكون محتاجين انقارا تنزله تانى ونجيب راجى تانى وانقارا تانى وراجى تانى....وتبقى لينا زى حجوة امضبيبينه....
والله معليش يا العريس...ما عملنا حاجه..اتسدينا حق يوم الخميس بس....وللسنة الجايه يا خوى ليها مية فرج...
سهاد:الجزار دا مودى الهلال دا وين؟؟بسم الله اقصد مودى الخروف دا وين...وكبيطرى بسأل: الخروف دا نمرة كم؟أقصد تمنه كم....
صباح:كلنا بتاعين كركدى..علينا جاى كباية بجنهيه (وكبايتين) بلاش...ولاشرف سيد البوست كباية كركدى أحمر فيها تلجايتين (مرجرجن) (هنو)
ول نويه:فورا تناولنا صورة كباية كركدى حمراء فيها تلجايتين كبار.....

التلج "اليرجرج" سنونكم وما "تتهنو" بيهو ...يا دكتور مبروك إنت والله عرفتها من ما مهدي مشى يهابش التلفزيون وطفش الصورة..وإنشاء الله صباح تكون كلمتو تاني ما يهابش ..لكن كيتاً فينا كدة بتلبد ساي ما بتكلمو ... ..وعارفكم فورة ساي والموسم الجاي بتجونا راقدين قش تاخدو المعلوم رايح جاي في الممتاز وتطيرو من الدور الأول أفريقياً ..تحياتي لكم...

والله أجمل بوست على الاطلاق لأنه فيه أداء جماعى رهيب زى أداء المريخ أمبارح.
ابوالشوش يستحق الهديه لذلك هنو وراجى ما قصروا معاهو

وينك يا اصيل يا ملك
نحنا من قبيل منتظرنك بهدفين هنو وراجي
قصدي بكبايتين انقاره
ويلا علينا جاي
انقارا ببلالالالالالالالالالالاش

حلوه دى والله يا ابو الشوش.....عارفك هلالابى زين وبتحمل الغلب...وزى ما قلت ليك:للسنه الجايه ليها مية فرج.
تخريمه:
راجينا رجرج رجرجتكم....يقدر رمتكم يرج رجالنا زى ما راجلنا رج رجليكم؟

موجود يا صباح بس قاعد أظبّط فى فضايح الحجار والكيعان وجدّيع الميداليات وذلة التوانسه للفوار السودانى حتى أقوم بانزالها بشكل يليق بمناسبتها

انتو عارفين الحمد الله العيال وابوهم مافشين
علا كان قالو سجمنا ماما
جنت ولا شنو بتضحك كده
اخوى العريس
الصوره دى مالا ما حلوه
فيها الاحمر والازرق
ولا بس عشان الازرق خروف
خروف خروف يعنى شنو
هو فى اغلى من الخروف الايام دى
واسأل اخوى ود البشرى الداير
يرجر سنونه ده والخروف دى ما نقدر
نكد عضامه
ما مشكله الاتكسرن اسنانا
بنبلع بلع
وكرامه وسلامه
ترفع مننا العين والبلاء
ودهبك ما بنابه
علا خلينا ناكل الشيه وبعد داك
نزح الصوره
والحاجه التانيه شنو؟
اوعى تقول لى عايز تصور مع راجى الا دى

اخوى الدكتور خروفنا ده
(كل حاجه بتلاته ونص)
واخر الليل (كيرى)
مبروك عليك
الكاس
تسلم اخوى عوض السيد
ورايك شنو وراكم رجال
هى حريم
وجماعتك غديناهم وعشيناهم
وشربناهم الانقاره

والله ما قصرتن تب انتى وصباح بس شدن الضراع حتى النخاع.
سمعت لى خبر فى اللحظه دى باحتمال اعادة مباراة الهليّل والصفاقصى.....
وحاتكم كان شلتو الكاس بعد ما يهمنا كفايه الجرسه وكسير التلج