حلمنتيش حسب المهن

قال ميكانيكي :

يا واقفة بين صبري وتروس الفرملة
أنا بحكي ريدك للملأ
والجاني من بستم مشاعرك
بلفو طار بحكيبو لليل والخلا
وأنا بعذرك
وأوزن دركسون الصبر
وأضغط كلتشي الامنيات
لو ألحقك
يا الحنتها ذي زيت رجوع
أسود من الشقاء والدموع

وقال جزار :

يا طاعمة زي كبدة إبل
بالشطة والليمون شفا
أنا بي وراك سبت القطيع
ضل الدريب وعليك حفا
يا كاسرة بي فرار هواك
أضلعي .. وظروفي المؤسفة

وقال مكوجي :

يا كاوية قلبي قبل قميصي
رشيت لياقتو وما انكوى
يا ريتني لو أغسل دواخلي من الهوى
زي عمة بيضا أنشرها
صابون هواك غسل النوى

وقال نجار :

مسمار ودقيتي
في خشب الليالي المحزنة
منشار هواك
قطع الصلات الممكنة
يا أبلكاش و فرمايكة
او تك خشب الجنوب

وقال زول جيعان :

يا حاجة أشبه بالرغيف
مرقوها هسع من الفرن
أنا بفقدك لما العيون
تشتاق أماسيك الشبع
واتخيلك قدرة
ورحيق الفول
ان شاء الله في أحلك
ظروف
ما نشتهي الجبنة ونطوف
كل الدكاكين مغلقة
والزيت صبح يا زيت مناي
ما في ونشَفِ
مصران مشاعري المرهفة

الشاعر المعروف الاستاذ / النخلى

مسائك خير اخي عبد السلام أبن جلدتنا كيف اخبارك انشاء الله تكون كما اتمني والله مساهمتك اجمل من رائعة بس لو كان لقيت شعر بتكلم عن حال العتالة دييل والله تكون تميت المقصر

المكنيكى هو ابو الضر و الجزار المك و النجار هو ابكر على مصطفى ( عرنان ) المكوجى هو تيه يا عثمان محمد يعقوب و الجيعان هو عفيف بكر.

تحياتى

التحيه والتجله اخوتى الكرام
العتاله ديل خليهم يتنفسو لسع يا ول نويه
اما تقسيم المهن على لسان حال ناس ابوجبيهه دى مبالغه يا فيصل

شكرا ليكم

يا واقفة بين جرح السحاب
وشقهة الأرض البكر
ما كان دا ريد