أين ...واين ...؟؟؟!!

أين أبوالزهور ؟؟وأين فيصل خليل ؟؟؟واين حيدر خليل ؟؟وأين فيصل سعد وأخته ؟؟؟ وأين تيمي ؟؟ وأين المعتصم مصفطفي بابكر ؟؟وأين محمد المعتصم ؟؟؟وأين أخي غريق ؟؟؟وأين أخي أسامة عثمان؟؟؟ واين الحاااج محمد نوية ؟؟؟...وأين لكثير من إخوتي لم تستحضرني الذاكرة الآن ...أفيدونا يحفظكم الله .... محبتي

انت ذاااااتك يا عمو غبت فتره ان شاء الله عااااافيه
وعيدك مبااارك

وأين من غير أن تستمر هذه الأين وليس لنا سوى الافاده عن ابو الزهور الذى سيحضر غدا الأحد وحتما سيشرف المنتدى بالاثنين

تسلمي يالصينية ...وكلك ذوووق ...مشكورة على المرور ومداخلتك الرائعة ...تعرفي بنيتي ...أسباب غيابي : الشخل بس ...وكيفك إنت والقراية !!؟؟ ربنا ينجحك ...وواحد ظريف كنا بنتناقش عن السودان ...وليس له طموح ...وحتي أصبح يستورد الملوخية من خارج السودان ...وأيضاً بستورد النبق الفارسي من إيران ...وحتي إستوردوا الثوم من الصين ..!!في حين أن : الرسول (ص) قال : تعلموا ولو في الصين ...ولكن مش قال جيبوا التوم من الصين ...وتذكرتك وقتها وقعدت أضحك ... ولكي معزتي ايتها الشامخة دائماً...

ابو إبراهيم ....تشكرات على المرور الجميل ...والمداخلة الحلوة ...وتحياتي لأسرتك الغالية ...وصورتك الخايف عليها !!!؟؟ محبتي

تسلم ول نوية ...وانتظر زيارتك بفارغ الصبر ...بس أخطرني قبل جيتك ...عشان أحضر ليك الشمر والمجمر ...والمحمر ...توحة الظريف ...كلك ذووق أيها الراقي بطبعك ...يـــأ حجااااج ...يعني بعد ده لا كدا ولا كدا ...والمشي عدييييييل ..والأولي لك والثانية عليك ...يعني يا فاتح ويا ول نوية أي حركة حنضرب في المليان ...!!!؟؟؟ تصدق يا فاتح لسه أخوك تعبااان ...والله أمس ما ذقت للنوم طعم ...ونسأل الله أن يشفيني من ( نزلة الحجاج ) ...وصلت الشغل بعد جهد جهيد وبشق الأنفس ...والآن أنتظر بفارغ الصبر ...عشان يخلص دوامي كي أمشي أريح ...ونحمدالله كتير ولك التحية أخي توحة بسؤالك عني ...ولكما محبتي

مجرد سؤال!!!!!
انت كنت فى الحج يا ابو علياء؟

العم الراقي عصمان
سالت عليك العافيه الف مره بقدر سعالك عن الاخوووووووان الغاليين الغياب
وزي ما قال ليك ابو السيد انت كنت في الحج شنو النزله دي سلامتك الف سلامه
يا عمووووووو
تحياتي و دمت

الاخ الغالي الكبير الفاتح
مساء الخيرات........... اكيد اكيد مافي شك في كلامك انو عم عصمان انسان حساس
وكلكم ياالفاتح ناس حساسين و مرهفين ماشاء الله عليكم ربي يديم الخووووووه بين الناس
تحياتي

النااااس الغالييين ... إبنتي صبوحة الفرنساوية ...توحة الظريف ....أخي الذوووق عوض السيد ...تحياتي تسبقها أشواقي ومحبتي لكم ...وتصدقوا سؤالكم عني أشعرني ..بأن هنالك رجال تقف خلف الكواليس ..ومعاهم واحده فرنساوية ....يتفقدون ويسألون ...عن صحة وأحوال الناس ...ما هذا الشعور النبيل ؟؟؟!!!...لكم التحية ولكل أسرة المنتدي بدون فرز ...وسلااام خاص من الرياض لإبني الغالي : مهدي ...وخلى بالك من بنتي صبوحة ...ولازم تحطها في رموش العين ..بس أعمل حسابك ..وحتي لا تقع منك !!!....لأنها بالجد إنسانة خلوقة و فاهمة جداً...أخي عوض : أنا لم أذهب الحج لهذه السنة لأننا كنا بالدوام وحتي ساعة الصفر الأخيرة ...ولم نجد أي حيز زمني وحتي يمكنا من الوقوف بعرفة ...بس معاااي حجاج بالسكن ...وهذا هو السبب ...توحة بنتي (ف) كيف والعيال ...سلم لي عليهم حااااار ...وبلغة الرسائل : أري النوم يسري في حديثي وخوفي أن يذوب في أجفانكم الطاهرة .... محبتي : عصمـــان.

ربنا يخليك على راسنا
وانت بتسال من الغائب والموجود
والله حقيقى يا عتمان يا اخوى
الجماعه ديل ما عارفين الحاصل عليهم
شنو
يا ريت نداء خاص
لو كل واحد حيقيب
يطمئنا قبل ما
يقيب
عشان ما نقلق ونتسال
يا ربى
الحاصل ليهم شنو
ما عايزين ندخل فى الخصوصيات
بس ياريت
بانكم
تنبهونا
بس حتغيبو
وحترجعو
ونحن منتظرينكم
لو كان فى العمر بقيه
علا اخوى فيصل خليل
ده والله كترها عديل
ورفع قزازه شديد خلاص
بنتمنى يكون المانع خير
تحياتى لجميع

شكراً أخى العزيز أبو علياء وجزاك الله ألف خير انا موجود بس كنت فى البلد العيدوكدا تسلم كل ذوق تحياتى لكل افراد واعضاء المنتدى النير وكل عام وانتم بخير احبتى الكرماء

الغالي أبو احمد ...عوداً حميداً وعمراً مديداً يارب...وأتمني من كل قلبي أن لا نفقدك ..وحتي غيابك عنا بزعجنا كتير وكتير ... لأنك أنت الوفاء والذوق والأصول وربنا لا يحرمنا منك يارب ...وتحياتي لجميع أفراد أسرتك الغالية الكريمة وربنا يحفهم لك ولنا جميعاً ...آمين ...أختي الإنجليزية ...إنتي أصلاً راقية في تعاملك ...ومرورك جميل ...ومداخلتك أروع ...وتفضلوا وأسرة المنتدي بقبول تحياتي ... محبتي

هلا ابو احمد ومرحبتين بطلتك البهيه.
كل سنه وانت بألف خير

مرحب بابو احمد وجيتا جيت
كل سنه انت والاسره بالف خير انشاء الله يعود عليكم بالصحه والعافيه

تحياتي ودمت

يا عموووو عصمان سلامات
واليوم كمان وصل الاخ الراقي المليح غريق جيتا جيت
والان وصل الاخ الغالي الانيق الدكتور الجنيد جيتا جيت
ويا اخوانااااااااااااااااااا الغياب ما معانا كلو كلو
يديكم العافيه ودمتم

وتسلموا دايماً يالحلوين ... ممكن يا زهير تكون : لمحمود الكذاب ...أكلني النمر ؟؟؟ولا إيـــه كده ما قادر أتذكر أين ..وأين ...إنت وصبوحة ...والعسل عوض السيد ..مروركم بطعم السكر ...والله لا حرمنا منكم ياربي ... محبتي

مشكور أخى أبوابراهيم كل سنة وانت بالف خير عزيزتى صباح جزاك الله مليار خير وتحياتى الحاره لافراد الاسره فردا فردا اما حبينا أبوعلياء دا كلامو تانى

أبو علياء دا يا جماعه كلامو براه: يا حاج يا منزل مع الحجاج....انت الكبير وبتشارك أخوانك حتى فى المرض..وكلو من أحساسك المرهف...والدليل على كدا سؤالك الدايم عن الغايبين...يخليك الله ويعليك...ويخت بركته فيك...وفى الريالات يملا ليك صناديك..وكان زرناك تضبح لينا ديك...
لك الود.............

تسلم أبو احمد أيها الودود...وتحياتي لجميع أفراد أسرتك الكريمة..وقد أخجلتني !!!؟؟ ...الوجيه ...العسل دكتور الجنيد ...لك كل الود أيها الصفي ... محبتي

وأين الأخ الوريف المحامي أبا هريرة صاحب عوض السيد .أرجو أن يكون بخير

والله انا زاتى بفتش عليهو

واين انت الخال الغالى خدوره
غيابك طال
لعل المانع خير
والرياضى فاقدك
تحياتى

نعم أختي سهاااد أين خدورة ...وأين النقر ...واين محمد هاشم ...وأين كل الشباب الذين إنضموا حديثاً ...ننتظركم جميعاً ايها الأحبة .... محبتي

احباب المنتدي الكرام جمعة مبااااااااركة
وانشاء الله تامين وسالمين يارب
واين العم خدورة امبشق الدكتور الجنيد الاخ العريس طارق الاخ فيصل
وكل الاعزاء الغياب انشاء الله المانع خير ويجو بالسلامة والعافية

يا اخوانا مساء الخيرات ويديكم العافي يارب
مسعووووووولين من الخير ........
اين الاخوان
طارق كمبال واشرف والفاتح وود عشمان والمحامي و و و و
انشاء الله عافية يارب

الاخت صباح ربنا يديك الصحة والعافية
والله نحن موجدين وودعشمان كمان معاى بالتلفون امس واليوم وطارق دا معاه العذر لكن ناس اشرف والفاتح ديل ماعارف اخبارهم شنو

وشكرا على السعال

<P align=center><FONT color=green><STRONG>اين ودالمحلج</STRONG></FONT></P>