بالمناسبه...........وين حق العجب؟؟؟؟؟؟؟؟؟؟؟؟؟؟؟؟(منقول)

خدعوك.. خدعوك.. وجرحوا سمعتك..
وقالوا ليك شكوى البرقاوي مضمونة
خدروك.. خدروك.. وقالوا ليك لاعبين النهائي في المقبرة!!
عيشوك في الوهم وانت صدقت مسيلمة
مشيت وراهم وقايل الكورة معيودة
ولكن الكاف كان اكمل طلقاتو التلاته
ولا بد من محلل في القناة اياها
لكن المحلل حرام
الا يدخل عليها!
وبعد داك كان الكاف اعادها
يمكن المرة دي الحمل ما يكون كاذب!!
ويتم الشهور التسعة!
بس كان طلع ولد واللا بنت
ما ح يكون كأس جوي
ح يكون بس كأس خارجي
والمريخ عندو كأس جوي
وكأس خارجي
والغريبة الاتنين كأس واحد
جوي وخارجي
دي صعبة عليكم قوي
ودايره ليها رجل زي راجي
مرة جابو ليهم كأس جوي
شالو المصري
ومرة جابو ليهم كأس خارجي
شالو المغربي
وجابو ليهم كأس السودان
شالو هنو وراجي
ويا صفر شن راجي!
لما الصفاقسي صفر شالو
دموعي من عيني سالو
آه آه انا ما لقيتو حبيت الجوي وهويتو
وافق شن طبقة
الرجاء البيضاوي الاتصال بخدمات المشتركين... ليس لديك (رصيد)... لانه (صفر)
لذا لا يمكنك الاتصال... حاول مرة اخرى... او اذا كان (الرصيد) صفر.. حول الى الخدمة الجديدة (كمل) كمل كمل يا مزمل.. وارسل رسالة الى 5566 او الى لوزان!!
نرجع لي راجي
انتو راجي ده ما عندو اسرة
واللا السعودي مقطوع من شجرة
اشمعنى تقوم الدنيا ولا تقعد لان جماهير المريخ نصرت لاعبيها
اخونا سلك قال الشفوت قاصد اللاعبين
لكن الصحيح الشفوت هم الجماهير
اللي جابت حق السعودي وراجي
بالمناسبة وين حق العجب
مش برضو شتموه جوه الملعب
واللا برضو العجب ده ما سوداني
اشمعنى تقوم الدنيا لهتافات رد الفعل من جماهير المريخ
لماذا لم نسمع صوتا واحدا من اعلى المستويات يقول ان ما فعلته جماهير نادي لجنة التسيير لا يشبه السودانيين... وما تلفظ به قائد نادي لجنة التسيير تجاه فيصل العجب..
يعني يشتمو لاعبي المريخ... تسكتوا!
جماهير المريخ ترد تقوم الدنيا ولا تقعد
يعني كنتو منتظرين شنو
يكون برضو راجي؟!
وكما تدين تدان والعين بالعين والسن بالسن والجروح قصاص
هكذا يقول الاسلام!
تاني الصمت ممنوع يا شفوت
البرشكم بالمويه
ما تعملوا ساتر
ارموا لي قدام
ورا مأمن
بي مصر المأمنة بي اهل الله
يا صاح امنا لي زيارة امنا
مصر المأمنة بي اهل الله
بمناسبة الشكوى
كنتو متخيلين تكسبوها
انتو نسيتو شكوى الامل
واللا شكوى حي العرب
في ولدنا عمر بخيت
قلتو شنو؟
التقرير مافي
اها الكاف قال ليكم تقارير البرقاوي كلها مافي
ما عندو اي تقرير ولا كرت.. نضيييف.. رصيدو صفر زيكم كده
مش قلنا ليكم
يمهل ولا يهمل
ده حق الامل وحي حي حي العرب!
والمريخ بشيل حقو بي هنو
وبي راجي
ويا مجدي والطريفي
تاني ابقو عشرة على التقارير
وكان جاكم حكم من الواق الواق
تصروا عليه يسلمكم التقرير
يدا بيد
عشان محبوبكم ده الناس ما تدعو عليهو
اها شفتو دعوة ناس الامل وحي حي حي العرب!
جاب ليهم الكاف..
ابقو عشرة على تقارير الملاكمين والرفاسين والكواعين وكروت ولدنا ود البخيت
عشان كده الموسم الجاي ما تظلموا زول عشان الزول ده حقو بديهو ليهو ربنا ودعوة المظلوم ليس بينها وبين الله حجاب.. يعني الكورة كان ما بلنتي مية في المية حكمكم ما يحسبها.. والقون البجي فيهم كان صحيح رجل الخط بتاعكم ما يرفع الراية ويطلعو.. عشان ما يدعو عليكم المظلومين ودعاء المظلومين نتيجتو بقت معروفة.. صفر في تمانين!
وكان جد دايرنهم يجيبو كاس من الخارج او جوي انصفوا الآخرين وما تحددوا وجهة الدوري خلوها تمشي براها وكان عندهم نصيب بشيلوه بدون حجاب وبدون مساعدات وكان ما عندهم عشان يصلحوا حالهم.. يعني بالعربي كده ما تغشوهم ببطولة محلية.. كفاهم محلية.. خلي عندكم طموح..
والخليفة الثاني عمر بن الخطاب رضي الله عنه عدل فنام تحت ظل شجرة.. اعدلوا يا مجدي والطريفي الحبة ما بجيكم.. وشغل الموازنات ده خلوهو.. وادوا اي زول حقو بدون حجاب اقصد بدون زيادة وبدون نقصان!
ودي نصيحة لوجه الله عشان ترتاحوا ونرتاح معاكم ونعيش في سبات ونبات وسعادة وهناء!
والنصيحة التانية للجارن ورا المريخ.. يعني من الآخر كده... انسوا المريخ وخلوه في حاله.. غلب.. اتغلب.. تعادل.. طار من بطولة افريقيا.. من الكونفدرالية من الممتاز.. من الكأس.. شوفوا حالكم كيف..
وفي النهاية بطلوا تخدير لجماهيركم وما تغشوهم... حبل الكضب قصيييير!
طرف شمال:
قروش الشكوى الدفعها منو؟ وقروش الاستئناف برضو الدفعها منو؟ وقروش السفر للكاف..! وحق الاستضافة والمشاوير بالتكاسي واللا سفارتنا هناك بتكون ما قصرت معاكم.. مش انتو سودانيين برضك!
وقروش لوزان الحا يدفعها منو
دي ما كتيره خلاص
اها دي برضو حا تكون ديون؟
يا ارباب اخير ما تجي راجي.. يعني ح تكون عليك ديونك وديون لجنة التسيير!
اهلي شندي قاااااعد! فريق بلدنا..!

راجى بطل المسرحيه والجندى الذى أطلق رصاصة الرحمه.
راجى كان لسان حالو يقول (للأحله)....انتو اتلسنو لكن أنا بعرف أسكتكم كيف.
بالمناسبه راجى أصلا اسمو (راجم)