استريحو شويه

مسطول خطيبتو قالت ليهو انا اهم حاجة عندي الاخلاص
قاليها واناالفلق

شايقي بقرا قرآن بالانجليزي سالوه ليه؟؟ قال عشان الاجر يكون بالدولار


مسطول مشوكش
سالوه اجمل بيت شعر؟
قاليهم : كل ما نربي كتكوت يكبر ويفوت


شافعة مسطولة ..شايلة بلية في يدها قالت لي ابوها :ابوي دي شنو ؟؟؟ قاليها: بلية

الشافعة مشت بلتها وجات قالت ليهو اه بليتهاابوي دي شنو ؟؟؟؟؟؟؟؟؟؟؟؟




واحد سأل مسطول شنو عكس تلميذات؟؟؟

قال المسطول
dont tell me that

واحد مسطول قالو ليهو مرسل الجزيرة ماتفى العراق قال ليهم: هو المرقو من مدني شنو.


واحد مسطول سال ناس بيتهم جيرانا ديل ضابحين ولا شنو قالو ليهو ليه قال ليهم ريحة الابرى ده شنو .



مغترب سال اختو
عايزة عريس ولا موبايل
قالت ليه :والله الشبكه الايام دي كعبه شديد




مسطوله فتحت الجواز بتاع زوجها قرت المهنه
رجل اعمال - شطبتها وكتبت راجل منيره



واحد تاجر بنقو مشىيخطب أبو البت قال ليهو بتشتغل شنو قال ليهو فني تكييف



أدروب مشى يخطب، قال ليهو البنت بتقرأ قال ليهم خلاص وقت الفسحة نجي



تكاسي رباطابي سأل الراكب ماشي وين؟ قال ليهو : السما قال لي : مربع كم؟

مسطول سألوهو في استطلاع رأيك شنو في الزواج المبكر
قال ليهم يعني زي حوالي الساعه كم كدا



مسطول اتشاكل مع أمو وزعل منها
قام مشي السوق اشتري ليهوكرتونة لبن وجابها ليها
وقال ليها دا كل البيني وبينك



مسطووول
قالوا ليهو رأيك شنو فى المرأه (العصريه)؟؟
قال ليهم
يا اخوانا ما تخلوها (تمغرب) شويه!!!



مسطول صدم ليهو بوليس حركة

إتصل على الرقم 911 وقال ليهم بقيتو 910



شايقي اشترىليهو ساعة جديدة واحد سآلو قال ليهو الساعة كم

قال ليهو خلاص دار تكملواالحجر

رباطابي البوليس سألواانت سوداني ؟قالو لا كنار
شايقية في القطرسالت شافع رباطاب دي ابو حمد ؟قالها لا دي ابو ظبي


مسطول شايقي فيالطيارة المضيفة سألتو : داير عشاء كامل ؟؟

المسطول قال ليها : ليه ؟ هوكامل ما داير عشاء !!!ا



مسطول رابط ليهو مسطول من كراعو في طيارةهيليكوبتر

وكل مرة يطير بيهو فوق وينزَل الزول جوه البحر ويطلعوتاني

سألوه .. ده شنو؟

قال بعمل في دعاية ليبتون



اماميصلي بمحششين قالهم :صلوا على الخط!!
قالوا:عليه الصلاة والسلام .




واحد شايقي محشش مسكته دورية شرطة فقالوا له أركب ، فقال لاوالله بيتنا قريب



واحد فاتتو صلاة الجماعة .. لقى ليه اتنين بيصلوحاول يصلي معاهم وبدل يقدم العلى الشمال بقى يلذ في اليمين .. صاحبنا يلذ وداك مسردب .. في رباطابي قاعد يراقب الموقف من على البعد قال ليه يازول ها دي الضلفةالفيها الترباس لذ التانية



مسطول عاملين معاهو لقاء تلفزيوني سألوهو : اسباب السخانة الفي البلد دي شنو قال ليهم دا كلو من مشجعين الكورة شابكننا فوق ،فوق لمن تكلونا مع الشمس.

شكرا يا حبيب وانشاء الله كلنا دايما ضاحكين.
تحياتى

قويه يا توحه دا فعلا قرفان من بتاعين الرقشات

توحه أصلاً ظريف ودمّو خفيف ..شُوفو جانا برقشات وكوارو وحاجات زي دا

ههههههههههههههههههههههههههههههههههههههههه
ربنا يجعل البسمة في شفتيك دائمآ..
تحياتي..

شكرا دولت وتحياتى لك.
وين انتى لسه فى الابيض ولا رجعتى

تكاسي مسطول وقفتو بنت قال ليها وين يا بت قالت ليهو ماشة بحري ياعمو قال ليها امشي لكن ماتتاخري..
تحياتي

طبعا لو اتأخرت ولاقاها ح يقول ليه مالك رجعتى بسرعه كدا.
دى بكم كرت يا دولت

والله ياشباب ادخلتوا الســرور الى قلوبنا ....
دوله...... بتاع التكس رهييييييييب

شايقي بقرا قرآن بالانجليزي سالوه ليه؟؟ قال عشان الاجر يكون بالدولار
___
الكلام دخل الحوش يا اخوى
عوض السيد
الله يستر ما يكون يونس ولا ابوه
تسلم يا استاذنا
وتسلم اخيتى دولت
والله ارتحنا
وضحكنا
ربنا يجعل ايامنا كلها
بسط وفرحه