رائعة الفنان محمد النصري

أمانة عليك

رائعة الفنان محمد النصري

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيـــــــــــوت

أمانه عليك....وبكل معانى الوفاء...والاصطفاء...تخت بالك على الجواك
رايعه يا بت أخوى والله....وأختيارك فات حد الجمال والشاعر أبدع:

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

الزول يموت واقف على باب الهوى؟ فى وفاء ياأخوانا أكتر من كدا؟؟؟

تسلمى يا اختى صفاء
وحقيقى اختيار جميل
محمد النصرى الصوت الرائع
والكلمه الصادقه
لكم منى هدية
رائعة خالد شقورى ربنا
يحفظهويديه العافيه
وهدية الى ابويونس ويونس وغدير

....ام الحسن....


وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفه في حوش البهايم ولسع تكورك يا الحسن

وتلاوي في الحمل العنيد
جاها حساً من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت
لكن عويناتي بيفرزن الوريقة البيضاء من لون القلم

بعد المغيرب بي شوي جاها الحسن تعبان يسير
العشى غنمو من الدرب وسرقت ندي وشو الهجير
سوتلو شاياً بي لبن قرض معاهو حرف فطير
قالتلو بسم الله قول واكتب وصيتي انا للخدير

الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طوّل في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولداً عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليك
في لوري الخزين

التحيه للرائع الأستاذ /خالد الباشا وهو يعطّر سماء الأغنيه الشايقيه بكل ما هو جميل وفريد
والتحيه للقامه /محمد النصري صاحب الأداء المتفرد واللحن الشجي والصوت الطروب
و التحيه أيضاً موصوله لأختنا صفاء كمال لهذه اللفته البارعه و لك يا سهاد ....
******************
يا يابه
كلمات : خالد الباشا




يـابــا يــــا قــمــري الـبِـهِّــلْ وحيـاتْ عيـونـي المشتـهـاك


يــا يـابـا فــي نـظــرك مِـتــلْوآشـوقـي لـــي لـهـفـة رؤاك


يـا يـابـا كــان شَـوفـك كِـمِـلْ باكر تشوف بي عينك جنـاك


والله تــمـــرك مـــــا هِــمـــلْ مـا دام مسـمـدو بــي شـقـاك


صِـــح يـابــا ايـامـنـا بَـتـقِــلالا المفـضـلـي مــنــو هــــاك


وعـمــري الـطـويــل فــوقــك يَضِل ينشر يابا حدود رضاك


بــس يـابـا لا تبـكـي وتـسِـل روحـي المَشكَنـة فـي هــواك


انـا بــس كفـايـا الـقـاك تـبـلْ شــوق القُـلـوب المشـتـهـاك


مـا يانـي زاتـي الـمِـن طِـفـل متلمـي ابـويـا عـلـي ضــراك


ربيـتـنـي بالـصـبـر الــطــوٍّل سويتـنـي بــي بـركـة دعــاك


والليـلـي كــان حِمـلـك تِـقِــل خـت المحَمِـلـو فــوق جـنـاك


كـــان تـقــدر الأيـــام تــحِــل ديـن السنيـن وجــزا عـطـاك


بـس يابـا لا تخـاف المَـنَـون مـادام مصيـر الـنـاس هــلاك


واعرف كمان والدي الحَنون الصالِحـي مـا اتقطعـت وراك


وكان الله شـال نـور العِيـون يـا يابـا نحـنْ وهّــج ضِـيـاك


ان شاء الله ما تخيـب الظنـون عشمـك بتلقـي الـفـي جـنـاك


أنا كان مناي والكون عريس ألقـاك تهـش بالخـيـر جـنـاك


وكـان طـلّ دربـك يابـا ميـس شيلـن عيونـي ابــوي فِــداك


هبشنـي فـي الايـام بصـيـص احسبنـي خطـوة مَـعَ خُـطـاك


يا ريتنـي يوسـف والقميـص اكـســيــر عـويـنــاتــك دواك


يا يابا يا قمري البهِّل

تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

قصيدة عامرة بتصاوير مبتدعة وجديدة وهي غاية في السلاسة

إختيار جميل وأهلنا الشوايقة أثروا الشعر السوداني بأجمل القوافي البديعة والمعاني