في مفاجأة من العيار الثقيل .. فييرا والغزال مطلوبان للاحتراف في البرازيل

في مفاجأة من العيار الثقيل .. فييرا والغزال مطلوبان للاحتراف في البرازيل عدد المشاهدات: 3951



نشرت: 01/12/2010 - 01:10 عدد رقم 6925
• كتب: ابراهيم الجيلي

في مفاجأة من العيار الثقيل طلب نادي برازيلي ضمن اندية الدرجة الاولي بمدينة ريودي جانيرو البرازيلية ثنائي الهلال الدولي علاء الدين


يوسف فييرا والغزال مهند الطاهر للاحتراف في صفوفه بواسطة البرازيلي باولو كامبوس المديرالفني السابق لفريق كرة القدم بالهلال ومترجمه الاستاذ خالد امبدة اللذان اكملا الاتفاق مع النادي البرازيلي بعد ان قام كامبوس بترشيحه للاعبين الذي قال حرام ان لايحترف هذا الثنائي في الدوري الاوربي او الامريكي الجنوبي وسيقوم كامبوس وخالد امبدة بمخاطبة نادي الهلال رسمياً لاكمال احتراف الثنائي الدولي بالبرازيل عن طريق الاعارة لمدة ستة شهور لفتح ابواب الاحتراف للاعب السوداني في الخارج.

بس يا نوية خايف الخبر يكون مثل خبر احتراف التاج في الانتر حتى اصبح معروف بالتاج الانتر
امسكو الخشب

تعرف ياود النو لمن قريت الخبر لمن مسكته راسي ...وقلت يا الكضب القطع راسي
دي كذبة الزمان طبعاً الجماعة مالقو ليهم شماعة الأيام دي عشان كي بحلموا بالمستحيل

والله يانوية الكضب ما بعضمة بخنق البرازيل بها 25000000 خمسة وعشرين مليون لاعب والبرازيل مصدر تمويل الاندية العالمية

يا عوض شوف لينا حل للخبر الرهيب اعتراف في البرازيل بيع الماء في حارة السقاين ياعوض لا يكونوا موظفين في كزبة ابريل

صدّقنا يا ود النو.
قرأت الخبر من الصباح فى صحيفة قون لصاحبها/رمضان احمد السيد(راس الفتن بين المريخ والهلال)ولم أعره أى اهتمام

قال بحترفوا في البرازيل قال!!! الناس ديل خلوا الدنيا دي كلها كمان مشوا لي محل الكوره ذاتا.. ماتشوف ليك بكلام ياود قادم
بعدين مشتاقين ياحبه ...طبعاً انت استاذ في الرندوق وأشتقنا لونستك وظرافتك بجد واتعلمنا منك الكتير لو أمكن العصر الفرد حيجوني في المكتب منهم ود النوبة وود المصرية وقالوا دايرين يكبّوا معاك رندوق ياحبذا لو لبيت ندائهم

ياجون منتظرين وعلينا الشاي بالحليب للرندوك

عليك الله يا جون ود النوبه دا قول ليهو كب رندوك مع (راجم)هى بسم الله أقصد راجى وهنو.
بعدين يا جون موضوع ريودى جانيرو دا بخش فى الراس بى وين.
***الشكر لله والمجد للكبار***