$$ سؤال محير 4$$

اعزاىء الافاضل نسبة
لطلبكم لمواصلة
الاسئله المحيره
والله ما جاب الحيره !!!
نحن السودانين
معروفين
بان
اهداء الزهور
ليست من عاداتنا
سابقا
اما الان
مع الحاجات الدخيلة
لا ادرى !!!
السؤال هو
مازا تحب ان يهدى لك شريك
حياتك باقة ورد ام عطر ام ....؟
حواء دهب ما معانا
منتظرين ردودكم

الورد دا معبر عند الخواويج ونحن دايما ناسنا يتمثلوا بذلك بدا بالبس ثم الكلام وعندما تتحدث تدخل ليك كلمات انجليزية الناس تعمل ليك الف حساب .
ووصلنا الان للورد
وعليكى الله ياالخواجية اقوم امشى ازور لى واحد فى المستشفى عيان وسبب عياه اصلا فقدان سوائل اودى ليه برتقال وسكر ولا ورد .
عشان كدة انا افضل العطر على الاقل يقعد كثير وفيه رائحة الورد

ضحكتنى اخوى
ابو هريره
(قال ورد قال )
البرتقان ده مالو
ما سمح ومغزى كمان
خلاص يا سيدى
لك منا احلى عطر
انشاءالله يعجبك
مشكور على المرور

شكرا كتير الاخت سهاد
ويا ابو هريرة ضحكتني شديد قلتا لي برتقال وسكر والله دي حلوة شديد الله يديك العافية
وانا كمان مع ابو هريرة افضل العطر
تسلمي سهااااااااااااد

الاخ العزيز زهير يديك العافية
انا سنيت الاخ ابو هريرة في كلمة العطر
اي الاهداء يكوووووووون للشريك عطر
تسلم اخي زهير

هوى يازهير لو جيت البيت ولقيت الولية خاتة ليك وردات كدة تبسط منها ولا تقول شنو.

قالو فى واحد بحب واحدة وكانو يتجولوا فى الحدائق يمكن جناين ابوجبيهة بعدين الزولة مسكت ليها حاجة فى يدها وقالت ليه خمن الفى يدى دى شنو ؟ قال ليها ربما زهرة اعجبنك فقطفتيها قالت ليه وى دى جرادة وقامت فكتها .
لكم شكر ى

صباح العطر
والورد الما عاجبكم ده
صبوحه الصبوحه
قلتى لى
العطر حلو
لقيتك شاطره
وانت فى بلد العطور
واها يا المهدى يا اخوى
كتر من رمبا وديفا
وما تنسى اخيتها الكبيره
تحياتى

تسلم
يا ابن عمتى
ومشكور على احلى
باقة ورد وعطر منك
بس اوعاك من الصناعى
انا عايزاه اخضضضضضضضر
وجبلى كمان
يعنى
شوف جبال كادقلى
دى فيها اى عينه من الزهور
وما مشكله جففه ورسله
تسلم يا سيدى

اخوى الافاكاتو
ضحكت ضحك شديد
ربنا يديك العافيه
يا سيدى برا ورد برا لما
الجرادايه
دى مالا
شفت الرومانسيه دى كيف
علا
ود عمتى ده
طلع رومانسى وبتاع ورود
يعنى حيكون
احلى يوم
عنده
لما يلقى المدام خاته ليه ورد
واكيد حيغنى
(وسط الزهور مصور)
ربنا يجعل ايامنا كلها ورود

اخوى ود نويه
لك منى اجمل عطر
وباريسى كمان
على كلامك الجميل
وحقيقى
لغة الهديه لغه صعبه
جدا
وتكثر فيها الحيره
لان
الكل يعبر لمحبيه
بما يحب هو
وربما لا تعجب حبيبه
وهنا تبدا الحيره
والله ما جاب الحيره

Suhad Abduelgfaar كتب:اعزاىء الافاضل نسبة
لطلبكم لمواصلة
الاسئله المحيره
والله ما جاب الحيره !!!
نحن السودانين
معروفين
بان
اهداء الزهور
ليست من عاداتنا
سابقا
اما الان
مع الحاجات الدخيلة
لا ادرى !!!
السؤال هو
مازا تحب ان يهدى لك شريك
حياتك باقة ورد ام عطر ام ....؟
حواء دهب ما معانا منتظرين ردودكم

دهب ما معانا كيف يا سهاد يا اختي؟؟
خلاص خلي طارق اخوي اجيب لينا "غبيشاتنا" بعد داك قولي دهب ما معانا..
ههههههههههههههههههههه
تسلمي ياختي
والله انت رايعه

الروعه هى انتى
اخيتى الدكتوره
ما قلنا كدى نشوف الزهور والوردى
ديل بعملو شنو فى الناس
وبعد داك نشوف دهب اخونا العريس
ده
زكرتينى
بخالتى ربنا يديها الصحه والعافيه
بنت عم امى
فى الجزيره
كان زوجها بحضر فى المانيا
وهى
كانت ماشى لزوجها
فى المانيا
وهى كانت
كلها ذوق ورقى واستاذت
ثانوى عالى لغه انجليزيه
وكنا بنقول ليها
ربنا وداكى للخواجات فى محلهم
لانك
بتعرفى لغتهم
المهم زولتك مشت وفى المطار
قابلها زوجها ومعاه اصحابه المان
وقامت زوجت صحبه
قابلتها بالورد
ورحبو بيها تمام
وبعد داك مشو وصلوهم بيتهم
واصحابهم
الامان مشو بيتهم بعد داك
ولما وصلو البيت لقو الزهور الما بتقباهم زاتها
فى عربيتهم
وزولتك زعلت واتحسست وقالت هديتى ما عجبتها عشان كده
رجعتها لى
تانى يوم فى الجامعه صاحبه قال ليه زوجتى امس ما نامت
كانت زعلانه شديد
عشان زوجتك رجعت الورد معناها ما عجبها
زولنا اتحرج وبقى يشرح ليه لاوالله بس عاداتنا
ما فيها تقديم الورود
عشان كده زوجتى ما انتبهت لورد المهم انا اسف
ورجع لخالتى محمبق قال ليها احرجتينى
مع اصحابى وقال ليها
ياخى انتى زمنك ده كله عامله فيها خواجيه
وما عارفه الورد ده شنو
ردت ليه هى نسيتها والله فى العربيه
وهم كمان اصحابك الجبارين ديل
كان جابو غويشه ولا خاتم
ما كان نسيتها ليهم
ولقايت الان نحن لما نزكرها بنضحك
اسفه على المطه

يا سهاد ..

انا غايتو اذا في زول عاوز يهدي لي زهره احسن يديني القريشات في يدي بدل الزهره .. المشكله الزهره بعد يومين تموت ليك في يدك .. اها دي مش خساره قروش ..
لك التقدير ايتها البت الاصيله و بعدين انا ما نسيت اسألتك الصعبه برد ليك وقت المزاج يكون رايق ..

المزاج رايق
لانك وسط الهدؤ
والناس الحلوين
الاصيلين
(ناس مانشيستر)
لما تجينا هنا الجوطه
والتعاسه
والمزاج بتخرب
ما تقولها عديل كده
يا سيدى ربنا يعدل مزاجك كمان وكمان
قلت لى اخير ليك القروش
من الورود
يا سيدى خلاص طالبنى 3 باوند
بتاعت باقة ورد
عليك على لما تجينا بديك
ليها
واوعاك تجيب معاك ورد

ضحكتيني سهاد بالقصه الظريفه
والله اخشي ما اخشي نديه بوكيه ورد يقوم يزعل
ههههههههههههههههه


الله يديك العافيه

ضحكتينى يا اخيتى الدكتوره
ود عمى ده
هسا تمشى ليه من
الصين الى النرويج
من
غير ورود
خلاص نهدى ليه اجمل
عطر من المنتدى
تحياتى

تسلمي كتير اختي سهاد علي الظرااااافة بجد ؛مواضيعك كلها هادفة ومهمة وحلوة ؛الزمن دا كلو قاعدة بقراء فيها
اوعدك ح اجي وارد عليها كلها
لكِ مني أجمل ورد وعطر

تسلمى يا اخيتى
ندويه
ومشكوره على المرور
وعلى الهديه القيمه
دى
عطر وورد
ده كرم ما عادى
منك
ومنتظره ردودك
حتى بعد داك بنديكى هديتنا
وانشاءالله تعجبك
تحياتى

انت جميل والجابك لى ملاك وجميل يا منديل

تسلم يا اخونا الحاج الفاتح
والله المناديل دى اعظم هديه
العجب الفيه قلب +سهم
ليك منا اجمل منديل مورد وباقه
ورد وعطر للمدام تحياتى لها