ماذا تعني كلمة زول؟

الاحبة الاعزاء وصلني ايميل جميل من اخ سعودي جميل الطبع يحب الشعب السوداني و يحترمه جدا لدي علاقه قويه مع الاخ ياسر الخليفة .. متعه الله بالصحة و العافية .. مضمون الايميل يحكي عن تعريف كلمة زول عجبني الوصف جدا .. الكلمة لها معاني جميلة و اليكم معني كلمة زول يا زول و يا زوله .. و خليكم فخورين بكلمة زول ..

كثيرون يعتقدون ( جهلا ) أن كلمة زول كلمة اخترعها السودانيون
وليس لها أصل ولا فصل , وللعلم والمعرفة إليكم

الزول تلك اللفظة العربية التي أصبحت تعادل كلمة (سوداني) في كل مهجر ومغترب ، حتى أصبحت شعاراً للسوداني ـ هي والعمامة ـ و (زول) من فصيح العربية ولها في لسان العرب لابن منظور أكثر من سبعة عشر معنى ، فالزول تعني

(1)الكريم الجواد ، أنشد السكيت المزرد

"لقد أروح بالكرام الأزوال من بين عم وابن عم أو خال"

(2) والزول : الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .


(3) والزول الفتى ، قال محمد بن عبيد الله الكاتب المشهور بالمفجع يمدح علياً عليه السلام:


"أشبه الأنبياء كهلاً وزولاً وفطيماً وراضعاً وغذياً"

4) والزّول : العجب، ألا ترى السوداني إذا استغرب شيئا قال: يازول ؟؟

يعني ياعجبي من هذا الشيء .

قال الشاعر في وصف سير ناقة.

"مرفوعها زول وموضوعها كمر غيث لجب وسط ريح"

فمرفوعها زولٌ يعني سيرها إذا أسرعت عجب من العجائب.

(5) والزول الخفيف الظريف الذي يعجب الناس من ظرفه

(6) والزول التظرف

(7) والزول : الداهية

( والزول : الشجاع الذي يتزايل الناس من شجاعته

(9) والزول الصقر

(10) والزول : معالجة الأمر كالمزاولة

(11) والزول الغلام الظريف

(12) والزول : الحركة

(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة .... قال أبو علي : الحيزبون التي فيها بقية من الشباب . والزولة الظريفة

(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .

(15) والزولة : الفتية من الإبل أو النساء ،

قال رؤبة بن العجاج :
قد عتق الأجدع بعد رق بقارح أو زولة معق

16 ووصيفة زولة : إذا كانت نافذة في الرسائل

(17) ويقولون فلان رامي الزوائل : إذا كان خبيرا بالنساء
قال الشاعر :

وكنت امرأً أرمي الزوائل مرة فأصبحت قد ودعت رمي الزوائل"

ففتى، زول وفتاة ،زولة ، وفتية أزوال ، وفتيات زولات ، ونسوة زوائل .

والزول كلمة آتية من الزوال اي أنك انسان زائل

فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه واله وأصحابه وسلم ..

هل عجبتكم كلمة زول ؟؟ يلا نفتخر بها ..

لكم تقديري ..

ما قصرت تب
معانا يا زول
(تخيل كيف يكون الحال لو ما كنت سودانى واهل الحاره ما اهلى)
تسلم ود عشمان

شكرا اخي زهير يا زول يا رائع ..

شكرا اختي سهاد يا زوله يا رائعه ..

ابراهيم اخوى مشكور على المعلمة القيمة

وطبعا ذى ماعندنا زول عند السوريين زلم وهم ينادنا بزول ونحن نناديهم بزلم

ومرة انا كنت فى سوريا ومعى اولادى وطبعا عثمان ولدى زول شفت ولخباط شديد وانا كنت منشغل باجراءات السفر فى مطار سوريا فجاة لقيت عثمان مافى جنبى وبقيت افتش ليه وسط الناس وهو مشى لقى ليك عجلات ترحيل الشنط وركب فى واحدة ويلزها وانا افتش وفى واحد سورى شافة فى العجلة وعرف انى افتشه لاننا الوحيدن سود فى المطار قام قالى يازول فى زول صغير هناك ومشيت لقيته وجبته .

شكرا يا السيد المحامي

علي المرور و خليك زول يا زول ..

مشكور اخي ودعشمان
يا زول العرب المعانا هنا بيسخروا بيها مننا !!تخيل
بس اخيتك مرة سألت كبيرهم وهو من اليمن عن معني كلمة زول؟اما عدد منهم وما عرف يجاوب وقلت ليه مع انكم من اشرف العرب؟!! ورجعته لكتاب "لسان العرب"
وابتسمت ومشيت
بس حانسخ رسالتك دي وارسلها في الايميل

شكرا اخي ود عثمان حقيقة لم انتبه لهذا الفظ المتداول بيينا الا عندما تغربت في السعودية وسعدت جدا عندما يريدون ان يندهون عن شخص معين .
عند اهل السعودية والمتغربون عن دايرهم اذا اردوا ان ينادوا شخص او ان يلفتوا شخص معين لا يعرفونه يقولون له يامحمد الا السودانيين لا يقولون لهو محمد يقولون لهو يازول حيث ان اسم محمد يدعى به اي شخص لا تعرف اسمه .ولكن اخوتي واحبائي هنالك اشخاص يقولناها لك وهي استهتار منهم على هذه اللكمة التى لايدرون ماهي .
وفي أحد المرات واثناء ركوبي في احد العربات التاكسي ( الكده ) واذا بالشاب الذي يقود السيارة يشرح لي ماذا تعني كلمة زول قلت له من اين لك هذا قال لي ان معلمي ومدرسي سوداني وتعلمت اشياء كثيرة منه ولا انساه ابداً .
شوفوا الزول دا في مسابقة مع سعودي عن لف العمة ولبس العقال والقطرة ايهما اسرع

وشوفوا الزول دا يستهبل على الدفاع المدني واللهجة السودانية:

الاخت NASHI

صدقت كثيرا من العرب لا يفهمون كلمو زول و يستهترون بها لكن من اليوم دا اي واحد استهتر بها قولي له انت لا تدري و لا تدري انك لا تدري ..

شكرا يا زوله علي المرور
لك التقدير و الاحترام

الاخ الامين الخوجلابي

لكن والله ضحكتني الزول ما سبق ابو عقال ..

لك التقدير يا زول يا رائع علي المرور