ابونا وعمنا ادم عبد الهادي المشهور بالاعيسر

من رجالات المنطقة المشار اليهم بالبنان ولا اجزم لكنه قد يكون اكرم انسان في تلك المنطقة عرفته عن قرب له علاقة قوية مع اهلي وهو جز من اي انسان مرة بدياره ومملكته امقناطير ام قناطير سميت بهذا الاسم لكثرة القناطير فيها لكنه ترك المنطقة بسبب ازدياد هجمات التمرد لمناطق التماس واستقر في جبرونا ودبيبة جمعة اشتهر ادم عبدعبدالهادي بصناعة العصارات ومنتجاتها وعرف ادم عبدالهادي بانه رجل من النوع الفريد لا يذهب للعصارة لا في الليل او البرد القارص رجل شديد الصبر حكيم وله خبرة في حل المشاكل كانت لي قصة جميلة معه ركبت اوستن عمنا وابونا الخليفة محجوب بلاش ولا قرش ولا تعريفه وكان به عبد الرحمن الانصاري وهو صديق لعمي مرسال حامد صالحوالسائق كان يسمى سليمان وعنما وصلنا الى مقام عمنا ادم عبد الهادي جاء وسالني بعد السلام باسلوب جميل ياود اخوي ماشي وين وكان والدي في السعودية قلت له ماشي لجدى في المرات او المراط قال ماشي تسوي شنو قلت له عايزين مني رسوم في المدرسة قال كم قلت له هذا زهب الى البيت وعاد مرة ثانية وقال لي قولته الشهير تعال ياود فايتني وين انا مثل ابوك هاك القروش وارجع مدرستك وكان موقف جميل من عمنا ادم الاعيسر لزام ان استلم المبلغ ولا استطيع ان اخالف كلمته او اقول بقم لان كلمته واحدة.
كان يكرم كل المارة وخلوته مشهورة وكرمه مشهود وهو اب لمجموعة من الرجال زاملناهم في المدرسة وفي المنطقة وسكنا في حي واحد وكانوا نعم الاخوة والاهل وهم
ضياء الدين ز
عبد الهادي
وعلى
وادريس وهناك الكثير
اترك باقي الكلام لاهل الراي

تسلم اخى
ود النو
ربنا يدى عمنا الاعيسر الصحه والعافيه
يا سلام على الكرم
والطيبه
المعدومين هذه الايام

يا سلام محمد اخوي علي الكلام الجميل في حق الراجل الجميل
والله هو شخص ما عادي وربنا يجزيه الف خير علي احسانه لنفسه وللناس
وربنا يجعله في ميزان حسناته ان شاء الله
وكمان اخوي انت ماك ساهل تب حافظ للراجل الجميل
ربنا يحفظكم
تحياتي

شكرا يابت عبدالرازق انه رجل عظيم وقامة في عنوان الرجال لابد لنا ان نشكره على دوره في المجتمع

إنتهت الأصاله فى كل مكان الا أنها ما زالت باقيه فى الريف.
تشكر ود النو