***حباب بالحاج أمين منقة حباب***

حجا مبرورا وسعيا مشكورا

حبابك عشره بدون كشره

جنابو منقه جيتا جيت وربنا يتقبل منك حجك وسعيك.
حاولنا الإتصال بك كتير لكن تلفونك ما بيدخل أبدا.
المهم يا سيدى حمدلله على السلامه وخانتك ما زالت فاضيه ما جبنا ليها أىّ محترف يله ننتظر التعويض.
التحايا للعيال وأمهم وأوصل تهانينا لأم وائل

أنا بحب العنب وبمووووت في المنقة ... مبرووووك ....مبروووك الحج أخونا وحبيبنا أمين .... يعني بقيتي نضيــــفة !!!! بس لا يمين ولا شمااال !!! بس مرش دوررر ...
وبالمناسبة دي كان جاري هيته بالهيته يعمل عسكري ( وخياط ) بالمخازن والمهمات ...وفي نهاية الدوام قام شايل معاهو 3 بطاطين في كيس ... زي بطاطينين الداخليات السود ديك ...ولما جا الباب العسكري اللي واقف على الباب قال ليه : أسمع يا(ع) الكيس ده فيه شنو ؟؟؟ قال ليه بهمس فيه 3 بطانية مودنها ضواحي أبوجبيهة عشان البرد ...قال ليه إنت عارف الحكاية دي ممنوعة ..وبدا يعلي في صوته عشان يسمعه مكتب الأمن القريب المجاور ...و(ع) بهمس له وقال ليه والله البطاطين محتاجنها ...وبدأ العسكري يعلي في صوته ..و(ع) بشريطين والعسكري بشريط ...وقال ليه يا عسكري إنتباه !!! والعسكري وقف إنتباه ..وقام (ع) وضع الكيس بجوار عامود الباب ..وبدأ يسوق العسكري أمامه :معتدل مارش ...يمين شمال ..يمين شمال إلي أن أدخله داخل المخازن والمهمات ...وقال للعسكري :قف ...إنتباه ...وخلاهو(ع) ..ورجع الباب أخذ كيسو ومشا ...ولما جا راجع الصباح ..ناداهو بتاع الأمن : تعال يا (ع) إنت حكايتك شنو تصرف ليك عسكري من الباب ..وتخليه وتمشي ...وهو عمل فيك خطاب شكوي وهذا هو ...ولأنك تصرفت بذكاء ...أنا بشرط الشكوي دي ...ولكين بالله ( يا ع ) لا تعمل كده تاني ....!!! معليش طولت عليكم ...يا لون المنقة ..لازم تمشي عدييييييل ...ولا موهيك ؟؟؟؟
..... محبتي

يا ابو علياء إزيّك يا حبيب.
الشكوى دى لو ما شرّطوها كان جارك إتورط ولا شنو يا ابو هريره

حجا مبروا.... ودنبا مغفورا
وعودا حميدا
ربنا يتقبل منك ومن جميع الحجاج
حمدا لله علي السلامة الحاج امين منقة

حجا مبروكا
وسعيا مشكورا
وان شاء الله تسبعا

والله انا خايفه
يا اخوى الفتح
زولنا ده لما يصلنا
ولا حته جغيمه من ماء زمزم
ما نلم فيها
تسلمو اخوانى الاعزاء
وتسلم استاذنا ازهرى
على تحيات اخونا امين منقه
وربنا يوصله الحباك سالم و
تحياتنا لكل الاهل بابوجبيهة

الحاج امين
حجا مبرورا وذنبا مغفورا وسعيا مشكورا وعودا حميدا
تقبل الله منك
وغفر لك

غايتو السنه دي فاتني جنس كرامات!

ههههههههههههههههههه
يا حاج امين حقي عايزه ناشف

حجا مبرور وسعياً مشكور
وعقبالنا والاخوان

حج مبرور
وسعياً مشكور
وعقبالنا والاخوان