تاني شاي بدون سكر للضيوف

يا اخوان و يا اخواتنا

كل يوم بجينا ضيف جديد و الناس كلها بترحب بالضيوف الجدد و البنيات ما قصرن شي شاي و شي زلابيه و شي ضبيحة ما خلينا عتوت حايم في الفريق لكن للاسف الناس تشرب شاهينا و تاكل زلابيتنا و تاني ما بنشوفها .. اقترح و الاقتراح قابل للتصويت و اي اقتراح بجي من قبل الاخوات البسون الشاي مقبول .. الاقتراح هو اي ضيف جديد نعمل له كباية شاي نص طعام يعني نصف معلقه سكر اذا قعد معنا اسبوع و شفنا مساهماتو بعد داك نعمل له براد شاي طاعم و نكرم له بعتوت رايكم شنو يا اخوانا

لكم التقدير

انا معاك يا اخونا
ود عشمان على الاقل
نخلى الجماعه ديل بعد الشاى
يطلعو المخبى
ويسعدونا
والله بيسعدنا وجودكم معانا
ابقو ظاهرين
تحياتى الى الجميع