ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

افتخر بتقليدتي وارشفتي

+3
أزهرى الحاج البشير
Hassan Khalil
حيدر خليل محمداحمد
7 مشترك

اذهب الى الأسفل

افتخر بتقليدتي وارشفتي Empty افتخر بتقليدتي وارشفتي

مُساهمة من طرف حيدر خليل محمداحمد 2nd أغسطس 2009, 10:05

سلامي لكل الاخوان واشكر الاخوان ابوالزهور وياسر علي فزعتهم وحقيقة كانت ايام صعبة وزي ما قال الاخ ابوالزهور الشغلانة اصبحت مرضه وحالي في الايام الماضية ذكرني بالملاهي زمان في الاعياد كانت تقام العاب بالنادي الاهلي وتسمي الملاهي وطبعا بالقروش وعندما تنفد قروشك طبعا لاتستطيع ان تشارك بس تتفرج وهذا الضبط ماحصل لاخوكم في الايام الماضية .
انا رجل تقليدي او ارشيفي كما تطلق علي ام العيال احيانا عندما نذهب للتسوق وتختلف الاذواق وانا اؤمن بالحكمة التي تقول لولا اختلاف الاذواق لبارت السلع وبيني وبينكم انا بكره السوق يااخوان السوق فيه الشيطان وفي السوق money goes and never comes ولكن زوجتي ربنا يهديها لاتؤمن بهذه النظرية
ارجع واقول انا كنت ومازلت اتهيب من هذه التقنيات ولا اتعامل معها الا مضطرا ولكن صارت كل شئ في حياتنا واتردد كتير يعني مثلا الجوال تعاملت معه بعد زمن طويل وكنت مضطرا لذلك ولم امتلك جوال انيق الا مؤخرا عندما اشتريت N70 بعد مانزل سعره ل300 ريال وجزي الله عبدالله فقد دمره تدميرا ورجعت تاني للموديلات القديمة ابو 100 ريال يعني كلما احاول التقدم للحداثة تحصل مصيبة وارجع تقليدي والحمدلله
الانترنت تعاملت معه مؤخرا جدا وكذلك كنت مضطرا ولكن عندما اطل علينا منتدي ابوجبيهه والله يااخوان مرضت بيهو شديد لانو حاجه بتربطك باهلك واصحابك ومنطقتك وجزي الله اخونا ياسر خير الجزاء بس بقول للاخ ابوالزهور لو لا قدر الله وفصلت من العمل حيكون بسبب التسيب الذي سببه منتدي ابوجبيهه وساعتها انت حتدفع الراتب
التقليدية والارشيفية قديمة معاي واذكر زمان مشيت انا والاخ محمد سعيد لتفصيل بناطلين عند اخونا الكبير احمد قمرالدين ووقتها كان امام دكان عمنا المرحوم حسن عبدالرحيم وسلمنا القماش واخد مقاساتنا وعندما سالنا عن فتحة البنطلون وطبعا كانت الموضة الشارلستون انا اصريت ان يكون عادي والاخ محمد سعيد قال 35س وقد استغرب الاخ احمد قمر الدين من اصراري علي ان يكون البنطلون عادي ولوقت قريب كان الاخ احمد قمرالدين يذكرني بيها
واحكي ليكم واحدة من ارشيفيات اخوكم زمان ايام الخطوبة سالتني خطيبتي عن الغناء وفناني المفضل وفرحت وقلت في نفسي الليلة يومك يا ولد وحتمسك الجو وقلت بكل اعتزاز وفخر وكبرياء طبعا هو هل في غيرو عثمان حسين وسكتت الخطيبة لوهله وقالتSad ها قلت لي فنانك عثمان حسين والله كويس) وكان رد خبيث فهمت القصد وحكت الخطيبة لزميلاتها في الجامعة وصرت انا وخطيبتي اضحوكة في الجامعة. قال Sadخطيبة فنانو عثمان حسين WAW والله لكن جنس ارشفه).

حيدر خليل محمداحمد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

افتخر بتقليدتي وارشفتي Empty خليك سريع

مُساهمة من طرف Hassan Khalil 2nd أغسطس 2009, 10:17

اخوي حيدر ولله لازم تواكب وتخلي الارشفه دي.ده زمن صعب.من متطلبات هذا الزمن السرعه والمواكبه otherwise u will get ur self ...... وبعد شويه تلقي عبد الله (فاتك) Rolling Eyes
Hassan Khalil
Hassan Khalil
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

افتخر بتقليدتي وارشفتي Empty وأطل حيدر بإسمه الجديد

مُساهمة من طرف أزهرى الحاج البشير 2nd أغسطس 2009, 10:28

الحمدلله ما القلت ليها فرفور ، وتكون غلطة الشاطر بميه ، أجمل الغناء ما أطربتك كلماته دون لحن وأجمل ألألحان شدا بها الكاشف وعثمان ووردى وأبو اللمين ونخلة السلفاب والرفقة الماسية ويبقى لكل زمان مطربيه ويبقى الرواد فمثلا لم أستمتع بالحقيبةإلا بعدما وعيتها وسيعلم الحناكيش يوما بماذا تغنى عثمان والكاشف ووردى ومطربى الزمن الجميل ولا ملامة.
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

افتخر بتقليدتي وارشفتي Empty عودا حميدا مستطاب

مُساهمة من طرف ود المحلج 2nd أغسطس 2009, 10:58

العزيز سلامات وعوافي ...
كلما ضاع باسوورك .. كلما اتحفتنا من ارشيفك.

والاخ محمد سعيد قال 35س
ود المحلج
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

افتخر بتقليدتي وارشفتي Empty رد: افتخر بتقليدتي وارشفتي

مُساهمة من طرف ود المحلج 2nd أغسطس 2009, 10:59

العم الدخيري بين ظهرانينا وسألني عنك جم السؤال.
ود المحلج
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

افتخر بتقليدتي وارشفتي Empty كلنا فى الهوى سوى

مُساهمة من طرف حامدونا 2nd أغسطس 2009, 11:08

عزيزى الكومر حيدر
والله اظن جيلنا دا كله دقة واحد نفس الحال الكاشف اخوك-الجوال قبل سنتين ولسع بعتقد انو بخلى الواحد بكذب وبحلف ساى* ياعم القديم فيه الصمغ-عارف عندى هواية حفظ الاشياء والله الصور بتاعت استديو* دقل* انا وانت ومحمدسعيد وحسن خليل موجودة ومعها اشرطة كاست قديمة تكون لها 30 سنة يعنى الواحد قديم فى قديم (انا والكاشف سيف الدولة المكيف مابندوره ولو حضرت معنا كورة الا تجيب ليك هبابة)بينى وبينك احسن (احسن التقليدية)

حامدونا
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

افتخر بتقليدتي وارشفتي Empty رد: افتخر بتقليدتي وارشفتي

مُساهمة من طرف حيدر خليل محمداحمد 2nd أغسطس 2009, 13:25

اشكرك النقر وبالله امانه في رقبتك تسلم لي كتير علي عم الدخيري وانا عندي ليه معزه خاصة لانوكانت الوالدة المرحومة عائشة بتعزو جدا ووالله هذه من تلك
واشكرك ابوحسن وكلنا كوامر وفي اقوي من الكوامر في الخريف واللبيب بالاشارة يفهم

حيدر خليل محمداحمد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

افتخر بتقليدتي وارشفتي Empty رد: افتخر بتقليدتي وارشفتي

مُساهمة من طرف محمد قادم نوية 2nd أغسطس 2009, 14:54

التقليد أو المحاكاة من سنن الله في المجتمعات ، حتى أن البعض وصفه بأنه غريزة فطر الإنسان عليها 0 وبعضهم أعتبرها قانونا 0 ويذكر ابن خلدون في مقدمته الشهيرة ( التقليد ) ويسميه بأسماء عدة مثل : المحاكاة والتشبه والإقتداء ، ويوضح تأثيره في الحياة الاجتماعية بوجه عام ، وفي انتشار الحضارة وفي التربية والتعليم بوجه خاص ، ويقول : ( إن القياس والمحاكاة للإنسان طبيعة معروفة )
لكن الذي يندى له الجبين أن البعض قد أفرط في التقليد ، والكثير من شبابنا بات يقلد ، سواء فنانين أو لاعبين أو أشخاصا آخرين 0 يقلدون أولئك في حلاقة شعر الرأس مثل كابوري مارنس أو اللباس ، وفي المشي والحركات ، وغير ذلك 00 وأصبح الكثير يقلد ما يراه يعرض في الفضائيات 0 والبعض من الشباب أفتتن بما يشاهده ، وبات الكثير يقلد الغرب في كل شيء ، ولو ذهب أحدنا إلى مكان لتجمع الأشخاص لمدة من الزمن أو إلى الأسواق أو مشاهدة مباراة في كرة القدم لشاهد العجب العجاب 0 طبعا المقصود هنا ليس العجب اللاعب المريخابي العالمي0من تقليد في اللباس وقصات الشعر والأحذية وغير ذلك 0 كل ذلك جاء إلينا من الغرب وقلده شبابنا ، وهذا هو التقليد المذموم 00 او الغير مقبول اجتماعيا أما التقليد الحسن فهو مطلوب مثل تقليدك هذا اخوي ود حتيلة ، ولكن هل قلدناهم في البحث العلمي ، والدراسة ، والاكتشافات العلمية والقراءة وحرصهم على الوقت ؟!
لماذا نقلدهم ؟ بالمناسبة للموضوع القلتو عن التلفون التقليدي حكي لي عمي قبل سنتين حينها كنت في السودان قال لي مشي مركز تسوق عفراء واثنا ماهو جالس غفلو الصالة وقالو اي زول عندو تلفون 3310 او( تلاتين عشرة ،كما يحلو للسودانييين) ليه جائزة مليون ونص بالقديم(1500000) فهذا يدل علي انو الاشياء التقليدية ليها طعمها الخاص
إن من أسباب تقليدنا لهم شعورنا بأنهم أحسن منا 00 فالأمة العربية والاسلامية قد مرت ولا زالت بفترة ضعف وانهزام 00 ويقول بن خلدون : ( ترى المغلوب أبدا يتشبه بالغالب في ملبسه ومركبه وسلاحه وفي سائر أحواله ، ويصرح بأن النفس تنتحل جميع مذاهب الغالب وتتشبه به وذلك هو الاقتداء ) 0 ويرجع ابن خلدون أسباب هذا التقليد إلى نزعة نفسية يعبر عنها بقوله : ( إن النفس أبدا تعتقد الكمال في من غلبها وانقادت إليه ) 0
فمتى نقلد تقليدا يعيد لنا قوتنا وتعود أمتنا قوية كما كانت من قبل ، حينما هزمت الفرس والروم والفرنجة ودخلت أسبانيا وكونت هناك دولة إسلامية عظيمة ، وكان شباب أوروبا يقلد العرب في كل شيء حتى اللباس ، لأنها كانت أمة غالبة منتصرة ؟!!!!!0
يعطيك العافية أخوي ول حتيلة على هذا الموضوع الجميل
وزودنا بالمزيد من هذه المواضيع التقليدية الجميلة التي ذكرتنا بها ماضينا التليد
لك كل إحترامي وتقديري وشكرا
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

افتخر بتقليدتي وارشفتي Empty رد: افتخر بتقليدتي وارشفتي

مُساهمة من طرف سيف الدولة مصطفى بابكر 2nd أغسطس 2009, 19:38

الإخوة الأعزاء / أبوعبدالله والكومر المعمر أبوحسن لكم التحية
بصراحة كده إنتو ناس تقليديين في حياتكم دي مافيها شك لكن تشملونا نحن معاكم دي كثيرة شويه لأننا نحن ماقدركم ولا حاجة إنتو وقت كنتوا بتلعبوا الكرة بين الأستراحة والمدرسة المتوسطة التي طردكم منها( كردمان) نحن كنا بنتفرج فيكم من بره ، وفي الساحة امام مدرسة البنات وكان عمك المقص خفير المدرسة يطردكم نحن كنا لسه يافعين فيا جماعة نحن ناس مع التكنولوجيا وبنحب التطور وقت ربنا فتح علينا ولقينا الكندشة والراحات دي ليه بنعذب حالنا خليكم إنتو في الفيهو لأمن قطركم يصفر، بعدين يا حامدونا بقيت زي عائشه الفلاتية وقت سألوها صاح انت أمية ؟ قالت أنا وأخوي الكاشف ، فهسع انت مالك ومال الكاشف
وحقيقة انتو ناس من العصر داك والدليل على ذلك الناس بتسمي أولادها اسماء حديثة زي (فراس) وانتو لسه (حسن ) (عبدالله) وابو لونجا وتاتيان، فيا عواجيز واكبوا العولمة وغيروا جوالاتكم وأجهزتكم القديمة وخلوا نظرتكم القديمة دي وخليكم ناس إستايل زينا كده

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

افتخر بتقليدتي وارشفتي Empty الكاششششششششششششششف

مُساهمة من طرف حامدونا 2nd أغسطس 2009, 20:18

ابو فراس/متعك الله بالصحة والعافية
ياعزيزى الكورة لعبناها بدرى لانه المسالة مسالة موهبة وميسى هسع بلعب مع ناس قدرك (مسالة الكبر دى ياعم خليها ياخى انت بقيت تقوم بالدفرة وعاوز بلالى ركب وتخفيف حمولة)والله صحى استايل من بقيت تسمع ندى القلعة والبكرج فى سنونه داك(بتاع الباروكة نسيت اسمه)اما الاسماء يرد عليك ابو عبدالله *لك الود

حامدونا
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

افتخر بتقليدتي وارشفتي Empty رد: افتخر بتقليدتي وارشفتي

مُساهمة من طرف سيف الدولة مصطفى بابكر 3rd أغسطس 2009, 19:31

حبيبنا ود الشايقية؛؛؛؛ برضو بنحترمك لأنك راجل كبير في عمرك ومقامك
حكاية الكورة لعبتوها بدري دي ما دايرة درس عصر ويشهد عليك من ابناء جيلك حيدرخليل ومحمد حامد سيكو وضحية رحال وحسين دقل تراب كلكم أولاد دفعة
أما عملية الإستماع دي خليها في سرك ( الجماعة ديل عرفوني ) والشريف مبسوط مني لنها هلالابية واوباسانجو (بيجيري ) تعرف تقول المازدا هدية ما علاقة شخصية يعني كلو في كلو من نيجيريا ، لكن حكاية إني بسمع لأبوباروكة لو بتقصد معتز صباحي تكون بالغت عديل كده ياخي ده امه الولدتو من بطنها لا تطيقه ، الله يسامحك وفي كلامك ده عليك كفارة وكان ما طلعتها النار في الخلاء ....... الا هل بلغت اللهم فأشهد

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

افتخر بتقليدتي وارشفتي Empty والله كبرت يااخوى

مُساهمة من طرف حامدونا 3rd أغسطس 2009, 20:14

ياعم /صحى كبرت /انا حامدونا مش هاشم حسن* ضحيه ودقل كمان (والله اسم معتز دا تعبى تعب ومالقيتو )ما دام القلعة بتغنى للجماعة مامشكلة (المشكلة انت ياعجوز)والنارفى الخلاء ليك براك يا000000000

حامدونا
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى