موندوكورو للشاعر هاشم صديق
5 مشترك
صفحة 1 من اصل 1
موندوكورو للشاعر هاشم صديق
كل عام و انتم بخير احباب ابوجبيهه
النص جديد كرت اتمنى ان ينال استحسانكم احبتى
النص جديد كرت اتمنى ان ينال استحسانكم احبتى
مُوندوكورو
هاشم صديق 15 ديسمبر 2010
(1)
مُوتدوكورو
وانا انفصلتَ
وانقسمتَ عديل
- ياميرى -
قبال الجنوب
عشرين سنة
وجوايا مندلعا
الحروب
هلكان مقطّع
بين مشارق
وبين غروب
جواى شمال
واقِع شَرٍق
جواى جنوب
ضهبان غَرٍب
ناشونى
ما فَضّل سهم
سامونى
ذى زفة بَهَم
نشلونى
فى حبر القلم
عصرونى
لاذوق لافهم
حِس الفرح
جوايا نِضِب
مُنشار اكل فينى
وشِرب
جلدونى
ما قالو الرقم
كِمْلَتْ على ضهرى
وعَضَاى
كل ( الجداول)
فى ( الضَرٍب ).
مُوندوكورو
زى التقول أنا
ما أنا
حتى الزمان
والأمكنة
مشهد ( كريسماس )
و ( راس سنه )
سحر الطقوس
الممكنه
اتهدّا حيل
شَرَف الغُنا
جمحت
خيول العكننه
الجوع سكن
غُرف الحشا
(الدهشة ماتت )
مُدهشه
عِشق القدم
لَسع الحفا
دار الزمان
لف الروييس
عصف الهوان
لمس العذاب
كتف السما
وأنا… ما أنا
(2)
ضاق براح(2)
طول المسافة
بين لهب
غُبن القصيدة
وبين زناد
البندقية
الثورة
فى رفّ المتاحف
القادة زاحفين
زى سلاحف
الوالى مزّق
للمصاحف
والأُمة
فى حمى الأذية
أدينى يوم
وطناً مُفَدّا
شديهو
فى سرج المخدّه
أدّى خيل أحلامى
دفرة
خلى يا روحى
الحوافر
تطوى ظلم الليل
تسافر
لى فوانيس المجرّه
وبين شفايفك
والمسره
أطفى كم جرحاُ
وجمرة
وادفا
من تلج العشية
أدينى يوم
وطناَ موالف
ينقذنى
من جنّ الخواطر
ومن تباريح
المعارف
ومن مراجيح
المخاوف
أدينى يوم
وطناً شفيف
يحمينى
من حمى الرغيف
يرحمنى
من نصل الرصيف
(حزن الحقايب )
والنزيف
من شرود
قدم المسافر
من مناجاة
المنافى
ومن دموع
سفر الوداع
ومن شبابيك
التذاكر
ومن قطار
المغربية
أعذرينى
أصلى ما بعرف
شنو الفرح
الموالف
الا بس
لهب المسارب
والمواقف
(3)
منو السرق
البلد والقوت ؟!!
منو الخَزّن
شوال السُكّر
المكبوت
(عيش الكِسرة)
(المكرونة)
و (الشاى)
وحتى قماش
كَفن للموت
وكم كضاب
خطب فى ( الرادى )
و ( التلفاز )
وكان فى أصلو
( زول هلفوت )
شوفو الخُلعه
يا صابرين
قوت الشعب
أصبح لعبه
لو بالجمله
أو فى (بقالة )
أو ( كنتين )
ناس
أهل الله
خشّوا السوق
وسابو الدين
تمام فالحييين
وانت تهاتى
يا مسكين
بين ( زقلونا )
و (الشقلة)
و (الحارات )
بين (المية )
و (السبعين ) .
عُصار ساكيكْ
تقول ( هايس )
ما خلاك
تقيف تِنجمّا
فى ( الكاملين )
انت كمان
أخير (تِسَْتفتا )
فى حالك
تسوى شنو ؟!
تَقبّل وييين ؟!!
وكت (ضاقت
بما رحُبت)
وفات صبرك
عذاب ايوب
تفوت لى وين ؟!
تهاجر من شمال
لجنوب ؟!
تفوت لى ( واو )
تسيب ( حنتوب ) ؟!!
بدل ( شايقى )
تصير ( زاندى ) ؟!!
تكون ( دينكا )
وتسيب ( جعلى ) ؟!!!
تقول الروووب
- انا مهاجر
مسافر
من ديار
أهلى
لا لى ( كندا )
لا ( لاهاى )
لا ( للدوحة )
لا ( سدنى )؟!!
أنا استفتيت
براى حالى
مشيت
لى (نّومولى )
بى كرعى ؟!!
هجرت العِمة
والطاقية
والمركوب.
اتسلفت
من (سِلفا )
كمان كسكته
بالمقلوب .
لبست البدله
واتفنجرت
بى كرفته
واتعلمت
عربى جوبا
لا ذاكرتو
لا مكتوب
واتبدّل
عديل الحال
بقيت مسؤول
فى بير بترول
بدل (حسنين )
بقيت ( ملوال )
موندوكورو
قَلِب أباهو
ما يجينا
ولا نجيهو
ما ندورووو
(4)
جابت ليها (3)
يا عبد الله
كتاحه
زيطه وعرضه
ذكّارا
وشكّارا
دق نُقارا
مداحين
وطمبارا
بلد واقع
وده الواقع
بُكره القسمه
والتقطيع
قص الخرطة
والتطبيع
مافى ( خلاص )
ومافى شفيع
جرايد شوفا
طشّ وطاش
ودنيا غباش
صف كورس
من الغُربان
صِبِح هتيفه
فى الأعشاش
مسّاحين
من الأقلام
من الأقزام
و… ترزيه
فنانين
فى قص الكضبه
فوق للرُكبه
و… غنايين
ورقاصين
( هنود أفلام)
وجزارين
محترفين
فى قطع العيش
وعميانيين
حطابين
يجزو هواك
بضربة فاس
شوف الكتمه
يا عبدالله
زول الله
قِل المويه
موت النسمة
دمع البسمة
عدم الزاد
شوف أوجاعنا
كيف صِْبحَت
نبيح ومزاد
شوف واعقل
باسم الرب
أيا عبدالله
كيف ( اتسنسروا)
الآيات
وكيف اتباقصت
أوراد
حفرتو غريق
نشفتو الريق
دقيتو الطبلة
وشلتو الناى
قفلتو دَغَشنا
بأكبر طبلة
زقتّونا
كلام فى كلام
وصالح عام
بقينا زباين
ست شاى
قاضى المِلة
باع اتراحنا
يا مولاى
واتلفّتَ يا عبد الله
زول الله
جاى بى جاى
لقيت
حتى المثل مقلوب
- الحداس
صِبِح سوّاى
اتشنقلنا
جوه وطنّا
اتظلمنا للقاضى
شال الباقى
واتحاكمنا
راح ( فايل ) المظالم
ساى
مسكين الشِعِر
مكسور
وكت صبح الوزن
لافتات
مسكينه الصُحف
سوّت
نشاز( ناس هاكا)
زى (موزارت )
مسكينة الرفوف
بى حالها
كان لحسوها
كم نصّاب
عفيت منك
حيلك لسه
يا عبدالله
ماشاالله
ما رفّس وفَتْفَت
مات
وما أغناكْ
بالقرشين
والعراقى والسروال
وجُغمة روب
وكيس تمباك
وما ابهاك
وانت تشابى
للجايات
وما اتحسرت
لى رايحات
وماهماك .
ما اقواك
(5)
كمْلت سنة
سفّاية
من حلق الرماد
لو كان شرح
قلب البيوت
قمرا مِصَنقر
فى جواد
أو نَقْرَش
الوتر اليتيم
وصّحا عين
أو رنّ حافر
فى خواطر
وقمنا من صوم
الرقاد
أو انكسر
طوق الكدر
وردمنا
فى السكه الحُفَر
ووقفنا
فى وش الخطر
كنا…….
كان…….
صار……
وغسلنا ذُلنا
فى المطر
الا العشم
مرات
يفرفر
فى العدم
الشمس تشرق
من نغم
(التيمه) تطلع
من ألم
الدنيا
ترجع للنظر
فى شعّه
من ومضة
وتر
(6)
كل عام
وانتى غيمه
تبارى نيمه
فى حوش غلابة
كل عام
وانتى وردة
فى حُضن عروة
وطيره حره
تناجى غابة
كل عام
وانتى لمه
وحوش وحاره
صفقه
عرضه
ولمبه خضرا
على الاشارة
كل عام
وانتى صاحيه
وبت شطارة
وكلمه طيبه
وبشرى ساره.
كل عام
وانتى شارقة
وناضرة
مرجيحه وضفيرة
كل عام
وانتى طوق الزفة
فى غضب الدميرة
كل عام
وانتى نخلة
فَراش ونحله
وصوت بِيهدر
فى مسيرة
15/12/2010
فيصل خليل حتيلة- مشرف إجتماعيات أبوجبيهة
رد: موندوكورو للشاعر هاشم صديق
لماذا تحرمنا يا فيصل من كل هذا الألق وتبقى موغلا في الغياب إلي حد البهاء كما قال صديقي عصام عيسي رجب مخاطبا مصطفى سيد أحمد عقب رحيله الحزين.....
صور جميلة ولكأني أحس بالصور الجديدة والمعاني البكر لأول مرة في كل سطر من هذا العمل الكبير
أزهرى الحاج البشير- مشرف عام
رد: موندوكورو للشاعر هاشم صديق
ليه فجأة دون أسباب من غير عتاب أو لوم
إخترت غيري صحاب وأصبحت قاسي ظلوم
هان ليك فراقي خلاص وأنا برضو حولك أحوم
كان عهدي بيك ترعاني وأجمل صلاتنا تدوم
وأخر المحبة سلام
***طبعاً حتقول لزوم الكلام ده شنو ؟بس لازم نقولوا ليك يامان وحتعرف مغزو كويس
وعارفك مواكب الاحداث وكل نقلك ذات معني ومفيد للقارئ ..وحقيقة قصيدة "موندكورو تناولت حال السودان في قادم الأيام والتحديات التي سيواجهها
ندعو ربنا أن يجنّب سودانا كل هذه المحن ونشوفوا في أحسن حال
إخترت غيري صحاب وأصبحت قاسي ظلوم
هان ليك فراقي خلاص وأنا برضو حولك أحوم
كان عهدي بيك ترعاني وأجمل صلاتنا تدوم
وأخر المحبة سلام
***طبعاً حتقول لزوم الكلام ده شنو ؟بس لازم نقولوا ليك يامان وحتعرف مغزو كويس
وعارفك مواكب الاحداث وكل نقلك ذات معني ومفيد للقارئ ..وحقيقة قصيدة "موندكورو تناولت حال السودان في قادم الأيام والتحديات التي سيواجهها
ندعو ربنا أن يجنّب سودانا كل هذه المحن ونشوفوا في أحسن حال
محمد قادم نوية- مشرف منتدى الصوتيات
رد: موندوكورو للشاعر هاشم صديق
...... ((مندوكورو شكل منقه ))
أدينى يوم
وطناً مُفَدّا
شديهو
فى سرج المخدّه
أدّى خيل أحلامى
دفرة
خلى يا روحى
الحوافر
تطوى ظلم الليل
تسافر
لى فوانيس المجرّه
وبين شفايفك
والمسره
أطفى كم جرحاُ
وجمرة
وادفا
من تلج العشية
فيصل شكراً للألق...وطناً مُفَدّا
شديهو
فى سرج المخدّه
أدّى خيل أحلامى
دفرة
خلى يا روحى
الحوافر
تطوى ظلم الليل
تسافر
لى فوانيس المجرّه
وبين شفايفك
والمسره
أطفى كم جرحاُ
وجمرة
وادفا
من تلج العشية
الفاتح محمد التوم- مشرف المنتدى السياسى
رد: موندوكورو للشاعر هاشم صديق
جبتا كبيرة لكن يامان "حساب كاشف"..وشنو وريتنا وشّك كده وشغال لينا كِشّيب ساااااااااي كدا ..فك الماندوكور بتاعك دا ولو في باقان دوكورو ذاتو جيبو
محمد قادم نوية- مشرف منتدى الصوتيات
مواضيع مماثلة
» قصائد الشاعر الاشتاذ هاشم صديق
» أعتراف------ هاشم صديق
» بنطلون (لبنى) .. و .. قرنتية هاشم ........... هاشم صديق
» مع هاشم صديق
» عيديه - هاشم صديق
» أعتراف------ هاشم صديق
» بنطلون (لبنى) .. و .. قرنتية هاشم ........... هاشم صديق
» مع هاشم صديق
» عيديه - هاشم صديق
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى