الوالى....... نعمل ليكون عام 2011 عام بطولات للأحمر

مااااااااااا ظنيت

والله ظُن ساى يا جبل اللقه المرّه دى صايبه ما خايبه

كل عام وأنتم بألف خير ورياضتنا بخير انشاءالله
مشتاقين يايزول ياسمح "ود قادم" صدقني ضغط ماعادي وأمبارح وروني بالحاصل بس قلنا نجي نديكم حق اللنقي"ونبقي مارقين
أستاذ عوض السيد سلامات وكل سنه وانت طيب ..مشتاقين كتير انشاء الله عن قرب حنتواصل معاكم
*بس ياوصيفاب كترتوا من المواسير أبوأربع بوصة (ناس جدو الحضري) ووحدين كده كان فحصنا شهاداتم بنلقاها من زمن الريس عبود
*بعدين يامان منو قال ليك دايرين نحصل النفيدي خلينا كده نحصل ناس الرياض أول
ولقيت ليك كم مان ولقو كده قالوا لي الكينغ دا مالو قال أخر كده ماقال جاي قريب باللاه اسرع ياخ كلنا منتظرنك
مع فائق إحترامي وتقديري

الاعوام الفاتت دايماً
حقتكم واالصفقات والتلفزيون يتكلم والاذاعة تتكلم ده غير الجرايد
وفي النهاية 6 بمشوا وبجوا ست غيرهم
عدم الاستقرار وعدم اندماج الفرقة هي سبب اخفاقات المريخ

والتلفزيون يتكلم والاذاعة تتكلم ده غير الجرايد
*****
*****
المره دى الدنيا كلها تكلمت حتى حاقدين الهلال أصابهم الهلع من صفقات جمال الوالى الداويه وبإذن الله هذه المره صايبه

وإنتا كمان شنو ياكابتن من الصباح "مُسكر" مواقعك كلها قدر ماحاولنا نخش عليك مالقينا طريقة أصلوا الخميس ده بكون الشغل خفيف نحاول نكب معاك رندوق وانت رافع القزاز
طبعاً يامان إنتا زول خبرة تمتهن مهنتي (Accounts and Engineering) عشان كده بالله ورينا كيف ننزل الصور والتنسيق بتاع الالوان والصور المتحركة دي عشان نقبض معاك الجو يامان
معليش ياخ خشينا فيك شمال طوالي لأنو مشتاقين لكلامك وظرافتك ياجنابو ..قلت لي مركّب مكنة قايد أمبارح قريت موقفك طبعا مع الفرد ضحكنا كيف ...تاريك لمن زمان نضرب ليك نقول ليك تعال ورح معانا مشوار تقول لينا انا سادي خدمة اسبوع أدوك صلعةههههههههههه
تسلم يامان

محمد نوية كتب:

شنو ياكابتن من الصباح جاري خط ساخن ...قول ليهم أنتو ناسكم سوو شنو ؟ ..قول ليهم يكفي إنو أستردينا الكأس من قلب المقبرة كمايسمونها ..قال مقبرة قال! والسنة بإذن الله بهذه الصفقات الناريّة سوف يعلم القاصي والداني بطوفان الأحمر محلياً وأفريقياً

كل سنة بنسجل لعيبة بمبلغ لا يتعدي ال200 الف هؤلاءً اللعيبة يصلون مع الهلال للدور ربع النهائي والمريخ يسجل كل عام لعيبة بمبلغ يتعدى ال3 مليون دولار ويأتي فريق مثل الجيش النيجري ليتغلب على المريخ ويخرجه من ادورا متقدمة جدا
هذا هو ما تعودنا عليه من الاعلام السالب جعجعة وطيران

عندنا الوالي مافي شي غالي
تسلم ابو ابراهيم
بس الله يكفينا عين الجماعة

عوض السيد ابراهيم كتب:

أقامت رابطة مشجعي المريخ بالإمارات احتفالاً رائعاً بالنادي السوداني بمناسبة أعياد الاستقلال مع حلول العام الجديد 2011م بتشريف جمال الوالي رئيس نادي المريخ وعدد كبير من أفراد الجالية السودانية بالإمارات، وجاء الاحتفال مليئاً بالفقرات الشيقة من غناء وكوميديا.. واستمرت الاحتفالات حتى الرابعة من صباح أمس ، كما تزين النادي باللونين الأحمر والأصفر.. وبين الفواصل الغنائية تم تكريم رئيس النادي جمال الوالي بهدايا تقديرية سلمها له الحاج محمد أحمد قنيد والمستشار عمار الحاج الأمين العام لرابطة المشجعين بالإمارات وعدنان عبد الدائم نائب رئيس الرابطة تقديراً للمجهودات التي يبذلها من أجل رفعة المريخ وجعله في مصاف الأندية الكبيرة في القارة السمراء.. وألقى رئيس المريخ كلمة ضافية من خلال الاحتفال أكد من خلالها على أنهم سيعملون بجد في الفترة المقبلة حتى يكون هذا العام عام انتصارات حمراء تسعد القاعدة الجماهيرية العريضة لفريقه وتمنى أن يكون عام 2011 م فأل خير وبطولات للمريخ، بعد المعاناة التي صاحبت العام الماضي والمصائب التي توالت على فريق الكرة.

**********************
**********************
عز وقروش ورئيس بدون رتوش.
القومه ليك يا زعيم.
الله يكفينا شر الحسّاد ويدينا الفى مرادنا.
عندنا الوالى ما فى شئ غالى

هع هع هع هع
رجعنالـــــــــــــك
تحياتي

عساهم يقرأوا فقط مايكتبون هم وليس مانكتبه نحن لأن ما كتبناه لو استوعبوه ما كتبوا ما كتبوا ما الأولى نافية وما الثانية ما الموصول لغير العاقل
دعهم يحلمون فالأحلام تأتي مجاناً في المنام ولكن المصيبة تقع على رؤوسهم حينما يستفيقون من غفوتهم ويكتشفوا أنها مجرد أحلام لا تغير من الواقع شيئاً ولو بحجم سيكافا التي اكتشف عباقرة الكرة المريخية أن ذاكرة كتابهم مثقوبة ... تسرب ماكتبوا من أحلام .. ولما كانت أحلامهم كأحلام العصافير يتم إلهاءها بسيكافا فينسوا أحلامهم وينسوا الرحيل المر من دور ال 32
وليلعلموا أن الهلال أصيب بتخمة بطولات الدوري .. والهلال بطولة الدوري يرى أنها وسيلة وليست غاية .. وسيلة لأن الدخول في منافسات أبطال دوري أفريقيا لا يتم إلا عن طريقها ولو توجد أي طريقة أخرى لدخول المنافسة الأفريقية لسلكها وترك المريخ وبقية الشلة يلعبوا الدوري لوحدهم فقد سئم الهلال من تكرار الفوز بهذه البطولة لأنه يتركها لعطاش الدوري مرة كل ست سنوات ... والله يديهم الفي مرادهم!!!!

والمريخ اسم مجهول مبني على السكون في محل نصب مفعول به
من الفاعل؟
يا عمو,,
بك اعتزازي