النــــــجم ...ما شاءالله ...غريـــــــق كمبـــــال ...

الأستاذ / عوض السيد
هذه الأغنية هدية لك عشان النجم : غريق كمباااال
محبتي
حاول يخفي نفسو
وهل يخفى القمر في سماه
أبداً لا وطبعاً لا شفناهو شفناهو
*******
حاول يخفي نفسو وغير اتجاهو
سطع النور في أفقو وكل إنسان رآهو
خلنا البدر أشرق كامل في علاهو
وخلنا الزهر فتح من أنفاس شذاهو
******
جذاب حسنو رايع لادن خلقو مايع
رقص البان مشيهو تحب تنظر وشيهو
عيونك تختشيهو من قوة ضياهو ومن شدة حياهو
مرة إذا نظرتو ونظره إليك رناهو
قلبك ينشرحلو وترتاح لي لقاهو
دون تشعر تحبو وتلهج في ثناهو
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضو تشوفو أسمى
كل وصف تراهو أقل من مستواهو
مترفع عظيم عالي بعيد مداهو
ملأ العين جمالو الزاهي رشح نداهو
يلالي والكواكب تتناثر حداهو
فيه الحسن أودع ما ملكت يداهو

حاول يخفي نفسة ...
وهل يخفي القمر في سماه....
ابدا لا وطبعا لا شفناهو شفناهو.....
انشاء الله تسلموا لكن كان تدونا خبير شان نستمتع معاكم بكلام النجم الشامخ المتالق غريق كمبال
ماشاء الله وعيني باردة عليك يا زعيم
وبالجد نتمني اعادة البرنامج
تحياتي

أخي عوض وإبنتي صبوحة ...شكراً لكم على مروركم بطعم السكر ...وتسلموا....وتحياتي لشخصكم الغالي .... معزتي

أهلي هدية .... ياربي ترزقها ....آمين لو ما مستعجل كنت ...قلت الكثير ...المهم إلى لقـــأء ..... محبتي

شكرا ابو عليا وشكرا عوض الله واشكر كل الاخوه بالمنتدى ولكم محبتى 000البرنامج اعادوه يوم السبت الساعه12ظ وانا والله كنت ماشى لعزاء فى الثوره واتصل على واحد من ناس التلفذيون واخبرنى بالبرنامج ومن العزاء طوالى على التلفذيون 00البرنامج سجله عوض الله الصافى نسعى ان ننزله 0000لكم جميعا شكرى وطبعا انا كذلك تلفذيون الجزائر عمل معاى لقاء طويل جدا عن المعرض الجزائرى فى السودان لكن غلبنى انزلو وهو محفوظ عندى فى الكمبيوتر لكن هذه التقنيه لا ذالت عصيه 000شكرا لكم

أعزائي : الدكتورة المحترمة جداًNashi الغالي دائماً: الفاتح محمد توم ... شكراً لكم على مروركم الرائع ...وقد إتصل الآن من السودان أخي غريق ...وبشكر جميع أسرة المنتدي على هذه الحفاوة ,,,وقال لي أخجلتموني ...وقلت ليه يجب أن تخطرنا ...قال لي كانت مفاجأة لي ، حيث توجهت من عزاء بالثورة للتلفزيون مباشرةً ...وله التحية ...[ ويوجد بث الحلقة في موقع الجزيرة الإلكتروني ... يعني ممكن تشاهدوه ...(الزراعة بالسودان ) ] ...
وبره الشبكة قلت ليه لازم تزور أولادي بالبيت بالثورة أم درمان ..قال لي حاضر ..وقلت ليه لو زرتهم وشلت معاك كيس منقه ..أو بطيخة حأزعل منك بالمناسبة ...قعد يضحك شديد ...وطبعاً من باب المداعبة ...ولكم حبي ...