ذكرى الفنان الراحل ودسلفاب...

وشوق رؤياك
حنين لي رحلة في المجهول
ولولا الذكرى ما في وصول
ولولا الذكرى ما في أصول
ولولا الذكرى ما في شجن

لم ولن ننساك ابدا
ولن ننسه الحانك الشجيه
(انا لله وانا اليه راجعون)
لك الرحمه والمغفره
واقول قول شاعرنا الكبير الحردلو

تانى قام واحد جميل فى بلدنا ... ماتْ

وكان بغنى للمساكين .. والمسولتين .. والحفاتْ

وكان بغنى للمنافى .. والعصافير .. والرعاتْ

وكان بغنى لى بلد فى الحلم ... جاي .. أغنياتْ

وكان بطنبر .. وكان بدوبى .. للحياةْ

- 2 -

تانى قام واحد ملك ... روّح .. وفاتْ

وكان ملك فى الريد ... وإنسان فى الصفاتْ

وكان مهاجر فى دموع كل البكاتْ

وكان وتر مشدود ... ومسكون دندناتْ

وكان - عليه سلام - تقول مازول حياةْ

- 3 -

يا مصطفى .....

فاكر الجماعة الكانوا ساكنّك دوام

من منفى لى منفى

ومن عود ... لى سفرْ

فاكر العصافير المسافرات دون جواز

فاكر اللى داجّين فى المطرْ

.... عبدالرحيم ... وهلم جرْ

فاكر القطر

فاكر النخيل .. فاكر الحراز

... الليلة كانوا جميع هناك

قسماً يمين .. كان الجميع باكين عليك

كان المطار فارش عليك

كان الجميع مشتاق إليك

ياسلام عليك

لمّان تكون زولاً عزيزْ

عنْ ناس عزازْ

- 4 -

يعنى كان لازم تفوتْ

والحزن مشرور فى البيوتْ

والدنيا مازال فيها حوتْ

.... وفيها لسع .. عنكبوتْ !!

.... يعنى كان لازم تفوتْ

وتخلّى أوتارك سكوتْ

ولسة عندنا ريد جديدْ

ولسة عندنا ليك قصيدْ

...... يعنى كان لازم تفوتْ

وتخلى هذا الحب يموتْ !

- 5 -

ياسلام عليك

لمّان تكون زولاً عزيزْ

عنْ ناس عزازْ

يا سلام عليكْ