اقالة ام استقالة؟

بعد الهزائم المتلاحقة للاخضر السعودى فى البطولة الاسيوية هل استاقل الامير سلطان ام اقيل من منصبه؟

اتمنى ان يكون ادب الاستقالات قد بدا يأتى الى حيز الخدمة فى مجتمعات العرب.

تحياتى

وينك يامان أخبارك وأحوالك شنو القطعيات دي ياخ معقولة كم يوم مانسمع نغمتك دي ..ليه في غوانتناموا أصلوا؟ ضاربنا ليك برد ماعادي رغم سخانة البلد الأيام دي بغلاء الأسعار دي وكل حاجه أسكت ساي ..لوداير تعمل فاطنة الحاج كدا إلاء تقنع ليك من هاجر كباشي وبالمناسبة دي أمبارح يازول فاتتك طربانه
كااربه كيف في الصحافة جومة ونحل أسكت ساي ؛وكل" السان" بسألوني وين الرااستة دا قلت ليهم بجي قريب
أها ياأخوي بعدا ببقي مارق قلت اجي أكب معاك شوية رندوق كدا ونبقي مارق لغاية مانتلاقي ودعتك الله
سلااااااااام

لكم التحية يا جماعة

شايفكم استقليتوا البوست بتاعى دا لممارسة الرندوق ( النضيف ) جدا دون استئذان و لا حتى سلام يا جماعة.

ضحكتونى شديد والله يا ود النوبه و بارتيز ( الله يخليكم ) يا فرد.

بارتيز شايفك مظلل و عامل فيها الفاتح محمد توم شنوالحكايه؟

تحياتى

سلامات ياراااااااستة بلغة القاموس بتاعك وكيف اخبارك والشغل معاك ؛كنت في كورس في ماليزيا ووصلوا لي تحياتك شكرا لك
بس زعلانه منكم مع ود النوبة مابتشاركونا ونستكم دي ضحكة طبعاً
تقبل تحيات ناس البيت وبعدا حنمشي بالمقرن
بس خدمة يامعلمنا:مرسلة ليك ملفاتPowerPoint.‏ليت تساعدني فيها خبرتي فيها قليلة قلنا نستعين بالمهندسين بتاعين الخبره وكدا
تقبل تحيات الاهل

سلامات يا أستاذ كيف الامور انشاء الله كلو6×حته؟
جايا أشكرك كتير ياباش مهندس علي المجهود الجبار اللي قمتة بيهو معاي ..طبعاً الأخ عامل فيها مهندس تفتيحة وكدا وقال لي جيبيهو لي لوماعرفة ليهو نديهو "للمان"دا وجاطوا لي زيادة ..شكراً ليك كتير وربنا لايحرمنا منكم ؛بس حرام خبرات زي دا السودان مايستفيد منها
تقبل تحيات الاهل شغل كتير طبعاً
سلام