عزّه وإمكان(البيشبهك منو يا زعيم)

المدرب المونديالي يتغزل في الفرقة الحمراء ويرشحها للبطولات

01-29-2011 02:58
امتدح مدرب المنتخب الأولمبي الصيني صاحب الجنسية الكرواتية رازفيتش فرقة المريخ عقب مباراة الأمس ووصفها بالمتميزة وقال معلقاً على المباراة إنها كانت جيدة وأفادته كثيراً ضمن سلسلة تجاربه الإعدادية التي يؤديها استعداداً لأولمبياد لندن 2012 وأضاف المدرب الكرواتي الذي سبق له أن قاد منتخب بلاده في نهائيات كأس العالم 98 أن المباراة اتسمت بالقوة وكانت جادة وقوية من الطرفين مؤكداً أن المريخ استفاد من التجربة بذات القدر الذي استفاد منه المنتخب الصيني وأبدى المدرب الكرواتي استغرابه من وجود نقص في صفوف الفرقة الحمراء بعد أن علم بغياب النجوم الدوليين وقال إن من يشاهد مستوى المريخ يعتقد أنه فريق مكتمل تماماً ولا يعاني أي نقص في صفوفه ولم يتردد رازفيتش في ترشيح المريخ لحصد البطولات الأفريقية خلال الموسم الحالي ذاكراً أن مستواه يؤهله لذلك وتمنى المدرب الكرواتي التوفيق للمريخ في مشواره المقبل.
***
***
العندو رأى غير دا يقولو عشان نبدأ الدفاع عن سيد الناس

أخير من الحمام الميت الذي طار زي العصار من أول مطار وباذلين في لعبيته من مال اللصوص والحرامية ولم يصعدوا أما النادي المديون والمفلس صعد رغم أنف نادي اللصوص والحرامية ورغم أنف إتحاد معتصم أحمر.... الأهلي القاهري جدد للاعبين من لعيبته من غرامة الحضري المدفوع نصفها من مال الكادحين السودانيين .. طبعاً الأهلي جماعته كلهم كشوهم مع نجلي حسني مبارك .. وكثير من أعضائه أوقفوا ولم يتمكن من إيجاد المال الذي يجدد به لحسني عبده ربه وسيجئ يوم سيسقط فيه المؤتمر الوطني ويساق رموز الفساد فيه للسجون وحنشوف مين حيدفع لنادي اللصوص والحرامية

ويا ود نوية الموضوع أنا أنزلته عشان المكتوب فيه وصاحب الموضوع قال:- (
العندو رأى غير دا يقولو عشان نبدأ الدفاع عن سيد الناس )

ونحنا عايزين نشوف الدفاع عن نادي اللصوص بخصوص الموضوع بتاع الغزل في الحمام الميت الذي طار زي العصار من أول مطار
والله طيرتكم حارة ماتهنيتوا بلعيبة المال الحرام ولا لمرحلة واحدة ... تعرف ياود نوية طيرتكم تجيب مرض الجغجغان ولو ما عارف مرض الجغجغان أسأل ود أختي الأمين الجعلي حيوريك أيه هو مرض الجغجغان في علم الطيران

ول نوية تحياتي وصباح الخير ،وباين عليه صباح مبشبش من أوله ،والله بالرغم من الأداء السيئ للهلال والغير مطمئن إلا أنني سعدت سعادة غامرة بهدف بشة في الدقيقة 93 ومصدر سعادتي بالهدف ليست الـ 3 نقاط التي كسبناها في آخر ثواني المباراة ،بل ما فعله الهدف بالوصيفاب والذين بدأو بإرسال رسائل الـ SMS الشامتة ويهنئون بعضهم بخسارة الهلال لنقطتين ، وأنت أيضاً لم تخيب ظني كما هو ظاهر في مداخلتك بس أوعا يكون قون بشة جاب ليك ضغط وغايتو أعمل حسابك وعليك بالأنقارا الحمراء فهي مخفضة للضغط ، وبعدين قلت لي الحكم زاد الزمن والله بالغت ياراجل وحرام عليك ، ياخي أي لاعب من الإتحاد كان بيقع بسبب ومن غير سبب وبياخد على الأقل 3 دقائق دا غير الحارس الذي سقط من دون سبب مرتين واخد قرابة الـ 6 دقائق ، تحياتي لك وبشة صغيرة كفاااااااااااااية عـــــــــــلينــــا وكتر من الأنقارا وكان عندك كتير منها قسّم على باقي الجماعة معاك لأن الحال من بعضة (حالة سأأبة)و الله يكون في عونكم ويبشبشكم كمان وكمان أصلو إنتو متعودين على البشبشة هو الراجل دا مش مبشبشكم مرتين في الممتاز الموسم الفات، تحياتي وسلامي لك وخليكم مع الأفريقي .

فقط الزمن الذي استغرقه الحارس في السقوط ثلاث مرات وليس مرتين أكثر من ثلاث دقايق ... ياعمي دا بشه الهلال فيه ما اتغشى ... بشة التشة بالمريخ إتعشى ونفش نادي اللصوص نفشة وجاب الدوري لناس أبوعشة .... بشة دا يا ود نوية سلَّ فولكم

بشه الهلال فيه ما اتغشى ...
بشة التشة... بالمريخ إتعشى..
ونفش نادي اللصوص نفشة..
وجاب الدوري لناس أبوعشة..

هييييييييع ... والله يا خال ما قصّرت


ودا هدية من الله والله بدي الجنة

نحنا بنسقط الكبار والصغار بالأربعة ومافوق ؛وين لي ناس ابو واحد وبعد سلة روح وبمساعدة أيدي أخري
حالتكم السنه صعبة يا نادي السجون

نسيت السنة الفاتت المريخ تلاته والموردة ستة والخرطوم سبعة وأهلي خمسة .. المريخ تلاته فيهن اتنين من بشة التشة .. أمانه ما أقوانه هردت نادي اللصوص هردة

سلام وتحيه ياعم خدورة
الأقوان القلتوها دي من السنه المضت ؛لكن السنة دي ماخلاص الجماعة العجايز الجايبنهم بي القروش الدخلوا بيها السجون دي استهلكوا خلاص عمرهم الإفتراضي انتهي هم لمن جابو قون واحد ماكتيرمنهم ؟غايتو نهاية الموسم إلا يعيرو نصهم لي أهلي شندي ..دا الدوري الممتاز كده بعدين كيف يقدروا يقارعوا الأفارقة القويين ..نحن منتظرين يوم 24 من الشهر ده نشوف البحصل شنو

رأيك أيه في بشه التشة....الله يديكم زيه

بنسوي بيهو شنو بشة الجايبنو بالدين!!! ..هو لو عندو شئ كان سواهو في ملحمة ساكواها التي لقن فيها نادي المساجين درساً في فنون كرة القدم ..

هل إنت نسيت أن بشة في أول مشاركة له ضد المريخ دورياً جطاب تشتين كفلتا الدوري للهلال بعد أن رفض معتصم أحمر الدوري بالأهداف

الضو قدم الخير حينما قدم للمريخ من شمبات وسجطلتوه بالدين والمريخ عدمان التعريفة ورفض الضو اللعب دفع ثمن تسجيله حكيم الهلال طه علي البشير والضو حي وموجطود وذكرها في يوم على الصحف أعرف تاريخ ناديك يا ود نوية وممكن نوريك الكثير أيام حادثة صلاح مشكلة مع المريخ وأخرجوا عفش المريخ للدلالة .. آمل أن تسأل ماذا فعل عبدالمجيد منصور رئيس الهلال واسمه قاهر الظلام حينما كان التنافس شريف ولكن مش بمريخ اللصوص كما هو اليوم

الحمام الميت الذي طار..... مدربه حسام قال انو جدول الدوري مضغوط ...طيب ياشيخنا لو كنت حتقابل الأفريقي وإنت لاعب مع الأبطال حتقول أيه .. الهلال في العام السابق كان بيلعب في الأبطال وفي كاس السودان وفي الدوري ومع منتخب السودان وفيه سبعة أساسيين في المنتخب .... عاين زولكم قال الدوري مضغوط يعني اليوم يلعبوا ليه شوط واحد مع الأمل عطبرة والشوط التاني يجدولوه بعد أسبوع عشان خاطر المريخ..... هذا هو المضحك قلنا ليكم إنتو حمام ميت.

الحمام الصاح طيرانو ماجا لكن حيجي يوم24 من الشهر ده ؛عندما ينازل نادي الحُكام الأفريقي الصعب ياماحنضحك كتير في ذاك اليوم ونشوف كيف طيرتو تكون ممكن يطير بي جناح واحد مش جناحين

وين نادي اللصوص والحرامية ما بيَّن في دور ال 16 أهلنا قلوا سخرية أبو سنينة يضحك على أبو سنينتين... في الرياضيات ياود نوية في حاجة اسمها دالة الدالة فان ضحكت على طيران الهلال فأنت ضمناً تضحك على طيران نادي اللصوص الذي له سبع سنوات وصيف والأفريقية الطيش ومن قولة تيت

نعم وارد أصلها كورة ولكن رايك شنو في الطار قبلهم بعد ما خسروا عليه دم قلبهم