أبوجبيهة ....والعطور .... وبما فيها من أنواع الصابون ...

لقد تفحت عيوننا، وتذوقت أنوفنا رائحة حفرة الدخان ...رائحة الدروت الطيبة الهادئة المنعشة ،وهذا العطر المتاح في كل منزل غني أو فقير .... والعطور الموجودة في الزمن الجميل برفوف المحال التجارية والفترينات ، بت السودان ،وأوراق الخريف ، وكافن كافن إن كانت التسمية صحيحة ،ومن أنواع صابون التواليت : صابون الفنيك المطهر القوي ، وصابون صافي ، وتربع على العرش صابون اللوكس أبو رائحة ذكية جداً ...وكان من يستحمي باللوكس يسير في الطريق منتعشاً مرفوع الرأس ، ويحس بأنه من المترفين والمنعمين ...وهذه بداية عطور الزمن الجميل .... محبتي

الاخ شاويش لك التحية
انتم احلي عطر من ابوجبيهة
يفوح طيبكم وتعطرون الامكنة
وهناك قش النال وعود ابوليلى
‏ كل الود والتقدير

أختي الغالية ...مرورك ومداخلتك بطعم بخور خريفنا الهادئ الحلو الجميل ...وتسلمي أختي الغالية ... إحترامي لكي.

الكلام ده كيفنو يا عتمان يا اخوى
يعنى مافى
هفوك وكازنوفا ورمبا ولا ديفا
ولا ون مان شو الهلال كشو (سلامات عزيزى فيصل خليل)
ربنا يديك العافيه اخى عتمان
وانت تعطرنا بعطور ابوجبيهة
ولكن نسيت ان تزكر عطر المنقه والدليب
لك منى التحيه
ولك منى هدية عطر اوراق الخريف

تسلمي أختي الرائعة والمتألقة دوماً سهااااد ...ومداخلتك بطعم ونكهة دليبنا ومنقتنا العزيزة الغالية ...وتصدقي للدليب مذاق رائع ...وللمنقة خاصة الهندية نكهة عجيبة...ما هذا الجمال الذي أجبرتنا ظروف الحياة على أن نتركه خلفنا و بديارنا الوديعة !!؟؟ ونسأل الله أن يسهل لنا العودة والإستقرار بالحباك الحبيبة يارب ...وتسلمي على مرورك ومداخلتك الرائعة ...إحترامي

الغالي دوماً زهير ..بحثت عن رائعة التجاني حاج موسي ولم أجدها !!!؟؟ بل وجدتك أنت أروع ...أشكرك على المرور والمداخلة الجميلة ...تسلم .... معزتي لك .

اتارى الدنيا من دونك شينة ومره ما بتندار
ومرة مرارة يا يمه دي مرة وحارى زى النار
ولو بتدورى احكيلك كيف احوالى فى البندر
من وين عايزه ابدالك مو شيتا غريب وعجيب
ده شيتا كلو شين فى شين
هنا الزول العديل ونصيح وحاتك انت يا غاليه
بعيش حياتو يوماتى بى وشين
وزولتى الحتى حبيتها لقيتها براى تحب زولين
وايه يا يمه والله زمان
دي قشة عينى من النوم معاى بشيل هموم باكر
قبل ما اشيل هموم اليوم اختها خطواتى الأولى
اعدى الباب تدق طبول الهم
------------------------------------

شكراً ...شكراَ ...زهير
محبتي