اليوم المظاهرة المليونية ... عاجل

نعم استاذ ازهرى يجب ان تذهب بعد ان فشلت فى ادارة شئون هذه الاسر المنكوبه ديمقراطيا.

الوعود بالاصلاحات نسمع عنها و على الارض لم نرى سوى التسلط و الجبروت.

على كل سوف تحدد هذه المسيرة موقفنا النهائى من كل هذا.

هنالك لجنة ايضا لرصد كل المتخازلين و ( المخزلين ) من المدسوسين ( الطابور الخامس اللذين

ينقلون ما يدور فى اجتماعاتنا الى المدام)

تحياتى

ياخى المدام دى واله حاقرة الزوج دا حقارة شديدة شايفاه مسكين كدة والمصاريف اليومية دى تاعباه لكن سنقول لها ان زوجك مافى حاجة تهمة حتى لو اعترفت باخطائك وتقصيرك قلت حتصلحيهاىلازم يضربك باختك

الله اكبر

تسلم ابو عثمان

وين باقى الجماعة ( شايف جزء منهم بتاوق بالصريف ساى داير الناس يكتروا شويه )

تحياتى

والله ......،أنى اسمع جعجه ولا أرى طحين وبعدين نحن عاوزين أفعال مش أقوال على قول امريكا

يادكتور !!! ليست كل (المدامات) دكتاتوريات هناك البعض منهن ديمقراطيات
وحقانيات يا فيصل خليل ..يا ابا هريرة يا اسامة .. ياود منقة ..لا تنساقوا وراء الدكتور وبعدين تجي على رؤوسكم وتضامنا مع المراه اهديكم هذا النص.....
***********
***********
اي صوت زار بالامس خيالي؟؟
طاف بالقلب وغنى للكمال
وازاع الطهر في دنيا الجمال
واشاع النور في سود الليلي
انه صوتي انا ابنة النور انا
او اتدري من انا؟؟
انا ام اليوم اسباب الهناء
انا من دنياكمو احلى المنى
كل حب في الورى رجعو حناني
كل نبع دافق بالخير داني
من ينابيع يغذيها حناني
انا نصف قد حوى كل المعاني
من يناديني انا؟؟
ابنة النور انا
ياشباب اليوم اسمعني جوابا
يقتنيه الجيل في الدنيا كتابا
ان عزمي يافتاتي مستمد فهي ذاتي
وهي مراة صفاتي
فاطمئني يا فتاتي
كل ما فات يرتجى
لو سلمنا من الزلل
فلنعد ولتعد لنا فرحة العيدوالامل
فلنعد ولتعد بنا سنة الله في الازل
سوف ترتقي سلم المجد رقيا
ويفيض العلم ينبوعا رويا
وننادي بتلاقيبا سويا
ونشيد المجد صرحا ابديا
نحو سودان جديد

تقصد شنو يا اسامه

انت يا اسامه نمن زنقوك فى نمره ( 2 ) لقيت منو غيرى انا ( كملنا ليك الشغل كلو ) واسع شمتان فينا.

نحنا عند راينا يا اسامه و الجمعه الجايه تجى فى سيدة السنهورى تشوف الطحين.

تحياتى

لا والله يا دكتور ازهري لا تصف نفسك بالرجعية بل انت رجل ثوري وتقدمي ومناضل !!!!غير انك انفصالي ((من ايام كتائب مايو)) وما تزعل ونحن بنمزح معك .. تحياتي

الفاتح احبطتنى شديد ياخ.

اوكى مافى مشكلة طالما انك انضميت لجنابو امين منقه ( طابور )

الثورة ستجتاحكم كلكم

الزوج يريد تغيير المدام.

النقر خلينا من حركاتك دى و ورينا انت شايت وين؟

عامل فيها زكى عبدالكريم

مسيرات مؤيدة للمدام

الزوج يريد تثبيت المدام ؟؟؟؟؟؟ بس المظاهرة دي لما ترجعوا من المسيرة تكونوا فرضوا عليكم حصار غزائي منع الوجبات وبعدين اي واحد يهتف الزوج يريد تثبيت المدام حتى تجود لكم.
ناس رافعين الراية البيضة

شايت مع انغولا . انا مع التغيير ايا كان.

والله يالنقر دا كلامك انت متأكد منو طيب طيب طيب حانشوف بعدين وبعدين يالنقر معنا فى المنتدى وكالات أنباء خطيرة جداً جداً اعمل حسابك من النيران الصديقة نيران العدو معلومة الكلام النيران الصديقة ياصديق إحزر الطوفان يأبن عمى وانحنا قبيل شنل قلنا قلنا الطير .........

الاعزاء الكرام

انا اضم صوتي للمسيره المليونية التي تنادي ب الشعب يريد اسقاط قانون الزوجة الواحده .. و يا اخونا المسيره المليونية يجب ان تكون سلمية مائة المائة و المطلوب من المتزوجين التوجه الي ميدان التحرير يوم الجمعة القادم و اعملو حسابكم من البلطجية امثال جنابو امين منقا و اسامة عثمان ..

لكم التقدير

العزيز ول نوية

والله ضحكتني قلت لي ممكن تجيك سفنحة طايره ولا بنبر مكسور .. بالمناسبة لقيت واحد من الاخوان في المانيا قبل يومين و قال لي كيف الاولاد .. قلت له لسع المرحلة دي ما وصلنها قال لي خليك قاعد كده ..
بعمل ليك تلفون قريب انشاء الله

لك التقدير

اسامه معليش للتأخير
عارف ... أسأل مني بقادي

الحقونا الرجل يريد تدمير المدام ..تاني الا تكتبو البوست بالليمون..اخوي ازهري ازيك ..ارهابي عديل..فيصل انت مع التدبيل ولا التبديل والتلبيد؟ياجماعة قلنا الروب ونعد بتعديل الدستور وعليه نصدر الآتي نصه:يمنح الرجل اجازة ابوة عشان يقعد لعيالو وياخد مرتب قريض سنة كدة..وان يصرف المرتب بواسطةزوجته دا بالنسبة للعاملين..اما لغيرم شغلة البيت باليوم..ونطلب من جنابو القاء القبض على ود عثمان وازهري وتقديمهم لمحاكمة بتهمة ارتكاب جرائم ضدالانسانية..ويعيش..يعيش ود منصور ناصر العوين في زمن الجور

اشكرك جدا الاستاذة اقبال عبد اللطيف على الاشاده
فالمراه هي الام والاخت والزوجة وهذه
حقائق مسلم بها ولا يستطيع اى رجل ان
يحيد عنها ويتجاهلها او يغض الطرف عنها
فالمراة نصف المجتمع بل وكل المجتمع والدكتور
ازهري يؤمن بهذا الكلام لكنه يحب ان يمزح ولا
احد يستطيع التغريد خارج السرب.....الف تحية

لا احد يستطيع التغريد خارج السرب ..جميلة جدا ياود منصور.. هذا البوست وآخر مثله للنكتة والمرح .نظام ونسة في الممنوع ..احييكم

اشكرك يا استاذة يا مبدعة اقبال لانك من تستحقين
الشكر والتقدير والاشاده لوقفتك الجادة وانحيازك
لجانب المراه المغلوبه على امرها وتصديك للمظاهرة
بكل قوة ورباطة جاش ......الف تحية