ياجماعة .... أخواتنا وبنياتنا وين ؟؟؟؟؟

بسم الله الرحمن الرحيم
والله الأيام دي شايف غياب لبنياتنا و أخواتنا من ساحة المنتدى .... دارت برأسي بعض المخاوف ....و سيطرت على تفكيري ..... نظرية واحده همسن بها سابقاً.....وظل السؤال في مخيلتي...
هل بنياتنا وأخواتنا لابدات في معســـكر تدريبي ؟؟؟ حيث كانت الفكرة موجوده في بوست ؟؟؟
المهم شدوا حيلكم للرياح العاتية التي ستهب قريباً من الشرق و الغرب و الجنوب والشمال وهي مراكز ذات ثقل ..
أختنا دولة موجوده .... آمل منك ابلاغ من يهمه الأمر بأن المشاورات بهدف انشاء برلمان النساء في المنتدى كخطة لتهدئة النزاع المحتدم بين أثينا وإسبارطة جارية على قدم وســاق ..... ويمثل بداية جديده .. تقبلوا تحياتي

أعمل شنو لكن يا فيصل ؟؟؟؟؟
فاض بينا الغياب ......
كل " الفئة النسائية الفاضلة "
عودونا مساء الخير ... صباح الخير ...
وفجأة ... " زاغو خلونــا "
يالله يافيصل همتك ......أنا عارفك حتقدر تقنع المقرر!!!

الحمد لله بالشوفه عبر البوست أختي صبــاح
والله ده عذر ندافع عنه..... والعلم مطلوب .....
شدي حيلك ونحنا معاك بالدعــاء ... بالتوفيق و التفوّق

والله ياودابوي أكان عرفن سبب البيت ...
"حيفتحن معسكر تاني "
تسلم على المرور و التشجيع.... وكضاب البقول غير كده!!
بالله سجلني في الجمعية...

عمو عثمــان ...
بتقصد القراية لزوم " المرأة التي طارت عصافيرها ؟؟؟"
ملاحظتك جديره بالبحث ..
cc/ فيصل cc/شيخ محمد نويه ...

حمد لله على سلامتك أختي العزيزة بن العمــده
قلتي لي " استاند باي "
خفّوا شويه علينا
لقيتكم في مراحل " هاي هاي "

الحبيب فيصل ...
" إِلْتَفِــت ْ وَرَاك "

أختي اقبــال جمعة مباركة
نحن بخير وعافيه
*******
خلاص مافي مشكله يا أختي ...
نحفر ليناخندق ونعمل ساتر
ونرجى الراجينــا

ويا أخواتي حسب البيان الختـــامي " الصلح خير "
ودعناكن ألله....
يمين إنتن عزيزات .... ونحنا أخوان وأبهات بنات