استماره مهمه جدا ..... لاستعمال الزوجه فقط

الأستاذة ناهد مع أطيب تحياتي

لقد سقط - وأعتقد سهواً - من إستمارة طلب الإذن من الزوجة عن تحديد رقم الزوجة هل هي رقم واحد ولا رقم تلاتة ولا أربعة

نرجو عمل اللازم نحو تعديل الطلب ... وبعدين نشوف

أزهرى الحاج البشير كتب:الأستاذة ناهد مع أطيب تحياتي

لقد سقط - وأعتقد سهواً - من إستمارة طلب الإذن من الزوجة عن تحديد رقم الزوجة هل هي رقم واحد ولا رقم تلاتة ولا أربعة

نرجو عمل اللازم نحو تعديل الطلب ... وبعدين نشوف

يا خالو والله سلامات

الله واحد والنبى شاهد والواحد الله

لك تحياتى

سلامات

اعتماد هذا النموزج من المستندات الرسمية يجب ان يتم بواسطة المحكمة الشرعية كونها دائرة الاختصاص

الوحيده فى هذه الامور.

ايضا نريد مزيد من لايضاحات على استفسار ( خالو ازهرى )

تحياتى

الاخت ناهد
شوفي يا اخت ما تلخبطي الكيمان الاستماره دي معكوسة المفروض تكون طلب اذن من قبل ام العيال و ليس من ابو العيال .. و بالمناسبة دي و بحكمي ناطق رسمي باسم المتزوجين نرفض الاستماره جملة و تفصيلا ..
اخي فيصل و لا همك نحن معكم قلبا و جنبا الي جنب الي الامام .. الي الامام .. ثورة .. ثورة


لكم التقدير

الاستاذة ناهد
انا على اتم الاستعداد لطباعة مليون نسخة من الاستمارة الذكية وتوزعيها على كل النساء في السودان وتوثقيها عن طريق ابو هريرة المحامي حتى تاخذ الصفة القانونية ...وخليك من كلام البلطجية فيصل خليل وود عثمان ديل اجهضوا ثورة اقبال عبد اللطيف في مهدها وقاعدين بالمرصاد لاي تحرك نسوي ..الف ثحية

الاخ محمود منصور

لك التحية و التقدير

لن و لم نسمح و لن نقبل لكل من تسول له نفسه بالمساس بحقوق الاخوه المتزوجين و انت يا محمود خليك في انبطاحك دا و مدينة جده تبعد عنك 45 دقيقه بالسياره الشافك حصلت بقية الجماعة ما كضب .

لكم التقدير

الناطق الرسمي باسم المتزوجين

العزة للرجال

صباح الخير يا شباب ( ربيع الثورات )

نشكر الاخوة ول عشمان و محمد نويه على سرعة الرد و بقوة على كل عمليات البلطجية اليائسة.

أتفق تمام مع الاخ ود نويه على استيضاح المدعوات ناهد و اقبال ( قائد فصيل التخريب ) فورا

تسلمو يسلم اخوى محمود ( شكرا يا حبيبى على الاتصال ) بس نزل صورة حديثة و نشوف

تحياتى

الخوجلابى دا مريخابى ولا شنو؟ ( عفوا اتحادى ولا جناح مادبو ولا شعبى )

يا زول الله يدينا خيرك

تسلم

وين العالم .. وين حقوق الانسان .. نداء لكل من لديه ضميرا حي .. المتزوجين يصرخون ..

الخوجلابي .. شوف يا زول انت لو بلطجي قول انا بلطجي عشان نلمك مع ناس
( محمود منصور ) ..

لكم التقدير ..


الناطق الرسمي باسم المتزوجين

ود عشمان كتب:
الاخت ناهد
شوفي يا اخت ما تلخبطي الكيمان الاستماره دي معكوسة المفروض تكون طلب اذن من قبل ام العيال و ليس من ابو العيال .. و بالمناسبة دي و بحكمي ناطق رسمي باسم المتزوجين نرفض الاستماره جملة و تفصيلا ..
اخي فيصل و لا همك نحن معكم قلبا و جنبا الي جنب الي الامام .. الي الامام .. ثورة .. ثورة


لكم التقدير

اقطع ضراعى يا ود عشمان انت كنت شغال سبارى عدييييل فى ام بمبيطه اعترف لانك يا اخوى شغال صلبطه ولخبطه فى المنتدى ساعه الناطق الرسمى باسم الرجال المتزوجين وتارة الاباء بصراحه كترت اللصق

شكرا استاذ محمود على الوقفه الجدعه وانت يا استاذ الله ما جاب يوم شكرك وانت دوما حقااااانى ما زى ناس تانين

************************************8

الخوجلابى الله ينصر دينك يااخوى نحن بس بنحاول نساعد وليس الا فى ميزان حسناتك

محمد نوية كتب:

قرار شعبي رقم (1) إحضار فوراً الأخوات :إقبال وناهد بغرض التحقيق في هذا الغياب
ثم النظر في ملء هذه الإستمارة ومناقشة ماجاء فيها

حضرنا سعاتك
ومستعدين لايضاح اسباب الغياب
يالله قووول رايك يا فندم فى الاستماره

شكرا على السعال ولك التقدير

ابو هريرة محامينا الكبير
نرجواستدعاء ناهد والتحقيق معها ((بت اختي ناهد الفاعول فاعولكي ده.))لائحة العقوبات دي قاسية جدا وحات الشمختار وابو زهرة الرقيق
احش الفول في تاندك وتجملا ولا البند رقم(1)والبند(2)اللهم اسألك اللطف فيهما

خالك: تيمي

بت اهلي ناهد ..

ماك طيبه انشاء الله البقيرات و الغنميات ملعشيات ..

والله ضحكتني قلت لي ( اقطع ضراعى يا ود عشمان انت كنت شغال سبارى عدييييل فى امبرمبيطه)

انتي عارفه انا اصلا زول مردوم و صراع و زمان وقت يكون في صراع السباري (بشكرني) و اكيد بتعرفي المشكار في الصراع و اذا ما بتعرفي انتي ذاتك ما عطويه ..
علي كل حال كانو بشكروني بقول لي .. تركاش العقيق .. الشافو خلو .. النخو لقو .. شر في الحر .. كدو النمله .. بوخ العصيده البايته .. مد الرغوه .. في الصراع لو رميت او رموني انا التحتاني ..
و لو مكضباني اسألي مني الاخ فيصل حتيله هو واحد من السباره

هههههههههههههه ..

طبعا وقت اسمع الكلام دا ما بصاقع كلو .. كلو

لك التقدير

عورررررورررررررررررررورررررررررررررك

ول ابا الاغيبش

والله بتزكر لى أخر صرعه الكانت فى حدبة ابوك العمده و الداره كانت ملسه ( تقول ممسحنها بالودك )

اخوك كان السبارى بتاع تركاش العقيق يوما رميتك التانية كانت ( رميت كوكاب دينكا ) انا قلت ( الزول كسر نوايتك )

بت ابوك عبيد ترا ( حكامه كبيره ) اعمل حسابك بتقطع فيك غنية والله.

تسلموا يا شباب على خفة الدم

اخي فيصل

بت ابوي عبيد لو حكامه صحي صحي و قطعت فوقي غنية انا تاني ما بصاقع ..

والله ضحكتني يا رائع لك التقدير

تحياتي أخت ناهد .. وأهم حاجة نسيتيها ويجب إضافتها للإستمارة وهي القّسم وهذه صيغة مقترحة :

(( أقسم برب البريةّ ، أن أكون مطيعاً للولية، وأن أسلمها الماهية ، وكل الحوافز الشهرية ،وحسابات البنوك المخفية ، وأن أنسى كل النساء إلا هيّ ، وأن أورّق لها الملوخية ، وأن أكون في البيت قبل المغربية ،وحسبي الله ونعم الوكيل في الولية دية.))

اخى بشرى سلامات
الله الله والله مقترح جميل جدا والصيغه مناسبه انا عن نفسى اوافق بشده وشراب لكييييييين بينى وبينك اللون الاحمر ده فى :-
الوليه- الماهيه -المخفيه -الشهريه-الملوخيه- المغربيه

(بالجد كلام مااااا مطمن تب ) الله يستر يكون مقصودالعكس
تحياتى

( جابو فزع بقى وجع ) يا اشرف ياخى العقوبات دى صعبه شديد علينا.

نناقش الكلام دا فى الاجتماع

شكرا

ده اسمو كلام ده!!!!!!!!!

ههههههههههههههههههههههههههههههههههههههههها

الزعيم الجماعة ديل حيروك ولا شنو.

ضحكتنى ياخى

والله ده ابداع ما عادى
اضحكتونى (فى الزمن الصعب)
وصدقونى ما قادره امسك نفسى
وانا بكتب
لكم التحايا على الظرافه
وخفة الدم ...
بت عمتى ابدعتى عديل كده
وانا شلت نسختى
وحاترجمها
بالانجليزى وكل اللغات
واوزعها
يعنى
اى واحد معانا هنا عايز يتوكل
ويتم نصف دينه
يشيل شيلته وعلا يشوف ليه ناطق رسمى باسمه
تحياتى
وعينى بارده عليكم