توقعوا ظهور سهاد علي الشاشة قريبا

من طرف **ود عشمان** 5th أبريل 2011, 13:36

الاعزاء الكرام ..

غابت الاخت سهاد عبد الغفار طويلا عن الساحة و تحدثت معها عبر الهاتف قبل قليل و هي مستعده للتواصل معكم عبر المنتدي العامر خلال الساعات القريبه القادمه انشاء الله ..

حبابك عشره بدون كشره بس اوعاك تجينا بمواضيع أسئلتك الما عندها اجابه ديك ..

لكم التقدير

ول ابا عشمان سلام و شكرا على الاخبار السارة يا زول

نعم لقد تم تكليفك بهذا الملف من المشرف العام بواسطة المستشار القانونى قبل عدة ايام.

على سهاد عبدالغفار الاتصال بالسيد المستشار القانونى ابوهوريرة فورا.

ألف حمدلله على السلامه و زى ما قال ازهرى دا ما كان رحول

تحياتى للاولاد

من طرف **ود عشمان** 5th أبريل 2011, 14:24

العزيز فيصل

المشكله الاخت سهاد تاخرت لانهم رحلو علي جبل المنقو و بعدين الدر تعيس ..
اهم ما في الامر الاخ المحامي ابوهريره بقول اذا جبت سهاد راجعه لي كل الصلاحيات من بينها ان اكون الناطق الرسمي باسم المتزوجين و الاباء و المغلوب علي امرهم حتي نوقف كل من تسول له نفسه بالمساس بحقوق المتزوجين ..

لك التقدير يا اخي و مشتاقين

اسمعنى يا ول عشمان

اولا اسمها ( كوع المنقو ) مش جبل المنقو

تانيا يومداك قلت ليك الجراديه اسمها ( أم دهن دهن ) قلت لى بقيت تقطع من راسك بس الليلة

لقيت ليك اسمها التانى ( أم سيكيكون ) يا حبيب

اما موضوع المستشار بكرة قايلة عندنا ( انتماع ) فى خور السلمه بتكلم فى موضوع الععين دا

تسلم يا صديق

[[هي مستعده للتواصل معكم عبر المنتدي العامر خلال الساعات القريبه القادمه انشاء الله ..]]
إنت دايماً بتجيب الخبر الطاعم وحلو ...وبالسطرين اللي فوق ذكرتني إنتفاضات الشباب وتوقع البيانات ....
بالجد سهااااد تركت مساحة شاسعة فارغة ...ونحن نتظر بفارغ الصبر التواصل لسد هذا الفراغ ...مرحباً بك يا إنجليزية وسط أهلك وأسرتك ...وبالجد خبر أسعدنا للغاية ...وبالله تسلمي على بعلك والعيال ...الله يحفظهم يارب ...قولي آمين ... إحترامي

من طرف **ود عشمان** 5th أبريل 2011, 14:44

العزيز ول حتيله

والله ضحكتني قلت اخي الجراداي اسمها ( أم سيكيكون ) دي انا بعرفها بتاكل الضرابه و نوار التبش ..

اخي شاويش

لك التحية و التقدير علي المرور و سيب الجغمسة نزل الموضوع ..

سلااااااام جاءكم

البركه الجبت لينا خبر طااااعم على قول عمو عثمان شكرا كتير ود عشمان
سهاد خابت خياب مبالخه وخلت فرقه كبيره لكم ولها التحيه

حباب سهاد 00000المنتدى من غيرك مضلم تعالى نوريه يا اخيه

أنا هسع ما عندي كلام .. لكن خليها التجي !!

من طرف **ود عشمان** 5th أبريل 2011, 16:27

يا استاذ ازهري

انا غايتو بجيبها ليكم و بعد داك انتم سو الدايرنو معها .. انا اهم شي عندي اثبت منصب الناطق الرسمي باسم المتزوجين ..

لك التقدير و مشتاقين كتير كيف اخبار الاسره الكريمه

ود عشمان

معزتي

احبابى الكم منى الاحترام
والعزر على الغياب الطويل والله افتقدكم
خالص لظروف طالعه عن ارادتى
حقيقى كما قلت سابقا
انا لكم وبكم
والشكر كل الشكر لكل الاخوات العزيزات والاخوان الافاضل الذين اتصلو يسالون
عنى وعن اخبارى
ووعد لم ولن اغيب عنكم ابدا مهما يحصل
لانى لا استطيع ان افارقكم ابدا ابدالافاضل

استاذى وخالى الغالى
ابو الزهور والله لم اخزلك ابدا لكن الظروف
حالت دون ذلك
واحمد الله انها مرت على خير
بكترت دعواتكم لى
ويا عزيزى
لك الحريه وانا مستعده
لكل البجى منك
من غير كلام
ولا اعتراض خالص احترامى وشكرى
لسؤالك الدائم عنى
وربنا يخليك لينا
تحياتى

rabic]24]عزيزى الغالى واخى الكريم
ابو احمد(فيصل)
لك منى خالص الشكر على السؤال
ووعد ما بعملها تانى
ورايك شنو اظهر فى الرياضى بشوية كركدى ولا ما اظهر ؟
تحياتى واحترامى[/size]

انا السعيده يا عتمان يا اخوى
ووالله مشتاقه ليكم
ولى قفشاتك الجميله
وربنا ما يحرمنا من بعض يا رب
وبشكرك على السؤال
وتحياتى لجميع

المنتدى منور بيكم
يا اخى الغالى غريق
والله افتقدكم كتير وصدق من قال العز اهل
ربنا يديم الحب بيناتنا
تحياتى للعيال وامهم
وقول لى اخوى صاحب الدهب انا جيتك شيل شيلتك
وطلع لى حقى بره

يااا

يااااااااااااااااااا
ياااااااااااااااااااااااا
سهاد

سهاد يا اخيتي
والله غلبني التعبير
شهرين تمااااااام
معقولة؟؟؟؟؟
نوووووووووووووورتي

بنت عمتى الغاليه
كيف اخبارك واخبار الاهل
وبشكرك كتير على الاتصال والسؤال
وصدقينى ما بعملها تانى
تحياتى لجميع

الحبيبه الحلوه الصبوحه
والله ادمعتينى
وحقيقى شوقى ليكم لا يوصف
وكل يوم اخباركم معاى من عزيزي ود عشمان
كيف اخبارك واخبار العيال وابوهم
تحياتى لهم

اخى الغالى دوما(ود عشمان)
اشكرك على اصرارك
وتواصلك معى ومدنى باخبار المنتدى
وتطمئينهم على وحقيقى مهما اقول لا استطيع ان اعطيك حقك
وربنا يجيب يوم عرسك ؟؟؟؟؟؟؟؟؟؟؟؟؟
(علا الفيك اتعرفت اتاريك مصر على انى ارجع المنتدى عشان المنصب المديك ليه اخوى المستشار )
تحياتى له

بالجد يا غالية
فرحتنا وسعادتنا بطلتك المشرقة ما ليها
حد.....
انشاء الله تسلمي من كل شر يارب
تحياتي للحلوين غدير ويونس
وابوهم
تحيااااتي

سهاد وصلت ألف بليون حمد لله على السلامة ...نورتى المنتدى حبيبتي

منورة ياسهاد

تسلمى يا سومه يا غاليه
والمنتدى منور بيكم وبطلتكم
الحلوه
وربنا يديم الود بينا
تحياتى

العزيزه اقبال
لك منى خالص الحب والشكر
وصدقينى نورى بيكم
ربنا يديك العافيه

من طرف **nashi** 5th أبريل 2011, 19:51

حباب الغالية والعود احمد

بمناسبة هذة اللمة النسائية وطلة سهاد البهية...رايكن شنو نكون برلمان للنساء ؟

تسلمى يا الدكتوره يا غاليه
ليكى وحشه
واخبارك شنو
بعد الطوله
تحياتى .

اخيتى اقبال كلام
زى العسل
ونحن معاك
بس
لكن ناس اخوى فيصل ديل البمسكم شنو مننا
يقومو يطرشقو لينا الفكره
خلى الاجتماع الاول يكون
مقفول
وبعد تكمل الفكره نقوم ننشرها
عشان خايفين من المعارضه
تحياتى

من طرف **ود عشمان** 5th أبريل 2011, 21:46

الاخوات :

سهاد ..

الدكتوره

سومه بت العمده

صباح

اقبال

بعد التحية ..

اولا اريد ان اهنئ نفسي و الاخوه المتزوجين بان تم ترشحي بالاجماع السكوتي و بحضور الاخ المحامي القانوني لمنصب الناطق الرسمي باسم المتزوجين و نحمد الله علي ذلك ..و هذه مسئولية تاريخيه يجب ان لا نفرض فيها

اود ان احذر كل من تسول له نفسه بالمساس بحقوق الاخوه المتزوجين المغلوب علي امرهم .. لن نسمح لاي تجمعات و تكتلات نسائيه بهذا المنتدي العريق .. بلاش برلمان نسائي.. بلاش كلام فارغ .. نحن نراغب كل تحركاتكم اليائسه التي لا تخدم للوطن قضيه .. و نحذركم من مغبة الموقف .. و نحن نراغب الموقف عن كثب.

كما اود ان انوه للاخوه الذين ما زالوا خلف الجدار امثال الاخ محمود ان ينضموا علينا و بالمناسبة تكونت لجنة خاصة بقيادة المناضل فيصل حتيله لاستقطاب امثال هؤلاء .

و العزه للرجال المتزوجين ..

ود عشمان

الناطق الرسمي باسم المتزوجين

والله بختهم لقو ليهم محامي كارب ...بس ماقلتا لينا ياودعشمان كم المرتب؟ انشاء الله بس يكون قدر الدفعات القوية دي؟

من طرف **ود عشمان** 5th أبريل 2011, 22:33

يا بت العمده

مرورك اسعدني .. نحن هنا في خدمة الشعب و مجانا ..

لك التقدير

سلام اخوي بوخ العصيدة البايتة ..ونازلين انتخابات رئاسية الجمهورية كمان...اخوانك رفع الراية...خلينا البرلمان بس عندنا لمة كل ثلاثاء احتفاء بيوم عودة بهية الطلة سهاد...احترامي

احبابى الكرام
الحمدلله بوصول الاخت سهاد ونتمنى ان لانتقطع منا تانى
وود عشمان انا عارفك تجي الخواجية
لكن شيف اخير كلام المتزوجين والنطق باسمهم ده تخلى
بعد ما تنفذ كلام منصور
وقلت لى جبل المنقو وقاصد كوع المنقو انا قلت فى جبل اسمه جبل المنقو فى ديار الخواجات ولا شنو
كان ما كلام فيصل
وهى سهاد دى سارت بالتيران ولا شنو
مرحب بسهاد
ويلة ورينا الحاجات الجديدة

سهاد ألف حمداً لله على سلامتك .....
كنتي بترحلي ولاّ بتبني عشان ترحلي ياختي.....
افتقدتك كل الأمكنة في المنتدى.....
تحياتي للأولاد وأبوهم
مرحبتين حبابك .....

اجمل هدية للأخت سهاد اضغط هنا

انتظر 5 ثواني ثم ثم اضعط على SKIP AD

مرحب بيك تاني هنا يا أختنا Suhad إنشاء الله بس جنابو رسل ليك الكيس "أبوإضينات" لومارسلوا تكون عوجه

تسلمن يا اخياتى
والله يديك العافيه يا اقبال يا اخيتى
علا ود عشمان اخوى ده
جابها كبيره
لكن اها لن نتراجع ابدا مهما يكون
والى الامام يا اخوات
مهيره

اخوى الافكاتو ربنا يديك العافيه
ويخليك
ومشكور على الترحيب
اها يا اخوى
استاذنا العظيم الغالى ابو الزهور قال عنده لى محكمه
وانا خليتك تبقى لى المحامى بتاعى
والاتعاب دى بنتناقش فيها بعدين بعيد
من ود عشمان ده
اها قلت شنو؟

والله ضحكتنى يا اخوى الاستاذ الفاتح
كان شفت اخيتك
وقفت الخواجات ديل بفرد رجل
لا خليت قطيه ولا كرنك ولا (عريشه)على قولة الناس
والدخول فى العولمه
الراكوبه بقت اسمها
عريشه
واخر ما فضل لى ركن السودان
لسا البنابر والحقق ما جنى منتظراهن
تحياتى للعيال وامهم

تسلم يا اخوى الخوجلابى
من كل بلاء
وزهورك حلوه شديد
مشكور على السؤال والدعوات
تحياتى

يديك العافيه يا ول امى
ول نويه لعلك عافيه .
والله اخونا جنابو ده
شكله كده عايز يدينى ليها عديل بالدرب
فى الحج الجاى انشاءالله نلاقيهو هناك
ونستلم تسليم يد
تحياتى

قررت المحكمة تبرئة ساحة السيدة سهاد عبدالغفار على أن لا تعاود مثل هذا الغياب مرة أخرى

أهلين سهاد
مبرووووووووك البراءة سلامي للأسرة الكريمة

الف مبروك على البراءة الاستاذة سهاد عبد الغفار المتالقة وكما قال الدكتور في نص الحكم على الا تعودي للانقطاع مرة اخرى
وما تسمعي كلام ود عثمان خليك مع الاستاذة اقبال ود عثمان ده طلع سباري ساي ومافي اي واحد اداهو منصب
الف تحية

يلا يا اخياتى زغردن
اخيتكن طلعت براءة
تسلم يا خالى واستاذى العظيم ووعد ما بعملها تانى
يديك العافيه و الصحه
وتحاياك وصلت للاسره
وتحياتى لجميع ...
يديك العافيه اخى محمود وعاد تانى بعد كلام
العظماء فى كلام اكيد ما حانقطع .
يعنى انتو ما اديتو المنصب ده
لا كان كده
خلينى انقبل عليهو اخوى ود عشمان ده
قاعد لينا كده فى حلقنا
هو وود عمى حتيله
لكن خلينا نخطط كويس للانتخابات
وما نامت اعين الجبناء

زغروووووووووووووودة
حلوة يا سهاد
مبروك البراءة عجبني ليكي والله
تحياتي

اخت سهاد البراءه دى ياها جبناها ليك وطلعناك ذى الشعره من العجين وده بعد مداولات ومرافعات وبذل عناي فائقه ادت الى هذه الغاية وهى البراءه
عشان ما تعملى نايمة فى سداد الاتعاب
وساوكل الاخ ودعشمان لاخذها بالاسترلينى

تسلمى يا الصبوحه
والله زغروده حلوه شديد
ويعجبك الخير يا حلوه
تحياتى للعيال وابوهم

تسلم يا اخوى الافكاتو
وربنا يخليك لنصرة الغلابه
علا يا اخوى موضوع الاتعاب ده خلى بيناتنا
اخوى ود عشمان ده
يقوم يعملها لى
تفويض والناطق باسم المحامى
وكلام كبار كبار (بالتنجليزى)
واخيتك
مسيكينه ما صدقت طلعت براءة
تحياتى