ألعب غيرها ياوالي

منقول عن صحيفة الرائد الإلكتروني
خرج فريق المريخ من الدور الأول لدوري أبطال إفريقيا أمام فريق لا تاريخ يذكر له في البطولات الافريقية..
خروج المريخ كان صدمة لأهله ابتداء من جمال الوالي وحتى أصغر مشجع..
إعلام المريخ الذي بشر الجماهير بفريق يهز الارض تحت اقدام افريقيا كلها دعك من السودان وجد نفسه في موقف حرج..
رئيس المريخ الذي سجل عصام الحضري بـ700 ألف دولار واستعان بالطاقم الفني لفريق الأهلي القاهري وقام بإبعاد كل الأجانب واستبدلهم بأجانب جدد بشر هو أيضاً الجماهير بإنجازات عظيمة في هذا الموسم..
خروج المريخ المبكر وضع الجميع أمام موقف حرج فكانت فكرة اقامة بطولة سيكافا التي اعلن عنها جمال الوالي صباح اليوم التالي لخروج المريخ فكان ان وصل سكرتير سيكافا للخرطوم قبل ان يعود المريخ من انغولا!!
وعندما كان لاعبو المريخ يتوجهون لمنازلهم بعد رحلة الخروج الافريقي كان سكرتير سيكافا يتوجه نحو الاتحاد السوداني لكرة القدم ليعقد مؤتمراً صحافياً عن استضافة المريخ لهذه البطولة وتكلفه بنفقاتها!!
هذا من ناحية تعويض جماهير المريخ عن خروج المريخ من دوري ابطال افريقيا.. ولكن ماذا عن صرف انظار هذه الجماهير عن مشاركة الهلال المستمرة في دوري الابطال بعد ان تاهل من نفس البلد التي خرج منها المريخ!! وماذا عن مباراة الهلال الكبيرة التي تشغل بال القارة الافريقية والوطن العربي!! وكيف تتحمل جماهير المريخ الحديث الإعلامي المستمر عن مباراة الهلال الإفريقية في الوقت الذي يجلس فيه لاعبو المريخ مبكراً في منازلهم إلا من مباريات الدوري الممتاز!!
عبقرية المريخ التي لا تنتج أفكاراً لصالح استمرار فريقهم في البطولات الإفريقية انتجت فكرة رهيبة لشغل الوسط الرياضي عن مباراة الهلال الإفريقية..
عبقري المريخ المسمى عادل أبو جريشة تقدم بمقترح لرئيس المريخ (البرئ) جداً جمال محمد عبد الله الوالي لصرف الأنظار عن الهلال وفي نفس الوقت شغل الرأي العام الهلال بقضية كبيرة جداً وانسانية للغاية!!
المريخ بقيادة جمال الوالي يرعى مباراة خيرية لصالح علاج لاعب الهلال السابق مرتضي الجنيد !!
السيد عادل ابو جريشة يتحدث في الاذاعة الرياضية عن هذه المبادرة الانسانية !!
يا سلام على المريخ ويا سلام على جمال الولي..
سامي عز الدين الذي توفي في مهمة رسمية للمريخ بالقاهرة مازال أبناؤه يستجدون من أجل استلام ما تجود به الأسرة المريخية!!!
أسرة العامل البسيط الذي مات عن طريق (الخطأ) وهو يحاول تركيب مظلة إستاد المريخ مازالت تنتظر مع الرأي العام معرفة تفاصيل هذا الموت الغريب!!!
حامد بريمة وجيل مانديلا الذي قدم الانجاز القاري الرسمي الوحيد للمريخ مازال ينتظر هو وصحبه التكريم اللائق بهم!!
حتى عبد الكريم الدافي متوقف عن التمارين وسفاري يبحث عن بقية مستحقاته وعمال النادي يتجهون للمحاكم وجمال الوالي يريدنا أن نصدق أنه مهموم غاية الاهتمام بعلاج اللاعب ود الجنيد..
إن من حق رئيس الهلال الامين البرير ان يهاجم جمال الوالي ويسأله عن امواله وان يهاجم عادل ابوجريشة وان يرد عليهما بعنف لان مرض ود الجنيد لا يمكن ان يكون تجارة رخيصة بهذه الطريقة..
حالة انسانية مثل حالة ود الجنيد لا يمكن ان تتحول لورقة توت لتغطية عجز المريخ الافريقي.. استغلال مرض انسان بسيط من اجل الاساءة للهلال يعكس الحالة النفسية التي يعيش فيها هؤلاء.. ان الهلال اكبر من محاولات جمال الوالي وابوجريشة لصرف انظار جماهيره عن لقاء الاحد الافريقي..
وسيبقي الهلال وسيبقى ود الجنيد أحد جنوده الذين ابتلاهم الله تعالى بالمرض مثله مثل بقية اللاعبين وبقية خلق الهلال المبتلين يومياً بالعديد من مصائب الدنيا..
وسيبقى خروج المريخ حسرة في نفوس اهله لا يمكن ان تزيل مرارتها هذه التصرفات الغريبة من قيادة المريخ..
والعب غيرها يا والي.

فلوس نادي اللصوص والحرامية يلموها عليهم والحساب ما الآن ولكن قرب ويومها كل ديك أحمر يشوف نارو وين .
سيطوقوا في أعناقهم ما أكل أصحاب المصالح المستفادة دون وجه حق.... (( ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار )) ..هذا المال الحرام من قوت الملايين يلعب بين أيادي لصوص ..جبانة هايصة أكل ياحضري وياحسام ليه هو وارغو أحسن منكم وسوف تكونوا شهود في يوم نراه قريبا ويرونه بعيدا

ههههههههههههههههههههههههههههههههههههههههههها

والله يا عمو خدورة انت زول كويس خلاص ...............................

ود الجنيد عهدو بالمرض قديم مش اول امبارح يا شباب .... افتكر من اايام زيكو شال الكورة و خرج

بيها من الاستاد و النتيجة كانت كم يا جماعة.

تسلمو بشرط ترد للشعب حقوقوا

باى

كانت 2 صفر وشال الكورة والهلال عنده ضربة جزاء وحالة طرد للمريخ والله يا فيصل هذه المباراة حضرتها في ديوانكم وقبل نهاية الشوط الأول وبعد أن أحرز المرحوم والي الدين الهدف الثاني قلت لهاشم ومحمد سعيد والفاتح أبوعلي المباراة دي ما حتنتهي المريخ شكله تعبان وشكل ضرب ثم ذهبت للمنزل لأن هنالك ضيوف أتوا ليسلموا عليَ وبعد ربع ساعة من الشوط التاني جاني محمد سعيد وقال لي زيكو شال الكورة وعرد قلت ليه عرد وين ؟؟ قال لي المريخ هرب .. بن علي ماعمل زيها بالله أسأل منها محمد سعيد قول ليه فضل قال ليك الكرة ما حتتكمل.

استاذنا الجليل

بالضبط كده النتيجة كانت 2 للهلال و ضربة جزاء للهلال و حالة طرد للمريخ.

تعرف يا فضل قابلت لاعب المريخ زيكو قبل سنتين فى مناسبة و سالتو من الحادثة دى

تعرف زيكو قال لى يا فيصل انا لو ما عملت كده كانت بتكون فى كارثة. قلت ليه طيب ليه

انت تحديدا؟ قال لى معليش كلو يهون من اجل المريخ.قلت ليه بكل أسف انت جيت المريخ

راس حربه و اسع شطبوك و انت ليبرو والله يا فضل ضحك بتهكم شديد. طبعا زيكو خريج

كلية التربية الرياضية - جامعة السودان يا فضل.

على اى حال ود الجنيد مريض ليه ععشرة سنين و بيعالجو فيه ناس الهلال و هو غير محتاج

لاموال منهوبه لعلاجه.

تعرف يا فضل الحصل بين بله جابر و المدرب شنو؟

تحياتى

الجنيد سلام

ياخى ود الجنيد مريض ليه مية سنه الجديد شنو\ظ

بعدين خلينا من الهوى دا امشى الشعر هناك محتاجين ليك

تحياتى

يتبرمك بقروش السودانيين الغلابة ألا يكفي ما فعله هو وعثمان الدقير ولكن صدقني يا دكتور الجنيد سوف يطرشوا هذه القروش دم... يا دكتور الجنيد لا تدافع عن الفساد الذي طال حتى الرياضة ..إنت أكبر من ذلك ... ديل شاغلين بمقولة من دقنو أفتلو... كل هذه الفلوس المبعزقة لن تستر عورات فسادهم ولن تجمل صورهم في عين إنسان إلا في عين إنسان مستفيد من هذه الأموال المريبة ..
قال الله تعالى : ولا يحسبن الذين كفروا أنما نملي لهم خير لأنفسهم إنما نملي لهم ليزدادوا إثما ولهم عذاب مهين

نويه صباح الخير يا سيدى

ممكن نعرف تفاصيل قصة الارباب

تحياتى

بكره يامان بشة وكاريا حيسكتان كل الشمات في مقبرة الأبطال وسوف نهزم الأفريقي بإذن الله ونتأهل لدوي المجموعات التي اعتدنا عليها ..وين إنتو منها ودعتوها من الباب الواااااااسع
أستاذ عوض السيد سلامات مشتاقين كتير
بعدين يامان شنو عامل زغبير من Question بتاع المان ده؟
تحياتي وتقديري للجميع

مرحب بيك فى السودان نيكست وييك بس ورينا قصة صلاح ادريس شنو؟

و بعدين بكرة نتقابل معاكم فى ( مقبرة الابطال ) مش مقبرة اللصوص!

سلام

اتصالك على العين و الراس بس ورينا الملحناتى و البرير سرقوا كم و من وين؟

التلفون خلى نتفاهم فيه فى موضوع الشيله و محمود الخطيب

هههههههههههههههها