من ابوجبيهة سلام

الاخوة بالمنتدى ليكم من ابوجبيهة سلا م وشوق كتيرووحشتونى شديد
وانا منذ اكثر من اسبوع بالحباك
وادعوكم غدا لتناول وجبة الافطار بالمنزل وذلك بمناسبة ختان ابنى عثمان ومحمد

مبروك مقدما للابناء وتحياتنا لكل الاهل بالحباك وتحية خاصه لك استاذنا الجليل

الف مبروك لاولادك استاذنا الرائع ابو هريرة
ونتمنى لك اقامة طيبة بين اهلك في البلد وما تنسى تجيب معاك دليب وهالوك وشوية منقة وجوافة وترسلها لاخوك في مكة!!!!
وبعدين ود عثمان مطلع اشاعة في المنتدى وقال ابو هريرة صرتو مدفونة في ام برمبيطة عاوزين نعرف حقيقة هذه المعلومة عشان نرد عليه... الف تحية

مبروك للاولاد ..
اقامة طيبة فى الحباك الاخ العزيز الاستاذ ابوهريره سلام كتييييييييييييييير لاهلنا فى الحباك

الاخ ابوهريره الف مبروك للابناء وربنا بخليك ويخليهم ليك بالعديل والزين
ابوهريره الختان كان افرنجي بنجي بنحضر الفطور علي شرط يكون فيه شعيريه وكان بلدي بنجي بنحضر التباره عشان نأكل البليله (أم تكتلني)
والشغلانه كان فيها (بليل)الواحد يترق سكينه ويجي (يبشر)
وناس مكه ديل قول ليهم الدليب والهالوك موسومه فات احسن تجيب ليهو منه وجوافه
وبعدين ماتنسي تفسحهم علي جبل العمده كده
تبركاتي وامنياتي الطيبات

اخى ابو هريره اولا مبروووووك للعيال وان شاءالله تحضر جديد جديدهم يا رب

والله فقدناك وانا دخلت المنتدى الاسلامى وقاعده فى بوست قانون الأحوال الشخصية السوداني لعام 1991 هل ظلم المرأة؟ .
وفاتحه خشمى واقول العستاذ روح شقيش فشان الدرس

تحياتى للاسره ولكل الاهل

األف مبرووووك يامولانا للعيال وربنا يخليهم ليكم .. و بعد وجبة الافطار لو احتجتو لفواكه اعمل لي لي تلفون عشان نكلم ناس امبرمبيطه يرسلو ليكم شوية تفاح و انناس و جوافه و عنب و منقه ..

تحياتي لافراد الاسره الكريمه

با ابو هريرة
ماتصدق وبعدين تتحرج مع الضيفان ساكت يا مولانا ....ما حيرسلو ليك غير نبق ولالوب ..
احسن تمشي اي جنينة من جنائن ابوجبيهة وقطع ليك رمان وعنب وتفاح اخضر ومنقه هندية قبل الضيوف ما يجو ..... الف تحية

الاخ ابو فارس لك التحية وعقبالكم
اخى خالد تحاياك وصلت
محمود اخوى ول عشمان دا بتكلم ساى هو ما عامل فيها ناطق رسمى
بعدين انت نسيت ولا شنو الايام دى ما ايام منقة بس اما الهالوك والدليب بتاع زمنكم داك خلاص انتهى والدليب واحد واحد حتى فى الخريف
وصاحبى ابراهيم دا جاب النبق والللالوب كويس

ول نوية عقبالك واخوك امس مشى الكور مرتين والليلة مشيت ام ضمنا ووصلت لجبيلات الاربعا كايس لى جداد خلا وما لقيت الا القرود
الجبالى ليك التحية واللة العقلة سويناها وجو اهلى من امعوان وسو البليل وانا اتهوشت ومرقت البندقية وداير اضرب لكن قالو الضرب ممنوع وقلت ليهم جيبو لى الحراب وما لقوهم لى لكن هزيت بالسكين
وامتكتلنى ماسوها مع التباره لاننا استعجلنا

وداخوى زهير مشتاقين وانا مشيت سوق تجملا ولقيت ناس بهاالدين واولادة وهم بخير
الاخت ناهد نحن انشا الله ماحنقصر مع حواء عشان ادم ما يقوم يرفع قرن وتكون الامور واضحة وحنجى نواصل
الاخ الفاتح لك الشكر وعقبال العيال
ول عشمان عساك طيب انت داير تتحرك لينا متين ولا نمشى لعمك التلب
مشكورين اخوتى

متعك الله بالصحة ياحازمى