محمود منصور

محمود سلامات

مالك يا ابن عمى اليومين دى نشاطك قل شويه ............. ارجو ان تكون بخير

فكرت كثيرا فى السبب و رجحت ان تكون غيرت رايك فى اجندة جمعية الرفق بالجماعة ديل

تخريفه

الفاتح رفض اعتماد الصورة الاخيرة بحجة لم يفصح عنها

تحياتى

الاخ المناضل فيصل خليل
اشكرك جدا على سؤالك عني لكن انا موجود وكل يوم لازم ادخل المنتدى واخرج ومشارك في جميع الردود لكن فعلا النشاط قل يا استاذ لعدة اسباب
اولا //التقدم في السن تعرف العمر في السودان بزيد سنة واحدة وهنا بزيد سنتين سنتين
ثانيا// زحمة في العمل هذه الايام لمشارفة العام الدراسي على نهايته
ثالثا// انشغالي بالاولاد والاختبارات لنهاية العام الدراسي
رابعا //زعلان منك ومن الفاتح التوم لانكم هربتوا من تنزيل صوركم
اما موضوع الصورة الغير معتمدة دي خليهو في الرد الجاي. الف شكر

الاخ محمود
سلامااااااات
انشاء الله بالتوفىق وربى ىنجح الاولاد وتشوفهم من الناجحون
امىىىىىىىن
انا عارفة اخونا فبصل هرب لكن اخونا الفاتح دا ماااااااالوا
تسلم

الف تحية الاستاذة صباح
وتحياتي للاسرة الكبيرة في الابيض
وربنا يحفظكم ويسدد حطاكم ويوفقكم الى طاعته ومرضاته

من طرف **Suhad Abduelgfaar** 18th مايو 2011, 10:56

ربنا يوفقك اخوى محمود
وينجح العيال
ويهون عليك كل القواسى
ويا سيدى انت شباب لسا عينى عليك بارده ما زى ناس عمو فيصل خليل ده
خلاص راحت عليهم
عشان كده
ما عايزين يختو صورهم

تحياتى لعيال وامه
م

شكرا جزيلا عمو محمود

ياخى ربنا يعينك و يوفقك على تربية الاولاد و متابعة عملك فى جمعية الرفق بالجماعة و ام العيال

بعدين زعلان مالك ياخى نحنا ما قلنا حاجة بس الفاتح رفض اعتماد الصورة و عندو شوية تحفظات

شايف القوات بتاعتك بتهاجم فينى بشكل عشوائى و مؤكد ضربات قوات النيتو كانت فاعلة

تيحاتى

الاخت سهااااااااد
والله ضحكتى قلت لى راحت علىهم
كلامك صحى ولا مو كدى اخونا فىصل
تسلمو كلكو
احترامى

لك التحية اخي العزيز محاموووود ......
تحياتي للعيال وأمهم لحدي ما نشوفهم قريب ....
*******
فيصل لك التحية وانت تصد الهجمات العشواويه ولكنها " نيران صديقة "...
فيصل .... شايف محمود دخل علينا بصورة إبننا الشاب منصور ... " نسأل الله أن يبارك فيه ويجعله ذخراً لوالديه"
*****
هذا دليل صريح ان اخونا قد بلغ من الكبر عتيا ...فقد لجأ الى عمليات " الصبغة و شد الوجه والقصات الشبابيه "
أراهو في كل مره يقول " إنتا متين جاي مكة ؟؟ "
خطتي بأن اداهمه في عقر داره عشان مايلحق يزبط وضعو !!!
******
أخواتي صباح وسهاد...
"وانا مالي ومال كده يا صباح ؟؟"
وانتو عارفين
شرطي الوحيد ينزل صوره حديثه بدون " رتوش"
وياسهاد والله ماراحت علينا .... لكن رحنــا فيها ... ههههههههها....
فيصل أختنا أهدتنا أهزوجه من ايام زمان..
راحت عليك ..
ما راحت عليك
ما الدنيا كانت ضاحكة بيك..
يوم كنت فى الزمن الجميل يوماتى بنوت الفرح تتحجى بيك
الدنيا بريدك خريف وغيمات وداد الراجعة كان هايمات عليك..
وانا قلبى كان بس طوع خاطرك بين ايديك..
والقمرة تتقدل حداك ...لو درت كان هيمانة بالافراح تجيك..
فجأة رحلت مع الغياب ودروبى ماعرفت وراك..
لا انت فى الذكرى المعاى لا فتشت عينيك ابعد من مداك..
كبرت خطوك فى الرحيل واهملت فى جنة هواك والباقى ياهو الباقى ليك

تسلموا جميعا

الاخ الفاتح سلامات
اخونا محاموووووود دا صورته حدىثة مئه بالمئه
لكن الفاتح انت مالك ما عاوز تنزل صورتك ؟؟؟
فىصل دا عارفنه ما بنزلها لانو حتى الرتوش شكلها
ما لاحقة
تسلمو

عشان ما تتفاجأوا وتقولوا
" بالله الراجل الكبير أبو صلعه ده ... بيدلع علينا في شنو؟؟ "
صباح صبرك علي " حانزلها بالبلدي و الأفرنجي "
لكني مرات بفكر وبقول " تلقوها عند الغافل !!! "
كدي خلوني أقدم ليكم الأولاد ....
أصلوا محمد حيتخرج من الروضة كمان اسبوع ونص كده...
ترقبوا .....
تسلموا جميعـــــاً..

صورتك الخايف عليها

صــــــورتك الخايف عليها ونــــحــــن ما خـــايف علينــــا
هـــــاك بى تذكارها شيلها وشيل معــــــاك الفــــى عينينا
فيها ايـــــــــه انسان بعزك لمـــا يحفظ ليـــــك صــــــــورة
فيها قـــــــامتك وابتسامتك وســـحــــر عينيك الخجولـــــة
فيها راحـــــــه وفيها واحة كــلمـــــا يتعــــب يزورهــــــــا
فيها ما بمـــــــــــلاها عينو وكيف يخلـــى عيون تطولهـــا
انت لــــــو صادق فى ريدك زى صـــــــدق ريـــدتنا ليـــــــك
انت زينا لو تساهـــــــــــــر لــــــــو بــطــــــــول الليل عليك
كـــان بفوت فرحـــك فرحنا يـــــوم نشيل شــــوقنا ونجيـــك
وكنت مـــا بتبخــــل علينـــا حتـــــــى لـــــــو نطلـــب عينيك
انت صــــــورتك مـــا أمانه وكيف نفــــرط نــحـــن فيهــــــا
وقلنا نلجـــأ لــــــى أمــانها مــــــن قســــــى الايام وتيهــــا
مــهــمـا قلـــت واعتـــذرت غـــــــايتو انت بخلت بيهـــــــــا
وهاك بى تذكارها شيلها صـــــــورتك الخـــــايف عليها

****

وفيها إيه إنسان بعزك لما يحفظ ليك صورة ...!!!؟؟؟

فيها راحـــــــه وفيها واحة كــلمـــــا يتعــــب يزورهــــــــا .....!!!؟؟

وكنت مـــا بتبخــــل علينـــا حتـــــــى لـــــــو نطلـــب عينيك ...!!!؟؟
انت صــــــورتك مـــا أمانه وكيف نفــــرط نــحـــن فيهــــــا....!!!

والتحايا والحب كل الحب للمطرب الرائع ...ابو ظل خفيف البعيو ...... محبتي

الف تحية للاستاذة سهاد والاستاذة صباح
ومشكورين على الدفاع الناجح من اجلي ضد الهجمة الشرسة التي اتعرض لها من قبل بلطجية النظام فيصل خليل والفاتح التوم
ويوم الجمعة حاغير الصورة بواحدة جديدة .. الف تحية

الاستاذ شاويش تشكر على الاضافة الجميلة .. الف تحية

محمود منصور كبير الشبيحه

دفاعاتك مرصودة من قوات النيتو يا محمود

عايزنك فى منتدى الشعر ياخى طولنا من قفشاتك

تحياتى

سلام عليكم يا الحبان
استاذ محمود موفقين يارب ..يشيلو نوار ..ثمار..وظلال..
ارفع صورتك مع الجماعة سوا

وعمو شاويش بالله الصورةكفاها تلاتة سنة مرفوعه...
احترامي

الفاتح ولدك تنزلوا في بوست براهو عشان نبارك
..محل صورتك خلي فاضي لمن
تتظبط وتتصور

فيصل:فكرة والله الواحد بكرة يصور ولدو ويرفع صورتو
وين ياسيد قفل باب الترشيح وفاز محمود بالتزكية

المبدعة المتالقة اقبال
مرورك دائما يضفي سحرا والقا ويجعل النقاش حلو بطعم التحدي
اما عن فيصل والفاتح ديل حدي معاهم بعد غد الجمعة وان غد لناظره قريب.. وانا سارفع صورة الولد وانزل صورة جديدة.. الف تحية

الاخ فيصل خليل
يعني انا اتقطع ول شنو؟؟
البنات عاوزني في منتدى الاسرة
وانت عاوزني في منتدى الشعر والخواطر
وشاويش عاوزني في منتدى ماعارف اسمو شنو
وود عثمان عاوزني اترشح بدل ازهري لغاية مايرجع ازهري بالسلامة من الاجازة ورسل لي استمارة الترشح!!!!
طيب محلولة ياراجل خد ود عثمان اصلو حايم ساي في المنتدى وماعندو اي شغلانة
وجاي الطيش في احصائية المنتدى.. الف تحية

الاخ فيصل خليل
ارجو ان تنزل صورتك عشان ما احشد كل القوات ويتحول المطلب من اختياري الى اجباري!!!! مشكلتنا مع الفاتح التوم سهلة جدا وحرم صورتو سوف تراها قريبا في المنتدى وجاهزه عندي بس عاوز اعمل ليها شوية ديكور واعادة تحديث للصلعة والتي تشابه صلعة محمد الامين طبعا هو ما عندو شيب حسب معلوماتي من المصادر الخاصة لكني اقول له كما قال الشاعر
رات وضحا في الراس مني فراعها فريقان مبيض به وبهيم
تفاريق شيب في السواد لوامع فيا حسن ليل لاح فيه نجوم
او كما قال شاعر اخر:
اذا نازع الشيب الشباب فاصلتا بسيفيهما فالشيب لا شك غالب
واخر قولي مثل ماقلت اولا:
عريت من الشباب وكنت غصنا كما يعرى من الورق القضيب
ونحت على الشباب بدمع عيني فما نفع البكاء ولا النحيب
فيا ليت الشباب يعود يوما فاخبره بما فعل المشيب
وهذا اعتراف بما الت اليه احوالنا من الكبر والشيب والهرم
هرمنا...هرمنا.... هرمنا.. الف تحية

سلام جاكم

يا محمود دى صورة الزواج يا عزيزى

نحنا خمنا صعب و قتالنا عادة بيكون ضارى و ننصحك بالانسحاب من المعركة دى

شايفك انت و ود عشمان تطبلوا لبعض ممكن نعرف الحاصل شنو

ود عشمان اعمل حسابك انا بعمل معاك اجراءات صعبة شديد

تحياتى

لقد هرمنــا @..@..@ هرمنا من أجل هذه اللحظة التأريخية ...يا محمود ...لقد إلتقيت أخي فيصل قبل 10أشهر تقريباً ولازال فيصل ...مثل فيصل ابوجبيهة الذي تركته ...وماشاء الله فيصل زاد نضارةً ...وذوقاً وطيبةً وتواضعاً ...ولقد رأيتك وود عشمان تشنان هجوماً ضارياً ...واخشي عليكما من خسران هذا الهجوم ...ونصيحتي لكما أن تتريثا قليلاً في إستراحة المحارب ...ولكم ولأسرة المنتدي محبتي ...

عم عصمااااااااااان يديك العافية
يارب
لكن يا عمو فيصل دا مالوا ما داير ينزل صورته؟؟؟؟؟؟
احترامي

إبنتي صبوحة أنا زاتي السعااال دا محيرني ...تقولي شنو بس ...!!؟ زول تخيان بس ... إحترامي لك دائماً ...

ههههههههههههههههههههههههههههههههههها

عمو عصمان و صبوحه عايزين منى شنو

يا عمو انت ما شفتنى قبل شهور و تقدر تقول مافى جديد شوية ترطيبة كده و بس

تسلمو

أرق سلام وتحية للجميع شوقنا ليكم كتير..... أحييكم من أرض الحباك حيث الخضرة والأجواء الخريفية وبشارات الخريف أعلنت قدومها والسماء ملبدة بالغيوم .....
ماشاء الله ياعم محمود علي الصورة الجميلة بها أزدان المنتدي نورآ.. بعدا ناس فيصل خليل والفاتح انشاء الله يطلعوا صورهم الخايفين عليها دي
عم شاويش مشتاقين كتير والله بهاتفك قريبا ؛فيصل خليل شايفك رافع قزاز وعامل أبوجهل (جرشخيط وأقيف بعيد)من دا ياكابتن
الاخت صباح كيف اخبارك واخبار الاهل امل ان تكوني بخير ؛والتحية والسلام لكل الحاضرين والغير حاضرين في المنتدي

الإشراقة والحلاوة والنقاوة ...ول نوية ...ياسلاااام عليك يا أصيل ...لم تنسانا أبداً وهذا يدل على طيبك وذوقك ...وتصدق إنت وحشتنا كتير ...وبختك مع الجو في الحباك وبشائر الخريف وريحة الدعاش المنعشة ... ربنا يهنيك بإجازتك يارب ...وتحياتي لجميع أراد أسرتك الكريمة .... محبتي

يا سلام يا محمد علي الطلة الجميلة
انشاء الله طيب وكل الاهل
ونتمني لك اجازة سعيدة في الاجواء الخريفية الممتعة
تسلم

يا فيصل خليل ياخي انت مالك عزبتنا؟؟ طيب اليوم انا حاتصور من جديد اليوم وانزلها لكم يوم الاحد او الاثنين.. لكن خايفك تقول لي دي صورتك لمن كنت في ابو جبيهة.. وبعدين نحن غير مقتنعين بشوفة شاويش ليك قبل عشرة سنوات عاوزين نشوف صورة جديدة زي صورتي الجديدة دي.
محمد نوية الف تحية لك وانت تحيينا من الحباك تحياتنا الحارة لجميع الاهل هناك واتمنى لك اجازة سعيدة.
الاستاذة صباح الف شكر على مرورك الجميل.. وطبعا انا كسبت الرهان حتى الان ضد فيصل خليل والفاتح.
الاستاذ شاويش الرائع ما تجامل فيصل خليل انت ذاتك اقبال قالت ليك غير الصورة دي كفاها ليها ثلاثة سنوات..

محمود ياخى سلامات

ياخ والله عمو عصمان شافنى قبل عشرة شهور مش عشرة سنوات و بعدين عمو دا زول حقانى بس

كدا قول لى انت خايف مالك؟ واحده واحده

انت اسع مغترب ليك كم سنه؟ ياخى والله انت مفروض تكون مؤسس المملكة العربية السعودية لانك دخلتها

قبل آل سعود يا محمود ههههههههههههههههههههههههها

المهم اناى و الفاتح اخوى عندنا اتفاق واضح فى ههذا الخصوص و لن نفصح عنه

ليك الحب يا زول يا رائع

تخريفه

ول نويه الف مراحب يا عزيزنا

لو ما عملت حسابك منى بعمل ليك مشاكل فى ابوجبيهه لانو باقى العصابه هناك

تحياتى للاهل

هوي يا ودمنصـــور ...... خلي كلما قال ليك فيصل الصورة دي كده ولاّ كده .... ( ليست حسب مواصفاتنا ) ..تقول بغيرها ليكم .... إنتا جيب الصلعة من الآخر ريح بالك وريحنــــــــــا معاك ههههههههههها

***************************************************
خليني أغششك زيما قال جمال حسن سعيد
( إتحاد أصحاب الصلع و الجلحات " كبيره أوصغيره مافارقه" )
***************************************************
وما زلنا متحفظين على شروطنا التي أوردناها ورددناها في بياناتنا السابقة ... ...
**************************************************

بسم الله والصلاة والسلام علي رسول الله
اخيرا بعد لاء وجهد استطعنا ان ندخل بعد ان عز علينا الدخول
السلام كومين لكل العقد الفريد
الاخوه الفاتح التوم وفيصل حتيله شانين هجوم علي ود منصور
ويعدين محمود ود بتين وهو زميل دراستي ورفيقي ، وانتوا عينكم في الفيل وتطعنوا في ضلو
التحايا موصوله لكل الاخوه والاخوات بالمنتدي

الدكتور حسن الحاج
اهلا وسهلا ومرحبا وبصراحة غيبتك طالت لاكثر من الازم اتمنى ان تستمر معنا بدون انقطاع لان وجودك له طعم خاص مع العلم نحن بصدد تكوين حلف ضد البلطجية فيصل خليل والفاتح التوم للتصدي لهم ووجودكم يعتبر مكسب كبير جدا للحلف
الف تحية يا سكر بدون نمل..

فيصل خليل؟؟ باين عليك نويت تكب الزوغة عديل
الفاتح التوم؟؟ شايفك لابد تنتظر نتائج المعركة الخاسرة
جمعة التغيير في انتظاركم
الجمعة اخر موعد لانزال الصور وتغيير الصور القديمة
ولا عذر لمن انذر
برافو عليك دكتور حسن الحاج
برافو عليك الاستاذة صباح والاستاذة اقبال
برافو عليك ود عثمان الفارس الجحجاح سيد المهر الجماح

الاخ محمود تحياتي جماعتك عاملين ماشيفين وعملو اضان الحامل طرشه
اظنهم ارتدعوا ، وان عادو عدنا

سلامات عمنا دكتور حسن ..... ألف حمد الله على سلامتك ياغالي
أنحنا ما اتردعنـــا لكن توفيق رباني لمحمود
"أضانو بردت ليومين ... لعدم دخولنا "...
محمودقال ليك دكتور حسن حاااااف كده
معناها أكبر منّك أكيد !!
أنا غايتو يا دكتور شايف براي وقدامي الشيخ " كرنكة "
قال زميلو ... في المدرسه
أنا زواج الشيخ ده كنتا في الإبتدائي
وبتذكروا طشاش طشاش ....
أما الشيخ يومنا ده عندو " نضــارة دبل "
أنا خايف محمود يكون مركب عدسات ولابس زي " ابراهيم عوض"
ههههههههههههههههها
تسلمو يا حلوين

من طرف **ود عشمان** 24th مايو 2011, 22:56

العزيز محمود منصور ..

تلفونك البنتهي .. 387******** و البنتهي بي 825 ********** كلها مقفوله الحكايه شنو

لك التقدير

ودعشمان ....( اتصلت عليه و الحال من بعضو )
يا اخوي محمود بعد أن اكتشفنا إنو مركب " عدسات "
كبـــا الزوغة.....
بقن عليهو اتنين " صلعة وطشاش "

*********************************
يا ود منصور من مصادرنا الخاصة عرفنا إنو الصورة الحتنزلهادي
من أيام " مدرسة الخرطوم الثانوية القديمة"...
(((يعني برضو بنضوره في الكوره ...وكشفنا دورا )))
على قول استاذنا ابو الزهور....
شوف ليك صرفه تانية .....
*********************************
حقيقي وحشتنا .... افتح موبايلاتك يااااخ

الاخ الفاتح
مساااااااااااء الخير .....
طيب انت واخونا فيصل خليل
صوركم حقت الثانوي نزلوها ما مشكلة ....
تحياتي

الاستاذ الفاتح التوم زعيم طائفة البلطجية بالانابة
انت ماعندك صبر لغاية ما الصورة تنزل؟؟
وبعدين الصورة دي انا اتصورتها اليوم في الصباح وحاستلمها باكر بعد الظهر وانزلها لكم صباح الجمعة (( جمعة التغيير)) وطبعا انا طلبت من المصوراتي ان تكون بالاسود والابيض عشان تكون واضحة وجميلة!!! والحمد لله وما شاء الله الاستاذه اقبال غيرت الصوره ونزلت لينا صورة البطل وربنا يحفظ يا اقبال انشاء الله.
ود عثمان خلاص الصورة دي تعبتها ارجو ان تنضم لركب التغيير في جمعة التغيير وما تملا ايدك بفيصل والفاتح.. الف تحية

الاستاذة صباح
الف تحية جماعتك ديل ماعندهم كلمة واحسن ناس في الزوغان واللف والدوران وموعدنا معهم يوم الجمعة ( جمعة التغيير) وخليك شاهدة سانزل صورة اتصورتها اليوم نشوف بعد كده حيقولو ايش ؟؟

محمود .... يا اخوي كنتا غاطس وين ؟؟؟؟
المهم منتظرينك .......في اللفه !!
********************************
جداً يا صباح بس بعد أخونا ودمنصور
قالوا "البخيت بشوف في أخوهو!! "

الاستاذ الفاتح التوم
الف تحية يا بلطجي
والله العظيم انا اليومين ديل مشغول جدا وذلك لارتباط اعمالنا بالمدارس وانت عارف اليومين دي نهاية عام دراسي والعمل عندنا بيكون متزايد حتى تقفل المدارس ابوابها ونرتاح شوية..
والله العظيم بنتهز الفرص عشان ادخل المنتدى واشوف الحبايب علما بانني بحاول التخلص من مشكلة الادمان على دخول المنتديات التي تاخذ احيانا جل وقتنا
المهم في الموضوع عندما نلتقي يوم الجمعة في الساحة وتكون نزلت صورتك الخايف عليها وانزل صورتي الجديدة التي سوف استلمها اليو بعد الظهر انشاء الله مع تحياتي للاسرة..
تخريمة خفيفة / لازم تديني خبر اول ما تمسك الخط وتكون منطلق الى مكة

محمود سلامات ياخى

انت قصة التلفونات بتاعتك دى شنو بالضبط كدا؟ دا سؤال محير الناس دى كلها

يعنى اللف و الدوران فى موضوع الصور دا بقى غير مفيد قبل ان تستقبل تلفونات الاخوة لزوم مناقشة

باقى الاتفاقات محل الخلاف

ياخى افتح الهاتف

بعدين لقينا ليك عروس منتازة فى جدة و شغالة شغل محترم بس العيب الوحيد انها صغيرة شديد

شوف رايك شنو عشان نكمل ليك الباقى

تحياتى

استاذ فيصل خليل الاديب والكاتب الساخر
الف تحية... وبعدين ياراجل انا ماعاوز من جدة لاني مجرب زواج الغربة بتوابعو ومقالبو..
انا عاوز واحدة سودانية وست بيت عشان تعبنا من اكل المطاعم يعني بتعرف تعمل ملاح الويكة واللوبيا وتعرف تعوس الكسرة وتعرف الكول والشرموط وخبيرة باسرار الحياة الزوجية السودانية الخالصة ...ومن فضلك ما تخمني ساي
الف تحية

ايوا فهمتك عمو محمود

تقصد زواج من الداخل يعنى

دا طبعا شروطه صعبة كتير عليكم يا ناس السعودية

لكين رسل الطلب بتاعك لودعشمان و انا بدورى بعمل ليك توصية

تحياتى

الا تقعو معرض الجبالي