لو ازهري رجع قول له ود عشمان سار

يا اخوانا لو ازهري الحاج رجع من الخطران قول له ود عشمان سار علي الفيوض تجاه ( ملجاوط ) .. لان الاخ ياسر عزل عيال اهله خطاهم في صف العشره الاوئل .. العيشه بقت لي مره ..
و بعدين تعالوا اسألكم البلد الاكلت الاستاذ ازهري دي وين ؟؟

فتكم عافيه ..

ود عشمان ناس الحباك جت اهلى

الحباكي بلباص الداهي خاف داير يجيبك وحيييدك كان بالبلمسجي ولا الازرق..ياخي ماتخلي الخفة واللفة..احترامي

العزيز ازهري

اتمني لك وقتا ممتعا مع اسرتك و لو شفته اوباما سلم عليه ..

الاخت الدكتوره الكبيره ناشي

متعك الله بالصحة و العافيه .. سعدت بمداخلتك ..
توه حاله كي خطينا في الفيوض تجاه ملجاوط لكن الخريف السنه تعيس البقر تويانات ..

و انت كيف اخبارك انشاء الله قدرتي تتفاهمي مع الناس امهنين عيون صغار ..

لك التقدير ..

العزيز ياسر ..

متعك الله بالصحة و العافية .. ناس المنطقة الشرقيه ديل كلهم اهل و حسي لو مسكناك نلقاك عندك عرق في ناس امبرمبيطه .. انا تاني الموضوع الصالح و الطالح بنزلو عشان اوقف كمبيوترك دا في محلو ..

لك التقدير اخي الكريم

العزيز فيصل حتيله

انت ما محتاج تعرف نفسك .. انت معرف زول سعيه و خلا و فرقان و عليك الله خليك مثقف ما تحرجنا قدام الناس ..

لك التقدير اخي الكريم

البت الاصيله سهاد ..

انا تاني كل يوم جمعه بجيكم كتري القراريص و الشاي بالقرنفل ..

لك التقدير

الاخت العزيزه ( الحكامه )اقبال

لك التحيه دوما .. كمبيوتر ياسر دا لو المره الجايه ما جابني الدواس برقد ..

العزيز الفاتح محمد التوم

طبعا يا اخوانا الفاتح دا من الفطاحله في المنتدي ما زي ناس ابوهريره ديل ( كشا مشا)

لك التقدير اخي الفاتح و بعدين انت الكلام الكبار كبار دا بتجيبو من وين ..
الوالد بسلم عليك و قال ليك زمان كان بمشي لوالدك في المحلج و بقعدو تحت شدرة المنقه الوريفه و هو بسلم عليك حار و انا المفروض اتصل عليك الاسبوع المنصرم لكن مشاغل الدنيا الكتيره .. تحياتي للاولاد و بتصل عليك قريب انشاء الله ..

لك التقدير

الاخوة الكرام تحياتى لكم جميعا
وانت يا ول عشمان لقيتنى حيطك القصيرة
وانا توا بجيك فى فريقك هناك قرمان ليك حار بدور اصارعك عشان اسلها منك تب بعدين ما تخنس بعيد وتقول الزول مابنقلة لى تسوى ليك سمعة ساى والبنات يغنو فوقك وانا ما بنططك التراب

يا ابوهريره انا زول صراع لكن انت لا بتنقل و لا بتترفع الحل الوحيد نخليك تندقش مع الاخ محمود منصور اذا رميته تاني الا انا و فيصل نتحامو فوقك بيني و بينك انت الا يرموك ببندق ( خرتوش ابوماسورتين ) من بعيد ..

لك التقدير اخي الكريم و انا ذاتي قرمان ليك حار ..

هاى انت انا كان ما جاموس
انت انا من اول ما قل ليك ما تقول مابنقلة ليك
بعدين صاحبك محمود منصور دا ما تملى بيه يدك ده عجوز ما يغشك بالصور دى ساى وكان لى فيصل راسة ابيض من الشيب


الا شد حيلك ساى وتعال جلب

العزيز ابوهريره ..

ههههههههههههههههههههههههههه والله ضحكتني ..

يا ود عثمان الله يعطيك الصحة والعافية وما تخاف من ابوهريرة ده
المحامي ده قايل الصراع لسع زي بتاع زمان؟؟؟
الصراع بقى حديث ومطور وفيه جون سينا واورتن وريموستريو وايدج وما فيهو عمر كبير ول شباب ولسع هوك هوقن العجوز بيلعب وبيفوز
وابو هريرة ده يا ود عثمان امسكو لي بس وانا حرم بمسكو ليكم مسكة منومة اخليه ليكم نايم شهرين بس شرطي ان يكون الصراع داخل قفص دجا!! لا معليش اقصد قفص حديدي عشان ما يشرد قبل ما انومو ليكم ..
تخريمة/ ود عثمان اتصلت عليك امس ولم ترد امكن كنت نايم.. وبعدين ابوهريرة ده مشى بتين ابو جبيهة؟؟ وطهر اولادو متين ؟؟؟ورجع لينا تاني للازعاج كنا مرتاحين منو.. الف تحية

اخى محمود كيف صحتك واحوالك انا جيت لى 3 يوم وراجع تانى
بعدين نحنا صراع الجماعة ديلاك ما بنعرفة نحن ما دايرين صراع الخواويج دا نحنا صراعنا فى النقعة بره ميدان الشعلة وبنات الفريق بغنو لينا

زهير ياخى انت وين وشنو الزوغات دى والبلد دييك مسكتك كدة
مشتاقين كثير
صاحبك ول عشما مكمل الغشامة
لكن خلى لى ساى

يا ابا هريره !!!الزمن نطور والدنيا تطورت والناس تطورت شوف ود عثمان عامل حلبة صراع في براغ وواحدة في لندن وواحدة في باريس يعني مثتثمر في الصراع
وانت ماسك لي المصارعات القديمة ديك؟؟؟ وانا منتظرك في الحلبة والسباري بتاعي ود عثمان وماعندي غير مسكة منومة زي حبة الفاليوم .. الف تحية

الاخ زهير حسن

ماك طيب قرمان ليك حاااار .. كيف ناس كدقلي و خاصة ناس قعر الحجر .. اخي انا ما غشيم لكن الحقاره ما بدورها .. لك التحية اخي الكريم و ابقي اظهر ..

العزيز محمود منصور ..

تلفونك البنتهي .. 387******** و البنتهي بي 825 ********** كلها مقفوله الحكايه شنو

لك التقدير

العزيز الفاتح ..

ههههههههههههههه والله ضحكتني انا بيني و بينك كلمة اتخوجن دي طولت خلاص ما سمعتها ..

ماأبهاك ياول عشمان ...بجد مشتاقين بعدين أنت ساير وين ؟اليومين دي مطر عجيب في الفيض وأمبرطبو وأم خميرة تعال ساي خلي حواستك في بلد عيال جون دي
لنا لقاء ياعزيز ....بس الخرتوم اليومين دي حاميه حار خلاص

ود عشمان تارك نفيك ضيق كي حسي عليك الله دي احصاءه واحده جهجهتك كي تري كان عينونا وزار تشيل حرابك وتجينا خليت ناس ابجبيهي بنتقشوي يمين وشمال ود عشمان قال وفعل تري هوي ياول انقرع شايفك تحم في النيرات وتجي عقب بردودك الراقيه تبردها لك مني الاحترام والتقدير

العزيز محمد ول نويه ..

شوقا يسبق خطانا المشاعر باسمك هتفنا جميعا وين مكانك شوقا لك بالملايين و بلا حدود .. قالو لي دقش الفرقان و هياتك تشرب في الروابه ساي ..

العزيز الجبالي ..

لك التحية و التجلي و التقدير .. قرمان ليك حار .. انت عارف الجبالي انا نفسي ما ضيق لكن الزمن الفينا دا حقك الا تقلعه بضرعك ..

لكم التقدير احبتي ...

[img]https://apap.ahlamontada.com/[/img]

[img]https://apap.ahlamontada.com/[/img]

الاخوه و الاخوات الكرام

السلام عليكم ورحمة الله تعالي و بركاته ..

الحمد لله بنعمته تتم الصالحات و الصلاة و السلام علي رسول الله (ص) ..

بداية و في هذا اليوم الاغر اود ان اهنئ نفسي و بقية الاخوه المتفوقين في صف العشر الاوئل بالنجاح الباهر الذي حققوه .. و ايمانا منّا بالدور الرياد الذي يقوم به الاخ ياسر نود ان ننوه الي جميع الاخوه المتفوقين في صف العشر الاوئل ان يحتفلوا داخل منازلهم خوفا من المشاحنات و اثارة الفتنه من قبل الذين لم يحظوا في دخول صف العشر الاوائل ..

هنالك بعض الاخوه متشككين في نزاهة النتيجه الاخيره و خاصة احرازي للمرتبه السابعه التي افتخر بها كثيرا الا انني اقول لهم سوف ارد في الزمان و المكان المناسبين ..

انتهز هذه السانحه اوجه الدعوه الي جميع اعضاء المنتدي لحضور وجبة الافطار في منزلنا الكائن بحي الوحده مدينة امبرمبيطه ( جارة الوادي )

و الدعوه عامه ..

مع اطيب الامنيات ..

يا اخوانا ,,

في زول زعلان من ياسر ( المدير ) ؟؟ لو في اي حد عندو شكوي تفضلوا بها قبل ما نقفل موضوع البوست دا ..

لكم التقدير

نعم يا شباب
انا عندي اعتراض على الترتيب
المفروض يكون ود عشمان الاول وانا الثاني وفيصل خليل السابع مشترك
الف تحية

شكرا يا استاذ محمود

دا الكلام المفروض يكون .. الواحد كان باكي لصف العشر الاوئل .. الان دخلناه بجداره .. انت عندك فكره ابوهريره جاء الكم المره دي ؟؟

ود عثمان
هو ابوهريرة ترجمة ورقة بالانقليزي قاعد فيها ثلاثة شهور ولسع ما خلصت يدخل منافسة حارة زي دي كيفن؟؟؟انا متاكد لو الورقة دي كان رسلوها ليك انت ما كان اخدت دقيقتين .. المنافسة دي صعبة جدا وانت زاتك ياودعشمان لوما كنت راجل متعلم ومثقف وفاهم وعايش في بلاد الانقليز ما كان قدرت تجي فوقنا الاول !!! ابو هريرة شنو البدخل منافسة زي دي مع الفاهمين والمتعلمين والكتابين...الف تحية

عشان ما تتعبو نفسكم ساى انا الوقت داك كنت فى ابوجبيهة

بعدين انا جيت الطيش انتو واجعكم وين

سبـــــــحان الله يا ناس والله غايتو جنس غايتو

بالامـــــــــــس القريب كان كمبيوتر ياسر خرسان تلفان بايظ

اليوم الله قادر

ايمانا منّا بالدور الرياد الذي يقوم به الاخ ياسر نود ان ننوه الي جميع الاخوه المتفوقين في صف العشر الاوئل ان يحتفلوا داخل منازلهم خوفا من المشاحنات و اثارة الفتنه من قبل الذين لم يحظوا في دخول صف العشر الاوائل ..

ايه ايه ايه عدم الثبات على المبدأ

زهير يا ود خالتى الله يديك الفى مرادك كلامك صااااااااح الشغلانه بقت ام ضرعانيه

نتشششششششششششششششه :-

ياسر شكرك على مجهودك ربنا يديك العافيه ومزيد من التوفيق لك شكرى الكتيييييييير

شكرا يا ياسر وشكرا يا ودعشمان ما قلت لينا ضعينتك ختت يين 00بعدين يا ابو الزهور الخواجات ديل جبالهم دى مثل جبالنا اعنى عندها اسماء زى جبالنا كده اعنى زى كرن وجبيل ام البنيه وهلمجرا

يا سيد ازهرى حمدلله على السلامة

يا اخى انا عندى تظلم رفعتو ليك و انت كنت فى الخارج بخصوص نتيجة شهر مايو

نرجو ان تنظر فى الامر و تفيدنا حتى نتمكن من الاستعداد للمحكمة الدستورية فى حال اعتمادك

النتيجة التى أثارت كثيرا من اللغط فى اوساط اعضاء المنتدى

لك التحية

العزيز ول ابوي نويه ..

اخي البقيرات انشاء الله السنه ملعشيات .. السنه قالوا الخريف تعيس البقر تويانات .. و البكان الخطيتو فوقا دا انشاءالله مراشش ..

اخي عندنا بنات عمي حماد حامد (اللبيري) من اعمامك ناس امبرمبيطة عندو بناتو اتنين واحده بنادوها مني و التانيه جنه ازوجوهن من عيال ابوجبيهه و قالوا فريقكم علي جيهة ملم الكور خاتين في ملجاوط انشاء الله اخبارهن معاك .. عيال ابوجبيهه كملو لينا بناتنا طب .. لو سال الاخ عود الصند بعرفن ..

لك التقدير اخي الكريم و حبابك مليونين ..