جمعة التضامن مع ود عشمان

السادة الفاتح التوم
فيصل خليل
البلاطجة والمناحلين الشركاء
ايه رايكم ؟؟؟ الصورة دي اتصورتها اول امس الثلاثاء ونزلتها ليكم اليوم نشوف تاني عندكم كلام؟؟؟؟ ولو ما عجبتكم الجمعة الجاية حاغيرها ليكم بصورة اتصورتها اليوم... طبعا انا طلبت من المصوراتي ان تكون اسود وابيض كنوع من الرومانسية....
ارجوكم بطلو الكلام الكتير والمناحلة والمغالطة ونزلو لينا صوركم. ونحن في الانتظار .. الف تحية

العزيز محمود ..



لا .. الصوره دي صورتك ؟؟

العزيز محمود

طبعا.. طبعا وقت شفته الصوره كنت (شوك) لكن الان قرأت التعليق و عرفت بأنك طلبت طلب خاص من المصوراتي بأن تكون الصوره ابيض .. اسود نسبة لما تقضيه الحاجه ( نوع من الرومانسيات و كده ) و دي انا بعتبرها ظاهره حميده ..
مهما يكون من شيئ الصوره صورتك و عرفته قصدك شنو .. الناس تبدأ من الصوره القديمه و تدريجيا الي ان نصل بيهم الي يوما هذا ..

الصوره رائعه جدا تثبت بأنك كنت وسيما .. وجيها .. تبدو علي وجهك علامات الايمان .. ما في شك ايام الصبا جميله .. بالله رأيك شنو في صورتي عندما كنت صغير ؟؟

في نقطه مهمة قدرته اعرفها ليك من الاخ الفاتح في اخر تعليق بقول بعرف الكاميرا ام قماش و دا دليل واضح عمرو اتعرف و صاحب العقل يميز .. ما محتاحين لصورتو تاني ..

لكم التقدير

ود عشمان دى ياتو ابو عونات ذى محمد سبت دا

ابوهريره ..

ههههههههههههههه ههههههههههههههههههه هههههههههه ههههههههههههه هههههههههه اتذكرتو محمد سبت وين الرجل دا ؟؟ هههههههههه

اشكرك جدا ود عثمان الاصيل
وانا قصدت انزل صورة قديمة وانا طالب في الخرطوم القديمة الثانوية عشان اكف الغين اولا وبعد ذلك سانزل الصورة البعدها ثم بعدها حتى اوصل مع المتطرفين فيصل والفاتح لاخر صورة حديثة وكويس انت فهمت الموضوع بسرعة وطبعا انت راجل كما قلت لك سابقا ذكي ولماح وفارس وبتفهمها وهي طايرة ما زي اصحابك
وبعدين شايف ابو هريرة بهضرب من بعيد هو مالو؟؟؟
الف تحية لك ولابا هريرة المحامي متلقي الحجج الوهميه والقضايا البالونية..

الفاتح التوم
انت راجل غايتو حاسد جنس حسادة
ياخي الصورة دي جديدة لنج واخر صوره لي يعني ليها ثلاثة ايام بس
برضو ما مصدق؟؟؟ ولو مغالطنا وما مصدقدنا اسال العنبة الرامية فوق بيت ود عثمان في امبرمبيطة؟؟
باخي نزل لينا صورتك حتى لو بتاعة الروضة ونحن قبلانين زي ما قبلنا صورة ود عثمان قبل الروضة..
الف تحية

الاخ ابوهريره اصلا متلقي حجج و بعدين عندنا صديقنا اسمو محمد سبت يبدو شبه الصوره له .. بعدين دا كلو لا يحرك فينا ساكنا انا كنت واضح مع اي حد عيونو بشوفن طشاش يلبس نضارتو و يدقق في صورنا دي حتي تثبت له الحقيقه .. اقبال عبداللطيف كانت بشكك في مصداقية الصور لكن يبدو رجعت لثوبها و دي خطوه كويسه ..

لك التقدير اخي الكريم

الاخ رفيق الدرب الطويل محمود منصور

تم تغير الصوره حتي نسكت المرجفين .. و كنت عاوز افاجئهم بصوره اخري لكن وجدناهم لا يستطيعون التحمل في الصغيره و لا الكبيره .. علي كل حال نحن علي النهج سائرون و لا تستمع الي ما يقولون .. مهما يكن من شيئ بصورتك الجميله انت عبرت الي المرحله القادمه في المنافسه ..

و بعدين عاوزين ابوهريره يغير صورتو ..

لك التقدير

ود عثمان الاصيل
مبروك الصورة الجديدة... ايوة خليك كده
انت بس سكت ابو هريرة اب كلاما كتير ده ...وانا بسكت ليك البلطجية فيصل والفاتح التوم ..الف تحية

فيصل خليل
يعني الصورة الجديدة دي ما شايفا
ول ما مالية عينك الكبيرة دي؟؟
ول عامل ما شايف؟؟ ول على قولة الدكتور حسن الحاج عامل اضان الحامل طرشاء؟؟ انا عارفك اوعك تكون راقد ليك فوق راي!!! منك خوف
طيب صورة ود عثمان كمان ما عاجباك ول ماعاجبك الاندكروزر.. الف تحية

ودعشمان مااتراجعت لكن جيراني في الكلاكلة قالو الصورة دي حقت ولدم .جابو لي الولد ذاتو شفتو بغبشتو دي زي شحموطة الفرن.وامو قالت لي ولدكم المصلط دا جاب الصورة دي من وين؟.خلي جادي زي استاذ محمود

اقبال ..

شوفي يخلق من الشبه اربعين ممكن يكوم ود جيرانكم بشبهني عندما كنت صغير و بعدين الغباشه ما عيب جردل مويه واحد لو كشحو فيه ممكن ينضفو ياخ انتي نبذي لكن ما تسيئ ..

تعالي نسألك الجني ابو فنيله صفراء اسمو منو ؟؟

الجنا دا اصغر اولادي اسمو اواب...مافي كلام ياودعشمان في الصورة..كن مامرقوها ساكت ناس المصنفات الفاتح وابوهريرة..وقالو الصورة جنب الفيض وكن مااخاف الكضب المناك ليك دا جبل الداير..احترامي

ام اواب
الف تحية.. وربنا يحفظو ويقويه ويعليه ويجعل منه سند لوالديه في الدنيا والاخرة لكن يا استاذتنا الولد ده انتي قاعدة تعلميهو الملاكمة ول شنو ؟؟لانو وقفتو كده زي العاوز يشاكل ليهو واحد.. الف تحية

ام اواب
مالك عاوزة تشككينا في ود عثمان ؟؟
يعني الجبل الفي الصورة امكن يكون جبل الداير؟؟
يعني ود عثمان قاعد في البلد وعاملينا قاعد فب لنضن؟؟
طيب ياود عثمان عشان تبعد الشبهات رسل لينا مقطع فديو من شوارع لنضن عشان نطمن..
الف تحية

تسلم ياستاذ محمود ..صحي كلامك الولد دا جنو جون سينا..
ياجماعة الكيس البفوق عربية ودعشمان دا ما ابكر ارح؟

يا جماعه ..

العوه ليكم شنو .. حسي مالكم بتعوو .. دايرين واحد فيكم يترجم كلمة العوه دي لاخونا الكاشف محمود لانو دائما بره الشبكه ..

انا ما عارف اسوي شنو معاكم في المنتدي دا ؟؟ غيرنا ليكم الصوره قلتو دا ما انا و في ناس قالو بشبه ود جيرانهم .. غيرناها ليكم تاني قلت مساعد حله .. ها انا اسوي شنو ..

لو مكضبني انا ما قاعد في لندن ح اجيب ليكم سهاد عبدالقفار تحلف كتاب تقولي الاسبوع الماضي ود عشمان جانا زياره و متغدي معانا

اقبال ..

الله يحفظ اواب من كل شر .. و انشاء الله بعدين يقيف في صفنا ما يمشي يقيف في صف جمعية القوارير كمان .. صدقتي الصوره بجوار جبل الداير وقفنا صلينا العصر ( اتاريك بت فرقان انا قايلك من بنات الخراطيم و ام درامين ..

لك التقدير

فيصل خليل المغلاتي
ياخي الفاتح التوم الحمد لله اقتنع بالصورة وبطل الهرجلة وارتحنا منو
انت ماعاوز تقتنع فوق كم ؟؟
الصورة دي اتا اتصورتها في هذا الاسبوع وعندي شهود وكان برضو ما مقتنع؟؟ طيب خلاص حاغيرها عشان خاطرك لانك صحبي!!!
المهم في الموضوع صورة من السبعينات ول من العشرينات نزل لينا صورتك اذا سمحت ول انا حاسلط عليك ود عثمان انت عارفو راجل لايوووووووق و لسانو طوييييييل وما بعجبو العجب ولا الصيام في رجب وبذكرني بشخصية كبسول
الف تحية

انت يا اقبال ابكر اراح دا ناس محمود وود عشمان ديل عرفو ولا عملو عارفين ساى

انت عارف يا ابوهريره ابكر اراح ما عرفتها لكن اتصلت الخرطوم قبل شويه سألت من الكلمه ووروني معناتها .. ضحكت جنس ضحك .. كلكم بقج في بقج ..

الاستاذ ابو هريرة متلقي الحجج الوهمية
اولا اللقب دة اطلقتو عليك الاستاذة ناهد عبيد وهسع عامله خايفة عليك من العين..
ثانيا نحن عاوزين صورتك انت مش عاوزين صورة سيارة!!!
ثالثا الورقة بتاعت ود عثمان اذا ما قدرت عليها وغلبتك رجعها لود عثمان هو بترجما لينا في دقيقة واحدة...

ود عشمان عرفت ابكر اراح والبريك القوقو منو
بعدين يامحمود ناهد دى اختى داير تعمل لينا فتن معاها

موضوع الترجمة دا قوقل فى بس تعمل كوبى وبست حاجة بسيطة جدا

ابو هريرة زولك ود عشمان دا تاري دعاية ساكت..كن عرف القوقو نكلم ياسر يجيبو الاول من ورا..

يا استاذة يازعيمة اقبال
ود عثمان ده راجل تمام جدا والحمد لله دخل في العشرة الاوائل لهذا الشهر وهذ ضحض للشائعات المغرضة التي تطارده من قبل البلطجية::
وما تملي يدك من ابوهريرة متلقي الحجج انتي عارفة المحامين الحرامي بقدرة قادر بطلعوه ليك شريف وامين يعني ناس بتاعين كلام وبياعين احلام ومسوقي اوهام..
انتي عارفة يا استاذة اقبال بيني وبينك وابو هريرة ما يسمع الكلام ده ود عثمان الان مرشح ليشغل منصب وزيرا للثروة الحيوانية والسمكية في السودان وهو حتى الان رافض رغم كل المنح والمزايا والاغرآت التي يسيل لها اللعاب لانو قال هو بيفهم في الثروة الحيوانية بس اما السمكية دي قال جيبو ليها واحد زي فيصل خليل لانو بحاري وهذا يؤكد ان الرجل مخلص ووطني ومستقبلو زاخر و واعد عشان كده احسن ليك صلحي معاملتك معاو وما تسمعي كلام ابوهريرة..الف تحية

الضعينة كان سمعت بكلامك دا تموت مغصة..استاذ محمود ماتشكر لينا الراكوبة في الخريف..سلم على العيال