أدروب شيوعي ! - وين يا جنابو منقه ؟

هدندوي لقى دفار البوليس

مالينو طالبات جميلات معتقلات،

قام سأل بتاع الدكان:


بنات هلوين ديل مالو؟


:الراجل قال ليه

كانن في مظاهرة بتاعة شيوعيين وقبضوهن.


الهدندوي مشى جنب الدفار

والعسكري الحارسو كان شايقي


وهتف: آاش نِدال التبقه الآمِله

(عاش نضال الطبقة العاملة)


...العسكري طنشو

آاش كفاح الشعب السوداني


آاش الحزب الشيوئي السوداني


العسكري ما اشتغل بيهو شغلة



يعيش مهمد ابراهيم نوكد.


:العسكري عاين ليهو وقال

والله الليلي إنكان بقيت لينين

ما بتركب في الدفار ده !!

النقر اذيك يازول

انت عارف العسكرى يستاهل يرقوه صول طواااااااالى

أدروب عامل فيها حريف طلع شيوعى مصلحى

هههههههههههه

النقر ادروب ده قول ليهو معشر العسكر عندهم سياسة طول البال والصبر والجلد والمكر والدهاء كلها مشفوعه بالحكمه
الموضوع شيق
لك الود والاحترامي (عمنا عبد الرازق)

سلامات ناهد
أدروب بطبعه ذكي ؛ لكن الشايقي (طبعا مفتح) لانو بعرف لينين
العزيز موسي :
عمك عبدالرازق كان قريب في جبل العمده .
تحياتي للاسره ؛ حتي نلتقي .

ادروب ده بالغ عديييييييييييييييل 000وبعد ده مكنتو ما شالت0000000 شكرا يا النقر يا رائع

شكرا يا اعمام علي المرور.
وامين منقه (ادروب ) مصر وملح علي الغياب !

والله العظيم ضحكتني يا ود المحلج على هذا الادروب
طبعا اهلنا الهدندوة بيمتازو عن غيرهم في شرقنا الحبيب بخفة الظل وسرعة البديهة والفراسة ....
الف شكر
تخريمة// ارسلت لك رد على رسالتك في البريد الخاص بتاعك ولها الان اكثر من ثلاثة شهور معلقة في انتظارك!!!

يا حاج منصور
نأسف للتأخير ؛
لك الفرح .