== من الذاكرة رقم / 1==

منتظريين الذاكرة2

وبعدين يا الزبير الحصل شنو؟

السلام عليكم..ياجماعةعمنا الزبير ماشفتو روح شقيش؟راجنك

بسم الله الرحمن الرحيم
الاعزاءالكرام 00
--------
nashi
خالد عثمان
اِقبال عبد اللطيف
صباح حسن عبد الرحيم
----------
لكم التحية والاحترام والشكر علي المُداخلة ‘ وقد هدفت من هذا الموضوع لتقف العضوية الكريمة عن أسباب حبي لهذه المنطقة المحفورة في القلب ‘أنا علي وشك مُغادرةالرهد في الطريق لرشاد ومن ثم أرض الحباك ابوجبيهة
== تحيا تي ==

الاستاذ الزبير
نحن منتظرين موكبك في ابوجبيهة وربنا يوصلك بالسلامة
راجع صندوق الرسائل الواردة
الف شكر

أخي الزبير نتابعك وننتظرك بشغف ...وعبارة المشترك ..زكرتني القطار والزمن الجميل ...يا سلااام عليك ...ولك محبتي

يا سلااااام
والله بالجد عموالزبير رجعتنا لاجمل الازمنة وزي ما قال عم شاويش عبارة المشترك زكرتنا القطر والصنفور وشنقل منقل وايام الطفولة
على فكرة انا من مواليد الرهد بالجد بلد تستحق الشكر والعرفان بما فيها من جمال خلاب وتاريخ عريق بس اسرع كمل لينا مشوار الخريف

قطار الشوق متين ترحل تودينا..نزور بلدا حنان اهله..ترسى هناك ترسينا

لمتين نوصل هناك محبوبنا راجينا
متين نحضن عويناتو ولمتين يسرع يحيينا
تخريمة خارجة عن الموضوع/الاستاذة اقبال ارجو ان تكتبي لنا هذه الاغنية طالما بداتيها......
الف شكر

]
قطــــار الشوق متين ترحل تودينا
نشوف بلداً حنان اهلها
ترسى هنــــاك ترسينا

نسايم عطبره الحلوه تهدينا و ترسينا
نقابل فيها ناس طيبين فراقهم كان مبكينا

يا قطار الشوق متين توصل حبيبنا هناك راجينا
متين نحضن عويناتو لـ متين يسرع يحيينا

يا قطار الشوق ده ليل الغربه فيهو ودار
متين تسرع متين تكمل المشوار
عشان ما نلقى سيد الناس
و نطفي البينا من النار
نشوف عينيهو نعسانه
و لونو الزاهي كل نضار

يا قطار الشوق حبيبنا هناك
يحسب في مسافاتك
لو تعرف غلاوة الريد
أكنت نسيت محطاتك
وكان بدرت في الميعاد
و كان قللت ساعاتك
و كان حنيت علي مره
وكان حركت عجلاتك

الاستاذة اقبال
تحية عطرة لاستجابتك السريعة والفورية للطلب !!وهذا يدل على انك ماساهلة. ما شاء الله عليك يا ام اواب . هذه الاغنية من الاغاني الشعبية الجميلة الحالدة كتبها شاب مهندس في سكة حديد عطبرة لا اتذكر اسمه وتغنى بها الفنان (عبدالله الذكار )وهو ايضا من ابناء عطبرة جاء الى الخرطوم ليشارك بها في مهرجان الثقافة الاول ,وفازت الاغنية بالمركز الاول في مجال الاغنية الشعبية,, الا ان الفنان عبد الله الذكار هاجر الى المملكة العربية السعودية واستقر به المقام في مكة المكرمة واعتزل الفن وحرمه وقاطعه واصبح من الدعاه والملتزمين كما يسمونهم ... كان صوته عذبا ونديا و جميلا جدا واقرب ما يكون لصوت الفنان الراحل صاحب الصوت الجهور الرخيم التريان (عوض الجاك)
الف شكر يا مبدعة