ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

للسودانيين والسودانيين فقط

4 مشترك

اذهب الى الأسفل

للسودانيين والسودانيين فقط Empty للسودانيين والسودانيين فقط

مُساهمة من طرف الطيب الشيخ حسين كندة 13th يونيو 2011, 14:07

أرح نبنيهو من بكرة..وطن .. نيلين ..ومليونين متر مربوع...نكتل الجوع..ونزرع حوشناحرية..نقلب السونكي سلوكة..ونعمل الدوشكا طورية..محل ألغام تبلدية وبير موية
أرح نبينهو من هسه..وطن..بشلوخ..وفيهو شيوخ ورطانة..يكون آذان بدل دانة ...تدق أجراس بدل حانة ..ونمشي أمان .. من الطينة لي قيسان..
مستشفى كبيييرة هناك في تلوشي...مسرح حفلة في أحضان جبال تقلي بدل جبخانة ..شفخانةفي تسني ....نخت (دلاس)مع الهبباي ...تعالوا نرجع الببابي ..وأخونا ملوك جنا الأبنوس ..أرح نربط تلودي بييي... تطير طيارة من حلفا تنوم في بور يقوم قطارنا من سنار ينوم دارفور..بدل رصاص .قلم..رصاص نحفر الساس ..لكل الناس ..كل سوداني بالاحساس
الطيب الشيخ حسين كندة
الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

للسودانيين والسودانيين فقط Empty رد: للسودانيين والسودانيين فقط

مُساهمة من طرف فيصل خليل حتيلة 13th يونيو 2011, 14:20


الطيب لك التحية و الحب و لك احتراما بحجم الوطن

***************************


عشة...كلمينا
ميري...زكرينا
كل سنكي احسن يبقي مسطرينا
نحنا شعب اسطي
يلا جيبو مونا
نبني ..نبني..نبني
مسرحا ...ونادي
مصنعا وبوستة
حرب لالالا
كبري استبالة
صالة للثقافة
تسرح الغزالة
جنبها ...الزرافة
رك قمري طار
قيرة ..قيرة..قيرة
نطط الصغار
صفق الترولي
طمن القطار
حلقت وحلقت حمامة المطار
كل طلقة بينا نحن تبقي وفرة
سمسما وبفرة
سكرا وشاى
جاى..جاى..جاى
مافي حاجة ساى
كل عندو دين والكل عندو راي
بور وبور سودان
بارا والجنينة
عبري ولا واو
حاجة مش كويسة
كل زول براو
هي سودان بكرة من سودانا ناو
تكتب انت تقرأ
تعرف السياسة
في محل حراسة
حجرة الدراسة
تمشي انت تلقي
في الضلمة لمبة
الف ضحكة حلوة ...تسندك بي جنبة
بي تمن طبنجة احسن الكمنجة
احلي شكل منقة...احسن الحليب
ايد...وايد..وايد
تزرع الجديد
غابة النشيد
ايد...وايد...وايد
مافي بينا سيد
ايد.وايد..وايد نلحق البعيد
نحنا مش مرقنا
حتة واحدةجينا
جينا للسرقنا
حقنا وغصبنا
دمنا وعرقنا
ولعووووووووو الرتينة
وكل سنكي احسن يبقي مسطرينا

فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

للسودانيين والسودانيين فقط Empty رد: للسودانيين والسودانيين فقط

مُساهمة من طرف Suhad Abduelgfaar 13th يونيو 2011, 15:57

لو بطلنا نحلم نموت !!!!!!!!!
لك التحيه اخى الطيب
ومشكور على الخواطر الجميله
تحياتى
Suhad Abduelgfaar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

للسودانيين والسودانيين فقط Empty عمر الطيب الدوش....... بلد سايح ...

مُساهمة من طرف الفاتح محمد التوم 13th يونيو 2011, 22:30


أشكرك عزيزي المفضال على هذا الألق ... في منتداك العامر .. وانشاء الله تنهض بلدنا من جديد ... بحول الله وحيل أبناءها .. تساؤلات الشاعر الكبير " الدوش - رحمه الله بالجنه " ستجد جواباً .. وقريباً إنشاء الله !!!!

حأسأل عن بلد رايح وافتش عن بلد سايح
واسأل عن امانينا اللي ما بتدينا صوت صايح
وأسأل وين مخابينا إذا جانا الزمن ..لا فح
واسأل عن بلد مجروح وعارف الجارحو ليه جارح
وابكى على بلد ممدوح وعارف المادحو ما مادح
واحلم بي حلم مسروق لا هو الليلة لا امبارح
أعلق في جناح سفري خطابات لي زمن فجري
وادخل من درب سري لكل مضاجع الأحزان
واضفِّر من شجر بلدي بروقاً مارقة من صدري
حأسأل عن بلد غاطٍ لحدِّ الليلهْ في الوجعة
أَنط فوق سرجي واتْحزَّم أقوم من وقعة لي وقعة
أخُتْ ايدي البتوجِعْني على السأم البراجِعْني
واسأل .. يا وطن يا بيتنا
ليه شوقك مواجهني ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع مسادير يمكن يتحرك
خطابات لي طفل مجدوع يقوم يجرى يقع يبرُك
رساله لكل قُمْريّة
إذا دم الشقا اتوزع على كل البيوت ما تْرِك
واسأل .. عن وطن رايِح واديكم خبر جارح
بأنو جميع جموع الناس حيفضلوا لا كراع لا راس
ونشترى في الدكاكين يوم مسابح من دموع الناس
مساحيق من هموم الناس زهج يتْعَبّا في الأكياس
ونعلن في المزاد علنا وترغي الجوقة والأجراس
"!نبيع الطفلة والكراس"
واصرَخ ! ياوطن! يا بيتنا ليه ما تبقى لينا الساس ؟؟؟؟؟
**********
واصرَخ ! ياوطن! يا بيتنا إنتا لينا الساس !!

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى