الدكتور ابو عائشة نمل السكر وعود الصندل وجه واحد لعملتين

يادكتور حسن الحاج
والله العظيم لم الحظ صورتك الجديدة غير الان فقط .. ماشاء الله تبارك الله
لكن بتشبه عود الصندل شبه شديد جدا جدا ,,, وانا اول ما شفت الصورة للوهلة الاولى كنت مفتكرك عود الصندل .. يخلق من الشبه اربعين
بالله لوعندك صورة لفيصل خليل ارسلها لي في البريد الالكتروني ضروري جدا
تحياتي لاسرتك
الف شكر

يا محمود .. يا محمود منصور

عود الصندل صورتو الخانق رقبتو فيها شفناه وواضحه جدا بالرغم من ان الشعب يريد تغيرها .. لكن الزول الاسمو الدكتور ابوعائشه نمل السكر دا انا فتشته صورتو دي تحت و فوق في المنتدي دا ما لقيتها .. ياخ اتأكد الزول دا مسجل معنا هنا ؟؟ و لا نجرتو من راسك ..و ورينا بكتب وين و اخر تعليق ليه كان شنو ..

لك التحية اخي الكريم و سلم علي الاولاد

الاستاذ ود عشمان السباري المعتمد لدى جمعية الرفق بالقوارير!!
ياخي ابوعشة كان في المنتدى امس ..ووجدت صورتو اليوم وانا اول ما شفتو كنت قايلو عود الصندل وفتشت على مكان البوست الذي نزلت فيه الصورة ولم اجده وقمت بحثت عليه في قائمة الاعضاء ووجدتو هناك زي عود الصندل... يخلق من الشبه خمسيت .. الف تحية

يا عزيزي محمود

انا و جمعية القوارير دي زي المؤتمر الوطني و الحركة الشعبيه و الموضوع دا ما حتاج لشرح ما في حاجه واحده تلمني مع الجماعه ديل و شايف صحبك فيصل خليل ممكن يوقع معهم لمسوده المفاوضات جاريه في الدوحه ..

يا اخوي الان لقيت صورة الدكتور ابوعشه ياخ انت نظرك قله و لا شنو .. وريني الناس دي بتتشابه في شنو ؟؟ ياخ البس نضاراتك و تاني شوف الناس دي شيئ واحد بجمعهم مافي ..

اسمع ابوهريره اخبارو شنو ؟؟ في روايه بتقول انضمه للجماعه هههههههه

لك التقدير

الاخ الاستاذ الزبير
اولا اشكرك جدا على مهاتفتك لي امس فانت رجل نبيل واصيل...
ثانيا موضوع عود الصندل,, وابوعشة نمل السكر ووجه الشبه
طبعا ابوعشة هو الدكتور حسن الحاج البشير ونمل السكر اسم حركي وهو صديق وزميل ومن اسرة عريقة اصيله لها تاريخ في ابوجبيهة وبالمناسبة هو شقيق الدكتور ازهري الحاج والاستاذ والاديب المخضرم فضل الحاج(خدورة امبشق).
اما عود الصندل واسمه الشفيع من اعضاء المنتدى شاب انيق وظريف ومهذب ويتمتع باخلاق عالية جدا وهو من الناس المستظرفين والمحبوبين جدا في المنتدى..
الف شكر

فيصل ود عمي خليل
ياخي ود عشمان ده بهظر معاك ساكت وبرمي ليقدام..
هو سجل معانا خلاص وانتهى الموضوع عشان كده ياخوي ماتفرح كتير
خليك وراء البلطجي الفاتح التوم...
وزي ما قال ود عشمان عاوزين اخبار ابوهريرة لانو في اشاعة بتقول قاعد مع عبد العزيز الحلو في بيتو التاني في جوبا ارجو ان تشوف الموضوع ده,,,
الف تحية

هههههههههه كعكعكعكعكعكع
دي طبعا ضحكة اخونا الجبالي الجديدة والله عجبتني جدا
طيب يا فيصل ما تطلع اشاعة في ابو هريرة وبعدين يدخل في مشاكل مع الحكومة المركزية,, واي حكومة جديدة نحن ما بنعترف بيها اطلاقا لان القديمة هي الاصل وابو هريرة موافق على شعار ودستور ونظام الجمعية التي ترفض مبدا تعدد الزوجات نسبة للوضع الاقتصادي المتردي في السودان..
ثانيا الصورة دي نزلت من يوم الجمعة .. انت ما شفتها الا الخميس ؟؟عشان عارف بكرة جمعة التغيير وحاغير بصورة جديدة؟؟؟
1/ السيد الفاتح التوم+++++
2/ السيدالجبالي+
3/ السيد فيصل خليل+++++++++++++++
4/ السيد الامين الخوجلابي+
5/ الاستاذ الزبير محمد احمد+
6/ جنابو امين منقة+
7/ السيد النقر عبد الرازق الحاج+
المطلوب تنزيل الصور وهذا انذار اخير وبعدها ستتخذ ادارة المنتدي صلاحياتها القانونية في اصدار عقوبات صارمة لكل من لا يلتزم...
الف شكر

الاخ فيصل
ياخي ايه اخبار ابوهريرة؟؟؟
اذا كان اتزوج فعلا كلمنا!!!! عشان نبعث التهاني عبر المنتدى
الف تحية

الاستاذة صباح
مشكلة الفاتح محلولة ومشكلة فيصل قربت تتحل وباذن الله عما قريب تشوفي الصور نزلت..
الفاتح التوم...موضوع ابوهريرة دي اشاعة ول حقيقة انا ما عارف لسع الموضوع عند فيصل خليل هو الذي نشر الخبر من قبل يومين وانا عاوز اتاكد عشان لوحقيقة نفصلوا من الجمعية لان الجمعية ترفض مبدا تعدد الزوجات جملة وتفصيلا
وما تفكر في شئ اخر وانا فاهمك كويس..
الف تحية









و

الاخوه الاعزاء المتداخلين جميعا لكم الود ولا يزال
اولا متاسف لدخولي متاخرا لهذا البوست وانا طرف اصيل فيه
الصوره نزلها ابني احمد دون علمي ربنا يسامحه . اما ان كان هنالك تشابه مع عود
الصندل فهذا شرف لنا
اما بخصوص فيصل يامحمود حافتش وحتما سوف اجد له صوره وسارسلها لك
التحايا موصوله للجميع

الدكتور حسن ابو عشة
الف حمدا على السلامة ومنور المنتدى
بالله عليك فتش عن الصورة باي طريقة وارسلها لي
عشان نقطع لسان فيصل الطويل ده
ثانيا تحن رشحناك بدل ابوهريرة رئيس فخري لجمعية الرفق بالقوارير
لانه اخل بشروط الجمعية,,
تحياتي للاسرة

بالجد البوست رائع وجميل ...ودعاباتكم طريفة وحلوة وراقية جداً ...بس شميت ريحة تآمر على أخوي فيصل ..,سحب صورته وتسليمها (للأنتربول) محمود ...يا جماعة مالكم على فيصل ...وصدقوني فيصل لم يتغير كثيراً بنفس وسامته وأناقته وشعره الجميل الهادئ ..وماشاء الله لسه الراجل شباب ...وصدقوني أنا جد سعيد بدعاباتكم الحلوة ...وربنا يجمع شملكم دائماً إخوة متاحبين ومتآنسين ...ولكم محبتي ..

[quote="ود عشمان"] يا عزيزي محمود

انا و جمعية القوارير دي زي المؤتمر الوطني و الحركة الشعبيه و الموضوع دا ما حتاج لشرح ما في حاجه واحده تلمني مع الجماعه ديل و شايف صحبك فيصل خليل ممكن يوقع معهم لمسوده المفاوضات جاريه في الدوحه ..



سلااااااااامات استاذ محمود
كلام السبارى ده واضح جدا شبه علاقته بالجمعيه زى الحرابه بين المؤتمرالوطنى والحركه الشعبيه بس انا عاوزاك يا استاذ محمود توضح لى مين المؤتمر الوطنى ومين الحركه الشعبيه بسرعه.

فيصل خليل حتيلة كتب:

فى اتصال هاتفى مع الاخ محمود منصور قبل يومين بخصوص موضوع الصورة يا عمو عصمان

قلت ليه يا محمود تتعرف وزير داخلية دكتور حسن الحاج تبقى منو؟

قال لى لا .............. قلت ليه تبقى امال خليل حتيله

هههههههههههههههههههههههههههها

يبقى الموضوع بايظ عمو

يبقى الموضوع بايظ وشهد شاهد من اهلها برافووووووو عليكى يا حواء ما قلتو عوين سااااى ولا نسيت يا جدو فيصل البوست الزمااااااان داك
وحات الله دى الليله قووووون عديل كده
ولكم جميعا شكرى يا استاذ محمود بوست دمو خفيف

الابنه ناهد
اشكرك جدا على مرورك لانه زاد الالق والحماسة
اما عن موضوع الحركة الشعبية هم البلطجية !!!!والمؤتمر الوطني معروف
ثانيا موضوع فيصل هو لم يدري بان الصورة وصلت وفي الطريق الى النشر
الف شكر

الاخ عثمان شاويش
الف شكر وكتر الله خيرك على الاطراء
وطبعا حبي للاخ فيصل والاخ عود الصندل هو ما يدفعني
لان ادخل معهم في جدل ومناوشات
الف شكر

محمود منصور محمد علي كتب: والله كلامك حقيقي يا استاذة ناهد,,,, فيصل الهسع ده هو قبل كده قال ::المراة كان بقت فاس ما بتكسر الراس !!!!!
طيب الان الاتغير شنو ؟؟ ياهو الفاس زاتو وياها المراة زاتا!! وده دليل اخر للرجل انه لايمكن ان يستغبي عن حواء مهما بلغ من العلم او الجاه او السلطان ,,ومصير الرجل في النهايه الاخذ براي حواء والاعتداد به وحتما هو دائما الراي السديد الصائب الراجح.. وقد اثبتت التجارب ان المراة تتريث اكثر من الرجل في اصدار الاحكام والبت في الامور المفصلية .. فهي تدرس الوضع جيدا وتقلبه من جميع الاطراف والزوايا تم تصدر حكمها,, لذا دائما ما يكون صائبا.. عكس الرجل تماما فهو يستعجل ويتعجل ويتهور في اصدار الاحكام حتى لو كان على علم بان احكامه خاطئة وجائرة ,, فالمهم عنده ان يستلم زمام المبادرة ويتوكا على عصا القيادة

كلامك صاح يا استاذ محمود لكين النصيحه مى حااااااره والظاهر فيصل نسى القاله زمااااان كمان بحاول يغير الموضوع ويفك أشاعه فى المسكين ابوهريره قال عرس قال ان شاءالله اىٌ واحد يعرس فى مرتو يعرز فى البياكو الناس فى شنو والحسانيه فى شنو

آميييين وتاني آميين يابت اختي
باغبو من يومو متلقي حجج..والحجج جنو في بكانو الشافكم في ام سداتا زول ماكضب..
ود عشمان ناس تاكل بارد مابنفعو معانا في الجمعية ولا شنو يامحمود؟

استاذة اقبال
الف تحية ومبروك الصورة الجديدة لاواب البطل ربنا يحفظو
اولا/ قبل ما نناقش موضوع لوران باغبو لازم تعرفي لينا هل هو فعلا اتزوج ام لا وبعد ذلك نناقش الموضوع,, لانو فيصل خليل طلع الدعاية وعمل نايم,,
ثانيا/انت عارفة فيصل خليل اليومين ديل قاعد يكون ويؤسس في جمعية جديدة اسمها ((جمعية تشجيع المتزوجين على التدبيل)) وعمل دعاية اعلامية ضخمة وجمع حوله ناس ود عشمان ولوران باغبو وكل البلطجية,,
الف تحية ,,,,

الاستاذ فيصل خليل
ياخي انا وود عشمان صاحبك السباري ده زي الحركة الشعبية والمؤتمر الوطني يعني ما ممكن نتفق على حاجة!!! حتى لو اتفقنا نتفق فقط عشان نتختلف تاني!!! وبعدين ما تملا ايدك من وزارة الداخلية موضوعك بايظ والصوره في الطريق,,,
الف تحية

الاستاذ عود الصندل
الف تحية صباحية
لوران باغبو ده اسم وانت الجبتو لابو هريرة ,,ونحن مسكنا فيهو وشيل شيلتك مع باغبو.. انا وود عشمان بعيدين منكم ,,لكن انت وفيصل وقعتو معاهو,,
الف تحية