عساكم من عوادو

الى كل الاخوه فى المنتدى ....... تصوموا وتفطرو عتى خير
اسال ان يعين

الجميع على صيام وقيام هذا الشهر الكريم ........ امين

من العايدين إن شاء الله

وانت بألف خير
الكرتونه نقصت ولا لسه ؟
غايتو لو نقصت انحنا جاهزين ؛ ويكة و شرموط

اميييييييييين وفقنا الله جميعا ان نصومه ايمانا واحتساب واعان الله الكل على قيام ليله


ياود المحلج عارفنك ممكن ترسل الويكا والشرموط بس جو الخريف الحلو دا والعصيدة بالباميه الفرش والشطة الخضراء بترسلها مسج ولا كيف هنيئا لكم اهل الحباك رمضان فى عز الخريف واخر كندشة من عند الله(سفرى الديمة فى بواديك الخضراء بدون فيزا محروم منه يا ابوجبيهة ومبدلنى او جنرال وتوشيبا)

لك التحية يا ابو تبيان.

اليومين دى ابوجبيهه حكاية ولا فى الخيال والله من اول امس مطر الى امس(ما شاءالله )

لك التحية و سوف نسجل ليك شوية جو فى شريط فديو.

سلم على الجميع

تجاني ازيك ورمضان كريم وتصومو وتفطروا علي خير؛؛
جابتك العصيده والويكة ؛ خرمه عجيبه ؛ عارف عبدالرازق سليمان عزمني أكل بلدي
ساقني شقه من المدخل تشتم رائحة البامية والويكه ؛ بس مافي نكهة ؛
تحياتي لناس ابوظبي جميعا ؛ عبدالرازق والهادي وناس الكتشينة

مشكووووووووووووور اخوى فيصل خليل يديك العافية وبمناسبة شريط الفيديو وبما ان طريق الاحلام بداء فى ان يكون واقعا خلونا نسن قانون المناطق المفتوحة والمرئية ونفرج الناس ونكشف لهم عن اروع واجمل مناظر طبيعية فى السودان وكان ناس كسلا سرقوا الاضواء بجبلهم الواحد وسهولة الوصول اليهم نحن عندنا مملكة جبال يتراسها كرن وسحر طبيعية ادهش من راه وخلب عقله ازكر مرة البرفسور المرحوم معد ومقدم برنامج الحقل والعلم التلفزيونى الشهير سجل حلقة عن محافظة الرشاد ولم يصدق الرجل ما راه ان هكذا جمال مو جود وعلى بعد كيلو مترات من العاصمة ارجو ان يكون هنالك البوم صور ومشاهد طبيعية فى المنتدى ونجتهد حتى نجعل من سحر محافظتنا مشهد مشاهد ومرئ لجميع اهل السودان هى فرصة عبر المنتدى ان نعكس شىء من طبيعة المنطقة وتاكدوا لو ان الزلط وصل سيغير الكثير من العرسان وجهتهم الينا ونشوف فنادق على ضفاف العواى ومنتزهات على المقرح وياود المحلج كمرتك دى ماشفنا ليها صورة حايمة فى المنتدى وين داسى البومك متعنا متعك الله بالصحة والعافية تحياتى للجميع

ماشاء الله كتــــــــــاب ... وربنا يحفظك لنا ...ومداخلاتك حلوه .. وكل سنه وإنت طيب والتحية لكل الشباب الظراف تصوموا وتفطروا على خير .... محبتي ...