نتائج أول تقرير للتنمية البشرية..نسبة الفقر 46,5% في البلاد والحد الأدنى للدخل 113 جنيها

أول تقرير للتنمية البشرية..نسبة الفقر 46,5% في البلاد والحد الأدنى للدخل 113 جنيها
</TR>

الخرطوم : عادل حسون- صديقة بخيت: حدد التقرير السنوي الأول للتنمية البشرية في السودان نسبة السكان الذين يعيشون تحت خط الفقر بـ 46,5%يقل دخلهم عن 113,8جنيها، مصوباً إلى أن الفقر يعد من أقوى مهددات السلام الاجتماعي، موضحاً أن نسبة الفقراء في الريف تفوق سكان الحضر بـ"مرتين"، وأبان أن الفقر يتفاوت من ولاية إلى أخرى. ووصفت وزير الرعاية والضمان الاجتماعي أميرة الفاضل- لدى تنويرها الإعلاميين عن التقرير السنوي الأول للتنمية البشرية في السودان أمس- أن التقرير ركز على محاور الفقر، الصحة، والتعليم ضمن دراسات بحثية لعدد 7 ولايات؛ كأول إنجاز من نوعه في السودان، مستهدفا حل العديد من المشكلات الاجتماعية التي يعاني منها المجتمع بتحديدها، وهي التي كانت نتاجا طبيعيا للنزاعات، سواء بين الشمال والجنوب أو دارفور، وأخيرا جنوب كردفان. وقالت أميرة إن عنوان التقرير "دور السلام في التنمية البشرية" يظل موضوعا رئيسيا في هذه المرحلة، مشيرة إلى اشتراك حكومة الجنوب في وضع التقرير لكون العمل في إعداده بدأ منذ 2009م وقت أن كان الأمل في الوحدة لا يزال قائماً، معلنة عزم وزارتها التكامل في جهدها مع وزارة التنمية البشرية في هذا الشأن. وفي السياق أشارت إلى انطلاق تدشين مشروع الدعم الاجتماعي بعد غد السبت بتمليك 100 ألف أسرة إضافية بطاقة التأمين الصحي على مستوى 15ولاية مبينة تسلم الوزارة لاعتماد كامل من وزارة المالية قوامه 100 جنيه لكل أسرة. وقالت: إن توقعات نجاح المشروع تصل إلى نسبة 92%، ما من شأنه المساهمة في تقليل احتياجات الفقر. ورغم أن الوزيرة أقرت بعدم وجود معلومات دقيقة عن الفقراء؛ لكنها أبدت ثقتها في المزاوجة بين المنهج الإسلامي والتجارب العالمية، وقالت: دعونا نبدأ بحصر الفئات واحتياجاتها، ولا ضير أن يكون بادئة الدعم المالي قليل، أو يستهدف أعدادا قليلة. من جهتها أكدت ممثل برنامج الأمم المتحدة الإنمائي د. فاطمة فاروق الشيخ، أن السودان احتل الترتيب رقم 154 من بين 199 دولة عالميا في برامج التنمية البشرية، حيث استطاع أحداث تغيير في الجانب الإنساني من ناحية حصر معدلات الفقر والمشكلات المترتبة عليه كضعف مستويات التعليم والصحة. الاخبار

يا دكتوره الفقر ده ما لحق حدنا 0000

الهم اصلح حالنا

وجنبنا الفقر

سلامات اختى العزيزة احيك على ايصال هذه الموضوع الهام الينا بالرغم من انه يقطع القلب ان يكون بلد زى السودان بمساحته الشاسعة واراضيه البكر الخصبة والكم الهائل من الثروات الموجودة على ظهر الارض وباطنها يقبع فى زيل قائمة الدول الاقل فقرا مؤسف جدا ان نكون كذلك اما حان الوقت للقائميين على امر التنمية والتخطيط الاستراتيجى فى هذا البلد ان يخرجونا من هذه المعضلة .ولى عودة انشاء الله ,وجزاك الله خيرا.

غريق كمبال كتب:يا دكتوره الفقر ده ما لحق حدنا 0000

الهم اصلح حالنا

وجنبنا الفقر

********************
اخي غريق سلام
ربك لطيف
بعباده
حاولوا الزراعه

الطيب الشيخ حسين كندة كتب:من بينهم 8 نساء. الشرطة السودانية تتمكن منالقبض على 80 سوداني متسللين لإسرائيل عبر حدود الولايةالشمالية.( الانتباهة)
6588متهم مقبوض عليهم بالمخدرات وضبط أكثر من 11طن من البنقو
وزير الداخلية امام البرلمان :معظم جرائم المخدرات تقع في ولاية الخرطوم , تليها ولاية شمال كردفان لقربها من مناطق الانتاج بجنوب دار فور ( أجراس الحرية)
اليونسيف: وفاة 100 طفل من بين 1000طفل لكل الولادةبجنوب دارفور
البنك الزراعي يدشن التمويل متناهي الصغر( الرأي العام)
والي الخرطوم يحزر من انتشار دعاوي العنصرية والتهميش
الخضر يستعرضملامح مشاريع تنموية تكلفتها(مليار ونصف) جنيه
الداخلية توقف 418 طالب لتعاطي المخدرات (آخر لحظة)

*************************************
اخي الطيب الجريمة مرتبطة بالفقر بنسبة كبيرة جدا
ربك يصلح الحال

Ahmed kuku Ahmed كتب:سلامات اختى العزيزة احيك على ايصال هذه الموضوع الهام الينا بالرغم من انه يقطع القلب ان يكون بلد زى السودان بمساحته الشاسعة واراضيه البكر الخصبة والكم الهائل من الثروات الموجودة على ظهر الارض وباطنها يقبع فى زيل قائمة الدول الاقل فقرا مؤسف جدا ان نكون كذلك اما حان الوقت للقائميين على امر التنمية والتخطيط الاستراتيجى فى هذا البلد ان يخرجونا من هذه المعضلة .ولى عودة انشاء الله ,وجزاك الله خيرا.

وجزاك اخي الطيب

ما شفت سخرية العرب هنا من السوداني وووو
الحمدلله رب العالمين

فيصل خليل حتيلة كتب:

المكاشفى ابواومر النادر

التقرير دا تابع لمرجفى المدينة و لا تقرير صحيح يا دكتورة؟

يبقى نشوف لينا طريق غير اللاعب

الله غالب

الدكتورة اختى
حقيقة الفقر هو اكبر دافع للجريمة
وهوسبب كل المشاكل
وكما قال سيدنا على(لوكان رجلا لقتلته)
والزراعة هى المخرج لكن ككيف يا الزعيم غريغ

ابوهريرة عثمان عبدالسلام كتب:الدكتورة اختى
حقيقة الفقر هو اكبر دافع للجريمة
وهوسبب كل المشاكل
وكما قال سيدنا على(لوكان رجلا لقتلته)
والزراعة هى المخرج لكن ككيف يا الزعيم غريغ

منتظرين اراء الخبراء

فيصل خليل حتيلة كتب:

كااااااااااااااااااااااااااااااااااااااااااام و اربعين

شكرا دكتورة

نضرب في 2 ولا في 3 ما معروف
ههههههههه
شر البلية ما يضحك

وشكري الجزيل علي المرور

(لو كان الفقر رجلا لقتلته)
المال يرفع بيتا لا عماد له والفقر يهدم بيت العز والشرف.
الفقير الكلاب مابتدور تنبح فيهو التقول حرامي.
أنا فقير إذا انا مرفوض (واحد داير يعرس).
الفقر خير وسيلة لمحاربة السمنة(طبيب حنكوش).
الشعب يريد ابادة الفقر (ناس بتحلم وكده).
الفقير بي مغصتو تنفقع مرارتو.
الفقير هو الشخص الذي لا يعف معني كلمة مال.
الفقر مرض معدي. ليس له دواء ولا يمكن الوقاية منه.

الطيب الشيخ حسين كندة كتب:(لو كان الفقر رجلا لقتلته)
المال يرفع بيتا لا عماد له والفقر يهدم بيت العز والشرف.
الفقير الكلاب مابتدور تنبح فيهو التقول حرامي.
أنا فقير إذا انا مرفوض (واحد داير يعرس).
الفقر خير وسيلة لمحاربة السمنة(طبيب حنكوش).
الشعب يريد ابادة الفقر (ناس بتحلم وكده).
الفقير بي مغصتو تنفقع مرارتو.
الفقير هو الشخص الذي لا يعف معني كلمة مال.
الفقر مرض معدي. ليس له دواء ولا يمكن الوقاية منه.

والله يا الطيب ربك لطيف بعباده
وبعد كل عسر ان شاء الله يسرين
نسأل الله ان يفرج عن جميع فقراء بلادي
آمين

ناس الحيكومة قالو خط الفقُر دا يعني الزول يكون مصاريفو زي تلاتة جنيه ونص .أها... قمت أنا شفت المرتب بتاعي وقسمتو على ناس البيت . قام شنو لقيت ليك الواحد بيكلف معاي زي جنيهين وقريشات في اليوم .أها يا دكتورة انا وناس البيت فوق ولا تحت خط الفقُر؟
بعدين عني سوعال بسيط :المرة الفي الصورة دي أي البتتكلم عن الفقُر مرتبها بيكون كم؟ . وسوعال تاني معليش التوب التوب السمح اللابساهو دا بيكون بي كم كدا؟ يعني مرتبي بيجيب كم توب منو؟ وناس سهاد واقبال شافو التوب دا ياربي؟

الطيب الشيخ حسين كندة كتب:ناس الحيكومة قالو خط الفقُر دا يعني الزول يكون مصاريفو زي تلاتة جنيه ونص .أها... قمت أنا شفت المرتب بتاعي وقسمتو على ناس البيت . قام شنو لقيت ليك الواحد بيكلف معاي زي جنيهين وقريشات في اليوم .أها يا دكتورة انا وناس البيت فوق ولا تحت خط الفقُر؟
بعدين عني سوعال بسيط :المرة الفي الصورة دي أي البتتكلم عن الفقُر مرتبها بيكون كم؟ . وسوعال تاني معليش التوب التوب السمح اللابساهو دا بيكون بي كم كدا؟ يعني مرتبي بيجيب كم توب منو؟ وناس سهاد واقبال شافو التوب دا ياربي؟

الطيب اخوي سلام
امتحانك ماله اسئلته كلللها صعبه كدي؟
خط الففر لو تحته خط تاني اياهو بنكون تحته هههههههههههههههههه
بيكون سته سبعه الف جنيه بالجديد ينعني حذا خط الففر ده ههههههههههههههههه
التوب بيكون سعره فدر مرتبك + مرتبي
وناس سهاد بيكونوا خلن التياب زماااااااااااااااااااااااااااااااااااان عشان كدي مطنشات
شكرا جزيلا اخوي

يادكتورة :أنا داير اعرس والمرة قالت إلا يجيبو ليها توب جنس الفي الصورة . أها أخش صندوق ولا أعمل شنو؟
ماعارفه ليك محل تياب بالتقصيد لمدة كم سنة . أو بنك يديني قرض كدة نحل بي مسألة التوب دي بي ضمان المعاش بتاعي . كان مالقيت غايتو بكلم الخوجلابي او ياسر ينزل لي تياب من النت .
بمناسبة القروض دي والله أنا خايف ديون السودان الكم ( مريار دورار) ديل يكونن راحن في التياب..
والله كان المرة الفي الصورة دي ادتني توبها اللابساهو + كم هدمة كدة تكون ما قصرت ويكون أخوك فضل ليهو الماكولات ودي بنشوف ليها طريقة مخارجةانشاء الله
حاجة بسيييييييطة: المرة دي شايله شنو في يدها؟

فيصل خليل حتيلة كتب:

دكتورة و شيخ الطيب

الطريقة الساخرة و السهلة التى تناولتم بها الموضوع زاده روعة و جمال و خفة دم

هههههههههههههههههههها

قلنا كااااااااااااااااااااااااااااام و اربعين الدكتورة قالت مضروبة فى تلاتة ههههههههههههههها

قلت لى يا الطيب التوب دا بكم؟

هههههههههههههها

شكرا

اعطيك الف عافية فيل اخوي
113جنيه بتجيب ليها كم كيلو لحمه زكم رطل زيت وكم طلب فول للفطور وكم ..........
نحمد الله علي كل حال
وحبابك

الطيب الشيخ حسين كندة كتب:يادكتورة :أنا داير اعرس والمرة قالت إلا يجيبو ليها توب جنس الفي الصورة . أها أخش صندوق ولا أعمل شنو؟
ماعارفه ليك محل تياب بالتقصيد لمدة كم سنة . أو بنك يديني قرض كدة نحل بي مسألة التوب دي بي ضمان المعاش بتاعي . كان مالقيت غايتو بكلم الخوجلابي او ياسر ينزل لي تياب من النت .
بمناسبة القروض دي والله أنا خايف ديون السودان الكم ( مريار دورار) ديل يكونن راحن في التياب..
والله كان المرة الفي الصورة دي ادتني توبها اللابساهو + كم هدمة كدة تكون ما قصرت ويكون أخوك فضل ليهو الماكولات ودي بنشوف ليها طريقة مخارجةانشاء الله
حاجة بسيييييييطة: المرة دي شايله شنو في يدها؟

ربنا يوفقك في مشروعك آمين يا رب
الاستاذة شايله موبايل وما تسألني بي كم اسأل الخوجلابي ههههههههههههههههههههه
**************
راجع البريد الخاص