الرجل يطبخ أحسن من المراة

اكدت التجارب العزابية (من عزابة) والرحلات الشبابية والموائد الأسرية ان طبيخ الرجل اطعم واحلى من طبيخ المراة لذلك نجد ان معظم الرجال الذين تزوجوا يهربون في هرولة لأقرب بيت عزابة ليمنوا النفس بحلة كاربة ومسبكة ياكلون حد الشبع . والفرار من اكل الزوجة عادة بدات تنتشر هذه الأيام في ظل طبخ الزوجة للأكل ووضعه في التلاجة بحيث يفقد نكهته
الحقيقة نحن معشر العزابة عانينا كثيرا من هجوم إخوتنا المتزوجون علي حللنا مع العلم اننا ندفع (شيرن) ونخت قرن ونأتي بالرغيف على قدر عددنا لنفاجأ بدخول أحد الهاربين من اكل زوجاتهم ومشاركتنا في طعامنا
من هذا المنطلق نناشد جميع الأخوة العزاية في جميع بقاع العالم بأن يوصدوا الأبواب اما الدخلاء ولا يسمحوا لهم بمشاركتهم حللهم حتى يدفعو اشتراكههم
تخريمة: الشيفات (جمع شيف) مالهم كلهم رجال النسوان وين

والله ياالطيب انت بتاع مشاكل بشهادة فيصل...ياخي كيلو اللحمة الفي حلتك دا بعد تعمل ليك بيت تجيبو لحمة الاسبوع !؟ لييي مايبقي ليك مسيخ؟بيني وبينكم كان شدتو كلو مابتطلع مبذرة؟ امرقو في الذمة وخلو كضب النمل.

الطيب كدي جرب خلي التنظير

الأمير فيصل:كونوا إنو الرجال بطبخوا أحسن من النساء دا شيء لا جادل عليه.
والأميرة إقبال عارفه المعلومة دي لكن بتتهرب منها وممكن تستشير بقية الأقلام الناعمة . ولو سألت ذوي الخبرات الذين عاشو العزوبية أيام السبعينات (أقدم مننا) حتلقاه بحنوللأيام ديك كتير؟